Romanos 13:7 - Northern Tepehuan Bible

⁷ Maakabïrai go dudunukami ïïgi ixtumaxi gïn ajïakagi ix maakiagi. Xi gïn ajïakagi xi aa namïidagi tuminxi abïr maaka gobai. Ïïgiadabïrai tudu xïïxkadï gïn tïanïdagi ïgai daidi abïr kïïga xadutuada ïpï.

Tepehuan Northern: Diuusi ñiooquidʌ utuducami oodamicʌdʌ

⁷ Anamʌquidavurai istumaasi vuaatuldi. Siaavʌr duutuada ʌtʌtʌaanʌdami ʌʌpʌ.

Romanos 13:7 ပူးပေါင်းရင်းမြစ်များ

Exodo 20:12

Xadutuadabïrai gïn ojoga ïmadï gïn dïïdï bai podukai tïbïpion óídaka aapimï xako gïn maaki iñagai aanï mïxi óídakagi.

Mataibo 17:25

—Ïjï— itïtïdai Piduru. Dai bhodïrï tukabiako jii go Piduru ami kiiyïrï xako dakatadai go Suxi. Dai aagida agaitadai ïgai go Suxi ix kaititadai go tanïdami kuota. Dïï mai kia aagidi ïgai bai Suxi potïtïdai, —¿Dukatai ïrhidi aapi Piduru? ¿Dukatai aatabuayi go gïgïr tïtïanïdami? ¿Borai taanïiña ïgai kuota sai biakana ïgai tuminxi ix tukïdï ibuadagi aaduindadï? ¿Tanïiña xi ïgai kuota ïïgi maamaradï, tanïiña xi ïgai jaa ix makïdï maiti ïr maamaradï xio?— itïtïdai.

Mataibo 22:21

Daidi go ix makïdï gïpiïrï buaja ïrhidi potïtïdai aidï, —Go gïï dunukami César tïgidukïdï modï bia gobai ïmadï tïtiaradï— itïtïdai. Daidi Suxi potïtïdai aidï, —¿Maiti ix ïr César tuidadï go tuminxi biakatai modï dai tïtiaradï? Tïïgidabïrai César ixtumaxi ïr ïgai tuidadï tudu dai tïïgidabïrai Diuxi ixtumaxi ïr Diuxi tuidadï ïpï— itïtïdai.

Markos 12:17

Dai Suxi potïtïdai aidï, —¿Maiti ix ïr César tuidadï go tuminxi biakatai modï ïmadï tïtiaradï? Tïïgidabïrai César tuduidï ixtumaxi ïr ïgai tuidadï dai ixtumaxi ïr tuidadï Diuxi bïrai tïïgida Diuxi ïpï— itïtïdai. Dai go ix makïdï gïpiïrï buaja ïrhiditadai go Suxi ka mai tïï ixdukatai gïn tïgitoagi kaïkai aatagidï.

Lukas 20:22

Kaxkïdï ipïrhidi aatïmï pïxi gïr aagidagi, ¿Kïïgadu xi ix tïïgidagi aatïmï kuota go gïï dunukami romano César agaikïdï? ¿Cho xia?— itïtïdai.

Lukas 20:25

—Ïjï— itïtïdai Suxi. —Kaxkïdï gï maatï sai ïgai tuidadï gobai di. Maakabïrai go gïï dunukami ixtumaxi ïr tuidadï ïgai tudu. Dai maakabïrai Diuxi ixtumaxi ïr tuidadï ïpï— itïtïdai.

Lukas 23:2

Dai ami gïpiïrï bupaimi ïgai daidi ikaitimi, —Tïï aatïmï idi kïïrhi ix makïdï arhiï xixiokitudai óídakami dai pokaiti sai maiti gï agai xi tïïgidagi kuota go gïï dunukami romano. Bhakoitudai gobai go óídakami go gïï dunukami bui tudu. Dai ïkobïrakoga pokaiti gobai saidi ïr Rey dai ïr dasadï Diuxi— ikaiti go kïkïïrhi gïpiïrï bupaitai ïgai go Suxi.

