Romanos 13:13 - Northern Tepehuan Bible

¹³ Tïtai kïïga bhai maaxkami dukai óídaka aidï, tonorakïrï dukai. Xibi ka maiti gï agai xi nabaakorïdagi aatïmï. Maiti gï agai xi okimïrhiakagi, gï agai xi dagitoagi gobai. Dai maiti gï agai xi ïgamotïrakagi aatïmï ïpï tomarhi xi omarhigakagi

Tepehuan Northern: Diuusi ñiooquidʌ utuducami oodamicʌdʌ

¹³ Maitavʌr navacorʌda, dai maitavʌr googosi gʌnduucamica dai maitavʌr oomaliaca, maitavʌr ʌʌgacoitʌraca, baiyoma cʌʌgacʌrʌ oidaca aapimʌ duucami iscaʌʌmadu oidacamudai Diuusi.

Romanos 13:13 ပူးပေါင်းရင်းမြစ်များ

Lukas 1:6

Dai kïï tutiakatadai go Zakarias ïmadï Elisabet Diuxi buidïrï kïïga ïïgiditai ïgai ixtumaxi tïjai Diuxi. Podukai óídakaiña ïgai tudu bïïxkïrï xi kaxkïdï mai tipukatadai ixtukïdï gïpiïrï bupadagi jaa.

Lukas 16:19

Dai Suxi aagidi go fariseos ïmo maaxidaragai aatagi daidi potïtïdai sai, —Ïmo imidagai oidakatadai ïmo kïïrhi kïïga gï bidakami. Gï aadaiña ïgai yukuxi moraduakami kïï namïakami ïpïan dukai ïmo rey. Ïmo bagimiïrï dukai oidakana ïgai bïïx tasai kïï xioma oidakatai ami kiidïrï.

Lukas 21:34

Dai apia gamamaakai aatagi go Suxi daidi potïtïdai ïgai mamaatïrdamigadï, —Gin aaduñi, todian dukai ayimu xi gamaaxitudagi aanï xi ïr Tïanïdami aanï. Odami mai maatï dai mai nïnïraka xi po duñagi aanï dai todian dukai ayimu gobai bïïxi óídakami ïmo trampa dukai ix makïdï kukupai todian dukai. Gïn nukadabïrai aapimï tudu tadu mai nïnïasïrhiakagi aapimï tïtïitoitai iidagai dai buirudagai xiïpï kabami buamï gïn ïrhiditai gïn oidakaragakïdï tami idi oidigi daama. Maiti abïr gïn dagito tudu xi pomaaxiïrï gïn tïgito ajiopadagi aapimï xïïxkadï todian dukai gin maaxitudagi aanï xi ïr Tïanïdami aanï— itïtïdai.

Hechos 2:15

Maiti abïr pobïnïrhiada xi ïr nabaakoidadï idi kïkïïrhi. Kia ïr ïïki kiamoko di. Dai tomarhi mai yïïyi ïgai.

1 Korintios 3:3

Apia kia ïïgidimi aapimï go odami tïgibudadï gïn tïanïda ïrhiditai aapimï ïïgi. Kia gïn ïjïgakorïi aapimï dai gïn bupui ñokai aapimï ïpï. Kaxkïdï maatiga maaxi sai kia adaimïi aapimï go oidigi daama óídakami tïgibudadï.

Galatas 5:19

Daiñi, kïï maatiga maaxi ixtumaxi ibuayi odami xïïxkadï ïïgiadagi ïgai ïïgi tïgibudadï. Ix makïdï ïïgidiña ïïgi tïgibudadï ïmadï bopoiña jaa aipakoga dai ibuadana naana maaxi buirudagai dai xaïraragai maaxi.

Galatas 5:21

Koimudadï tutiakana ïgai dai nabaakoitïrïkana. Dai ibuadana ïgai bagimi xako ibuadana naana maaxi buirudagai. Naana maaxi ibuadana ïgai podukai tudu. Dai kaxi gïn aagidi aanï ïkioma sai mai pobuadagi aapimï. Gïn aagidi aanï tudu sai xorai pobuadagi mai biaka agai oigaragai xi Diuxi ïr tïanïdamigadïkagi.

