Romanos 15:1 - Northern Tepehuan Bible

¹ Aatïmï ix makïdï kapaka gïr buaboidaraga gï agai xi soikïdagi go gaa ix makïdï mai kapaka buaboidaradï. Maiti gï agai xi ibuadagi aatïmï ïïgi ixtumaxi bhai ïrhiada aatïmï tudu.

Tepehuan Northern: Diuusi ñiooquidʌ utuducami oodamicʌdʌ

¹ Aatʌmʌ ismaacʌdʌ vaavoitudai sai maidaidarsi tomali ʌmo cuaadagai aliʌsi gʌaagai ismaivui ñioocada ʌgaa ismaacʌ vaavoitudai sai daidarsi ʌʌmo cuaadagai, dai maisiu ivuaadagi mosʌcaasi istumaasi ipʌlidi aatʌmʌ maitʌtʌgitoitai istumaasi vaavoitudai ʌgaa.

Romanos 15:1 ပူးပေါင်းရင်းမြစ်များ

Romanos 14:1

Aapimï buaboitudadami Romïrï óídakami abïr kïïgakïrï nïijada jaa buaboitudadami ïpï tomaxi mai xii gubuakagi ïgai buaboidaradï kia. Maiti abïr bui ñokada ïgai aagiditai ix tumaxi ïr sïïrhi xi buadagi ïgai tudu xi ïpï ix tumaxi maiti gï agai xi ibuadagi.

Romanos 14:2

Dukami maiti gï agai xi bui ñokada aapimï aagiditai ix tumaxi ïr sïïrhi xi kuada ïgai. Ïïmoko buaboitudai sai oidaga oigaragai xi tomax ix makïdï kuadagai kuadagi ïmoko. Dai jaa ix makïdï mai xi gubuka buaboidaradï mai kuayi bhaabhaidi.

Romanos 4:20

Tomax dukai apia kabami buaboitudaiña ïgai sai Diuxi iduña agaitadai ix dukatai aagidi. Buaboidaitai bhïiyi ïgai gubukarhigai daidi aagaiña xïï kïïga ïr gïdukami Diuxi.

1 Korintios 4:10

Daiñi, aapimï pupuirugami dukai gïr nïidi aagaitai aatïmï Suxi Kristo dai sastudakami gïn ïrhidi ïïgi aapimï. Soi dukai gïr nïidiña aapimï. Dai pobïnïrhidi aapimï sai ïr gïgïrdukami aapimï jaa bïïtarï. Kïïga gïn xadutudai odami tudu dïï aatïmï gia maiti gïr xadutudai ïgai.

1 Korintios 9:22

Ipïrhidi aanï ix bïïxi óídakami kïïga buaboitudagi Suxi Kristo tudu. Dai kaxkïdï xïxkadï ïmadï dakagi aanï odami ix makïdï daidarxikami aagai naana maaxi mai kabakatai buaboidaradï aanï ïmo mai kabakami buaboitudadami dukai oidakaiña ïpï maiti ibuadatai ixtumaxi daidarxikami aagai ïgai ïpï. Pobuayi aanï gaagaitai ix dukatai soiñagi sai kïïga buaboitudaiña ïgai Suxi Kristo.

2 Korintios 12:10

Kaxkïdï bhai gin ïrhidiña aanï xïïxkadï mai gubuakan taadakagi aanï, dai xïïxkadï soimaaxi ñoki gin buidïrï surhigidagi óídakami, dai xïïxkadï soimaaxi taatamadagi aanï ïpï dai xïïxkadï gin bui surhigiagi óídakami dai naana dukai xijiakagi gin oidakaraga oiditai aanï Suxi Kristo. Bïïxi gobaikïdï bhai gin ïrhidiña aanï tomaxi mai gubuka aanï. Kïïga maatï aanï sai xïïxkadï mai gubuaka antaadakagi aanï ïïgi amaxi bamioma gubuakana aanï gubukarhigadïkïdï Suxi Kristo tudu.

Efesios 6:10

Mosïkaxi ïpï ïmo aatagi gïn aagidamu aanï xibi idi ojiïrï. Gïn aagida in ïrhidi xi bhïna aapimï gubukarhigai bïïnakai Suxi Kristo. Ïgai gia sïïrhikïdï gubuka.

Filipenses 2:4

Dai bamioma abïr gaagada ixtumaxi ïr soiñikagi jaa bïïtarï dai mai xu xi gaagada aapimï mosïkaxi ixtumaxi ïr soiñikagi ïïgi gïn bïïtarï.

1Tesalonicenses 5:14

Gïr susukurhi, ix makïdï gïn urapïkïi dai paparïga abïr maakada ñoki. Daidi ix makïdï duduadikui abïr abïnakidada. Dai ix makïdï mai gupuka buaboidaradï abïr soikïda. Ïgai bïïxkatai gï agai xi mai dagitokai soiñagi aapimï dai mai ojodadagi.

2 Timoteo 2:1

Daiñi, gin maara dukai gï nïidi aanï, aapi Timoteo dai ipïrhidi aanï xi kïï gubuakagi aapi gï ibhïdagïrï. Ipïrhidi aanï xi gubuakagi aapi go gubukarhigaikïdï ix makïdï gï maakai Diuxi bïïna dakatai aapi Suxi Kristo.

1 Juan 2:14

Ïpïpï gïn aagidamu aanï ix tuixi gïn ojidi aanï. Daiñi aapimï ix makïdï ïr maamaradï Diuxi, kïïga maatï aapimï Diuxi gïr Oga dai kaxkïdï gïn ojidi aanï. Dai aapimï ix makïdï kaxi kabakan iimïi gïr buaboidaragïrï, kïïga maatï aapimï Suxi Kristo. Kïïga maatï aapimï ïgai ix makïdï kaxi oidakatadai ïïki abhiadïrï mai kia kïkibakai oidigi tudu. Kaxkïdï gïn ojidi aanï aapimï. Dai gïn ojidi aanï aapimï ix makïdï ïr utu iimïdami gïr buaboidaragïrï ïpï. Apia kïïga buaboitudai aapimï tudu dai tïgito ajiopai aapimï Diuxi ñokidï dai ka maitï aapimï go diabora. Kaxkïdï gïn ojidi aanï aapimï.