Romanos 12:10

Aapimï ix makïdï buaboitudai Suxi Kristo gï agai xi gïn oigïdadagi ïmo gïn xïgïmï dukai. Kïïga abïr xadutuada tudu gïn xixïgi Diuxiïrï gaagaitai ïpïgioma ix makïdï ïr kïïga ïgai bïïtarï dai mai xu ïpïgioma ix makïdï ïr kïïga ïïgi aapimï gïn bïïtarï.

Romanos 13:6

Kaxkïdï gï agai ïpï xi maakiagi aapimï tuminxi dudunukami ix makïdï kaatï sïïrhikami ix tanïda ïgai. Pipioñigadï ïgai Diuxi tudu dai Diuxi aaduindadï bïitarï daraka ïgai.

Efesios 5:33

Dïï go ñoki mai xu mosïkaxi aagadankaiti Suxi Kristo ïmadï aatïmï buaboitudadami. Aagadankaiti gobai aapimï kïkïïrhi ïpï dai gïr maatïturhi gobai sai gï agai xi oigïada aapimï gïn oñiga ïpïan dukai xi gïn oigïdai ïïgi aapimï. Dai podukai aapimï oki ïpï gï agai xi xadutuadagi gïn kukuna ïpï.

Efesios 6:5

Aapimï pipioñi ix makïdï ïr sabïdixikami kïïga abïr ïïgiada gïn amu ix makïdï gasabïrhi. Bïïxi gïn ibhïdagakïdï abïr ïïgiada tudu ïpïan dukai ixdukai ïïgidi aapimï Suxi Kristo.

1 Tomoteo 5:13

Ka arhi paparutu antaada ïgai bhaiyoma gabuyitai soiñi go gaa buaboitudadamiañdïrï. Ka mai gaataduña antaada ïgai dai ïïmada antaada xi aipako gakikiïrï ajiopadagi dai ñokidaragakagi dai aatagadagi ixtumaxi maiti ïr soiñi. Dai go utu iimïdami bipiudu kïïga ïïmada antaada ix gïn bapasadagi xako maiti ïr bïïtarïdï ïpï.

1 Tomoteo 5:17

Gï agai xi kïïga xadutuadagi dai aa namïidadagi go buaboitudadami bhaitï gukamigadï ix makïdï kïïga ibuayi aaduindadï dai kïïgioma ix makïdï gamaakai ñoki dai gatïtïïgidi aatagi.

1 Tomoteo 6:1

Xibi aagamu aanï go pipioñi. Daiñi, xi ïmo buaboitudadami ïr pioñigadïkagi ïmai soigaxikami dukai gï agai xi kïïga xadutuadagi ïgai amudï. Kaxkïdï tudu ix mai xadutuada ïgai amudï aidï gia jaa ix makïdï mai buaboitudai bui ñokada antaada Diuxi. Pokaitada antaada sai maiti ïr soiñi gïr buaboidaraga nïiditai ix ïmo buaboitudadami mai xadutudai amudï.

1 Pedro 3:7

Dai aapimï kïkïïrhi ix makïdï ka ooñiga, kïïga abïr xadutuada gïn ooñiga. Kïïga abïr gïn tïgito nïida dai maatïka ix dukatai kïï buidadagi gïn ooñiga dai podukai abïr ibuada. Ïgai mai ïpïan gupuka kïkïïrhi tudu. Dïï gia Diuxi kïï tuiga ïgai bïïtarï dai kïïgakïrï bubaitu sai bïïxkïrï bïïtarï óídakana ïgai ïpïan dukai aapimï. Kïïga abïr xadutuada gïn ooñiga dai kïïga buidada ïgai tudu. Ix mai kïïga óídakagi aapimï gïn ooñiga ïmadï gobai gïn sobhida antaada xi daanïdagi aapimï Diuxi tudu.