Romanos 15:7 - Northern Tepehuan Bible

⁷ Daiñi,Suxi Kristo ka kïïgakïrï gïn tïï. Kaxkïdï abïr kïïgakïrï gïn nïijada aapimï aipakoga ïpï dai podukai xadutuada Diuxi.

Tepehuan Northern: Diuusi ñiooquidʌ utuducami oodamicʌdʌ

⁷ Cʌʌgacʌrʌ avʌr gʌnnʌijada aapimʌ aipacoga poduucai isduucai Suusi Cristo cʌʌgacʌrʌ gʌrnʌidi aatʌmʌ vai poduucai cʌʌga ñioocadagi aa Diuusi vui.

Romanos 15:7 ပူးပေါင်းရင်းမြစ်များ

Mataibo 10:40

Dai apia oidi Suxi aatagidï daidi potïtïdai ïgai go odami ami, —Daiñi— itïtïdai. —Aapimï ïr gin mamaatïrdamiga. Dai aanï aagai sai xi odami no xibhïkai kïïga ïïgida kaïkagi aapimï gïn ñoki gobai itïiya ïrhidi sai kaxi ïr ïïgiadami ïgai aanï gin ñoki ïpï. Dai podukai ïpï aanï ïr otosadï Diuxi. Dai kaxkïdï xorai ïïgida kaïkagi gin ñoki ïgai kaxi ïr ïïgiadami Diuxi ñokidï ïpï. Diuxi otosadï aanï kaxkïdï— itïtïdai.

Markos 9:37

—Daiñi xi ïmadutai oigïda nïijadagi ïmo arhi odami gin xadutuada ïrhiditai, ïgai kaxi aanï gin oigïda tïï ïpï mos pobuadatai. Dai xi kïïgakïrï gin oigïda nïijadagi ïmoko ïgai kaxi oigïda tïï Diuxi ïpï. Diuxi otosadï aanï di— itïtïdai Suxi.

Lukas 15:2

Dai kaxkïdï soi kaitiña bïïxi go fariseos ïmadï tïtïgiadami sïïrhikami dai ñokaiña ïgai Suxi bui daidi ikaitiña, —Daiñi, go Suxi mai kïïga ibuayi. Uurapïkïi gobai soimaaxi ibuadami di— ikaitiña.

Lukas 9:48

Daidi potïtïdai Suxi go mamaatïrdami, —Gïn aagidamu aanï xorai bamioma ïr gïdukïdï Diuxi bïïtarï. Daiñi, aanï podukai nïidi sai aanï gin xadutuadan buayi odami ix makïdï kïïga xadutuadagi jaa ix makïdï bamioma maiti ïr tïtïanïdami. Ix xadutuada ïgai ïmo arhi gïrhi dukami idi ix makïdï tami gin abhana kïïka, aanï podukai nïidi sai aanï gin xadutudai ïgai pobuadatai. Dai xorai gin xadutuadagi ka xadutudai gin Oga ix makïdï gin otoi ïpï. Gobai maatiga maaxi. Daiñi, gï agai sai maatïka aapimï sai Diuxi bïïtarï bamioma ïr gatïanïdami odami ix makïdï jaa mai tïanïdami dukai nïidi— itïtïdai.

VUAANA 13:34

Kaxkïdï xibi mai kia imïkai gïn bitulda iñagai ïmo utudui sïïrhikami ix makïdï gï agai ix ïïgiada aapimï. Daiñi, gïn tïanïi aanï mïsai gïn oigïdaiña aipakoga ïpïan dukai ix gïn oigïdaiña aanï.

VUAANA 6:37

—Dïï gia oidaga jaa mui odami ix makïdï gin maa Diuxi gin Oga sai gin urabana dai ïgai gia kïïga gin buaboitudamu dai gin urabakamu dai aanï mai gajiadïrï biamu tomarhi ïmadutai ïgai.

Romanos 15:9

Suxi dibia saidi odami ix makïdï maiti ïr judidiu xadutuadana Diuxi ïpï maatïkatai sai Diuxi soi gï ïrhidi gïr nïiditai. Podukai tudu ojixi Diuxi ñokidïrï. Ami ikaiti sai, Gin kaï odami ix makïdï maiti ïr judidiu kaxkïdï oigïda ñokadamu aanï aapi Diuxi gï bui. Dai kaxkïdï ganïyimu aanï ïpï gï xadutudaitai, ikaiti go ojai.

Romanos 5:2

Buaboidakai aatïmï Suxi Kristo baa aatïmï ïmo gïdukami bhai ïrhiaragïrï ix makïdï gïr maa Diuxi gïr oigïdaitai. Dai xibi bhai ïrhiarakïdï nïnïraka xi urabagi aatïmï Diuxi xudu gï maaxitudagi ïgai xïïxi ïr gïïdukami.

Efesios 1:12

Diuxi ïgai dai ipïrhi dai podukai dáí xi aatïmï ïr ïpïgadioma buaboitudadamikagi. Ïgai ipïrhidi xi aatïmïkïdï gï maaxitudagi xïïxi ïr gïdukami ïgai dai xïï kïï tiodi kaxkïdï.

Efesios 1:18

Daanïi aanï Diuxi sai kïïga gïn maatïtuldana gïn iibhïdagïrï tudu. Aidï gia maatïkamu aapimï xïïxi ïr gïdukami go bhai ïrhiaragai ix makïdï bia Diuxi gïr bïïtarï, aatïmï gïr bïïtarï tudu ix makïdï ïr bapaidarxigadï. Diuxi gïr báí xi gïïpi bhai ïrhiarakïdï nïnïrakana aatïmï gobai ix makïdï bia ïgai gïr bïïtarï.

Kolosenses 3:13

Dai kïïga abïr gïn kabakada xïïxkadï soi gïn buidadagi ïgai daidi abïr oigïldada. Gï agai xi oigïldagi aapimï ix makïdï soi gïn buidadagi ïpïan dukai ix dui Suxi Kristo aidïxi gïn oigïrhi gïn soimaaxkamiga tudu.