Romanos 13:14 - Northern Tepehuan Bible

¹⁴ Xibi abïr ïpïan dukai óídaka Suxi Kristo Gïr Nukadakami bhaiyoma. Daidi abïr mai tïgito ajiopada xi dukatai buadagi ix tumaxi gïn tanïi gïn ïkidadï tïgibudaga.

Tepehuan Northern: Diuusi ñiooquidʌ utuducami oodamicʌdʌ

¹⁴ Ʌpan duucai avʌr oidaca aapimʌ Suusi Cristo maitavʌr ivuaada ʌliada istumaasi soimaascami tomali maitʌtʌgitoda gomaasi.

Romanos 13:14 ပူးပေါင်းရင်းမြစ်များ

Galatas 3:27

Aidïxi buaboitu aatïmï Suxi Kristo uraba bii aatïmï ïgai tudu dai ka ïmo odami dukai bii aatïmï ïgai ïmadï.

Galatas 5:24

Daiñi, aatïmï ka bïïna daraka Suxi Kristo xibi dai ka ïkobai bii aatïmï gïr ïïkidadï tïgibudagaiñdïrï. Aatïmï gïr bïïtarï ka kuruxiana xixapikan dukai biyan dui gïr ïïkidadï tïgibudagai tudu dai kaxkïdï ka mai bia aatïmï xi ïïgiadagi gobai xïïxkadï gïr aagidagi sai iduña rïrhidi ixtumaxi.

Efesios 4:24

Daiñi, Diuxi kaxi gïn utuduturhi. Odami utudui aapimï xibi. Kaxkïdï abïr dagito gïn ïkidadï ibhïdaga tïgibudadï dai gïn utudui ibhïdaga tïgibudadï abïr bhïiyi bhaiyoma. Utudui odami aapimï xibi tudu, ix makïdï Diuxi ïïgi ïpïamaaxkami idui. Gïn dui ïgai saidi ïr ïko darasadïkana aapimï ïgai, bai kïï sïïrhi óídakagi aapimï ïïgiditai ix makïdï ïr buaboi.

1 Pedro 2:11

Gin aaduñi, xibi gïn aagidamu aanï ïmo ñoki gïn oigïdatai aanï. Daiñi, aatïmï xibhïadïrï óídakami dukai óídaga tami oidigi daama. Idi oidigi mai kïïgakïrï ïr gïr kii tudu dai bhaiyoma go tïbagi ïr gïr kii. Kaxkïdï kïïga abïr gïn tïgitoka dai mai ïïgiada go soimaaxi ix makïdï gïn tanïdagi gïn tukuga xibi kia gïn tukugïrï óídakatai aapimï. Go soimaaxkami ix makïdï gïn tanïdagi gïn tukuga ïr buidïrï kaatïkami dukai gïn ibhïdaga tudu dai soi duada ïrhidi gobai gïn ibhïdaga.