Romanos 16:4 - Northern Tepehuan Bible

⁴ Ïgai kïïgakïrï gin soikïiña ïpï dai asta bhaitoma gïn koditu ïgai gin soikïitai. Kaxkïdï sïïrhikïdï bhai gin ïrhidi aanï ïgaikïdï. Dai mai xu mosïkaxi aanï ïgai dai bhai gin ïrhidi ïgaikïdï. Bïïxi go gaa buaboitudadami ix makïdï maiti ïr judidiu kïïga bhai gïn ïjïrhidi ïgaikïdï ïpï.

Tepehuan Northern: Diuusi ñiooquidʌ utuducami oodamicʌdʌ

⁴ Goovai baitoma gʌncooditu dai cʌʌgacʌrʌ gimvusaitu aidʌmʌsi giñmuaa aagaitadai cascʌdʌ aliʌsi baigiñʌlidi aanʌ goovaicʌdʌ. Dai maisiu mosʌcaasi aanʌ baigiñʌlidi vʌʌscatai vaavoitudadami ismaacʌdʌ maitʌrjudidíu baigʌnʌlidi ʌʌpʌ.

Romanos 16:4 ပူးပေါင်းရင်းမြစ်များ

VUAANA 15:13

—Gïn aagidamu aanï ïmo maaxidaragai ix kïïga maatïkagi aapimï xïï kïïga gïn oigïdai aanï. Daiñi, ix ïmo odami maatïkagi sai ïmo aduñdï ix makïdï kïïga ïïmadai ïgai gï muatuda agai dai potïdagi ïgai go ix makïdï gamua agai —Aanï abïr gin mua bhaiyoma ix gobai— tïi ïgai. Ix pobuadagi aidï gia gï maatï sai kïïga oigïdai ïgai aduñdï. Mai tipu ixdukatai kïïgioma oigïdada ïgai tudu.

Hechos 15:26

Ïgai mos apia ñokaiña Suxi bïïtarï tomaxi mui odami koda ïrhiditadai.

Hechos 15:41

Siriana dai Ciliciana dïgabusai dai gupukaturhi ïgai go buaboitudadami ami óídakami.

Hechos 16:5

Dai podukai bamioma gubukaturhi ïgai go buaboitudadami sai kabakan kïkibagi buaboidaradï dai bïïx tasai jaa buaboitudaiña ïpï dai gïn urabaiña.

Hechos 9:31

Dai aidï chïki tasai xioma óídakatadai go buaboitudadami Judeïrï dai Galileïrï dai Samarhiïrï mai tipukatai buidïrï bïïtïkami. Kïïga xadutudaiña ïgai Diuxi dai Diuxi Ibhïadï gamaakaiña gubukadagai xi ïgai bamioma kïïga muidaimi.

Romanos 16:3

Diuxkïdï abïr biatulda go Prisila ïmadï Aquila ïpï. Ïgai gin uurapïkïi Suxi Kristo aaduindadïrï.

Romanos 16:5

Diuxkïdï abïr biatulda go buaboitudadami ïpï ix makïdï gïn ïmpaidi kiidïrï Prisila ïmadï Aquila. Diuxkïdï abïr biatulda gin sukurhi Epeneto. Kïïga oigïdai aanï ïgai. Ïgai tudu ïr ïpïgadadï go Asiana óídakami ix makïdï buaboitu Suxi Kristo.

Romanos 5:7

Bhaitoma mai tipu xorai bhai aagagi xi mukiagi ïmai bïïtarï tomaxi kïï tuigakagi ïgai ¿aba? Ïbogiamaaxi oidaka antaada ïmoko ix makïdï bhai aagagi ix mukiagi ïmo kïï tuigakami bïïtarï, ix kabami kïï tuigakagi ïgai tudu.

1 Korintios 16:1

Xibi gïn aagidamu aanï ix dukatai ïmpaidadagi aapimï go soiñi go buaboitudadami bïïtarï ix makïdï Jerusalenana óídaga. Ka aagidi aanï go buaboitudadami Galasiana ixdukatai ïmpaidadagi ïgai soiñi ïpï dai ipïrhidi aanï ix ïpïandukai ibuadagi aapimï.

1 Korintios 7:17

Gin aaduñi, ix maaxkatadai aapimï aidïxi tukamïrï gïn báí Diuxi mai kia buaboitudakai podukai gï agai ix biyagi aapimï.

Filipenses 2:30

Aapimï mai bhaigakatadai xi gin soikïdagi mïkaxi darakatai aapimï. Dïï ïgai gia kïïgakïrï gin soikïiña naana maaxiïrï. Dai bhaitoma muu ïgai gin soikïitai. Kaxkïdï abïr kïïga oigïdada dai xadutuada ïgai.

1Tesalonicenses 2:14

Gïr susukurhi, kïï maatï aatïmï sai gïn aaduñi soimaaxi gïn taatamiturhiña. Kaxkïdï kïïga maatiga maaxi sai buaboitudai aapimï Diuxi ñokidï. Ix mai buaboitudamudai aapimï xadïrï pomaaxi gïn taatatuldana ïgai di. Ïïpïandukai dïgabusai aapimï ïmadï go gaa buaboitudadami ix makïdï gïn ïmpaidiña Judeïrï. Ix makïdï uraba daraka Diuxi dai Suxi Kristo tudu. Go judidiu soimaaxi taataturhi ïgai tomaxi ïr aaduñdï ïgai. Dai podukai aapimï ïpï bia gïn aaduñi ix makïdï soimaaxi gïn taataturhi buaboidaitai aapimï.

1 Juan 3:16

Daiñi, Suxi Kristo ïïgi gï tïïgi saidi gï muatudana gïr bïïtarï dai pobuadatai gïr tïtïïgidi ïgai ixdukatai kïïgakïrï oigïada aatïmï jaa. Dai gokïdï gï maatï sai gï agai aatïmï xi gamaakadagi tomax tumaxi dai asta ïïgi gïr ibhïdaga soiña rïrhiditai gïr aaduñi.

Apokalipsis 1:4

Aapimï buaboitudadami Asiana óídakami, aanï ïr Juan dai gïn ojidi idi ojai. Gïn ojidi aanï aapimï tudu ix makïdï kubarakami gïgïrï kiikiïrï óídaga aipakoga ami Asiana. Ipïrhidi aanï sai Diuxi ïmadï Diuxi Ibhïadï ïmadï Suxi Kristo kïï tuigakana gïn bïïtarï dai sai gïn maakana ibhïxtaragai gïn ibhïdagïrï. Diuxi tudu ïgai dai ka oidakatadai mai kia kïkibakai oidigi dai tomarhi ïmo imidagai mai ugiti agai. Dai Diuxi Ibhïadï ïgai dai buidïrï kïïka Diuxi daikarudï dai ami gamamaaxidi xïïxi ïr gubuakami ïgai dai ix mai biïga tomarhi ïmo ixtumaxi.