Efesios 4:1

Aanï gin maixatu mos ïïgiditai aanï Suxi Kristo. Dai aanï xibi bïïxi gin ibhïdagakïdï gïn abïnakida in ïrhidi xi kïï bhai maaxkami dukai óídakana aapimï. Gï agai xi kïï bhai maaxkami dukai óídakagi aapimï aidï dai podukai maaxitudagi sai gia ïr buaboi sai Diuxi ka ïkobai gïn bubaitu.

Efesios 4:17

Aanï Pabora ñokai xibi gubukadagaikïdï ix makïdï gin maa Gïr Nukadakami. Dai aanï aagai sai mai ïpïan dukai óídakagi aapimï go ix makïdï mai buaboitudai Diuxi.

Efesios 5:15

Kaxkïdï abïr kïïga gïn tïgito nïida mïx dukatai óídaga. Maiti abïr ïpïan dukai óídaka pupuirugami ix makïdï mai maatï tomarhi ïmo ixtumaxi tudu. Bhaiyoma abïr óídaka kïïga sïïrhiñikami biakatai gïn tïgibudaga.

Efesios 5:18

Maiti abïr nabaakorïda. Gobai mos xia buayi odami. Bhaiyoma abïr gïn dagito xi gïn tïanïdagi Diuxi Ibhïadï.

Efesios 5:8

Ïkioma aapimï mos ïr ïï tukamudagaikana dïï xibi gia ïr kudagi aapimï buaboidakai Gïr Nukadakami. Kaxkïdï abïr bhai maaxkami dukai óídaka dai kïïga maaxituda xi gia ïr kudagiïrï óídakami aapimï xibi.

Filipenses 1:27

Dïï gia gïn aagidamu aanï ixtumaxi bamioma gï agai. Bamioma gï agai xi kïïga bhai dukai óídakagi aapimï ixdukatai aagai go bhai ïrhiaragai aatagi. Go aatagi aagaitai Suxi Kristo tudu. Ix apia ïïgiada aapimï go bhai ïrhiaragai aatagi aidï gia kïïgakïrï óídakamu aapimï. Dai aidï gia tomax dukai ix gïn dibidagi aanï xiïpï ix mos kajiomakagi aanï ix maaxi daraka aapimï mïkaxi dakatai aanï tomax dukai maatïkamu aanï sai mo ïxi kïïgakïrï óídaga aapimï mos ïmo tïgibudagai biakatai aapimï bïïxkatai. Dai maatïkamu aanï sai mai duadikoi aapimï ix makïdï gïn buidïrï bïïtï ïpï. Dai maatïkamu aanï ïpï sai maiti gïn daadagitoi aapimï xi gïn maitiagi go naana maaxi aatagi ix makïdï maiti ïr go bhai ïrhiaragai aatagi kïïgakïrï. Podukai mai duduadikuitai maaxituldamu aapimï ïgai ix makïdï gïn buidïrï bïïtï sai ïgai mai kïïgakïrï bubuaki agai dai aapimï gia. Diuxi tudu ïgai dai ibuayi bïïxi ixtumaxi gïn aagidimi aanï.

Filipenses 2:3

Maiti abïr ibuada tomarhi ïmo ixtumaxi ïïgi gïn bïïtarï mosïkaxi ïïgi gïn bïïtarï buamï gïn ïrhiditai aapimï. Dai maiti abïr ibuada tomarhi ïmo ixtumaxi ipïrhiditai ix namïakami bubuakiagi aapimï jaa bïïtarï. Abïr bhaiyoma mai namïakami dukai gïn nïijada ïïgi aapimï. Dai bamioma namïakami dukai abïr nïijada aapimï jaa.

Kolosenses 1:10

Gïr aaduñi, gï agai xi óídakagi aapimï Diuxi bïïtarï ixdukatai gï agai. Ix dukatai bhai ïrhidi ïgai tudu. Kaxkïdï gïn daanturhiña aatïmï sai kïï bhai dukai óídakana aapimï kïïga xadutudaitai Diuxi. Sai podukai kïïga bhai ïrhiatudana aapimï Gïr Nukadakami bïïxi aïkatïrï. Gïn daanturhiña aatïmï sai apia bamioma kïïga maatïkana aapimï Diuxi. Saidi ibuada aapimï naana maaxi aaduindagai kïkïïgadukami dai sai kïïga bubuakïna naana maaxi kïï bhai maaxkami gïn aaduindagaiñdïrï ïpï.

Kolosenses 3:5

Kaxkïdï abïr dagitoda ixtumaxi ibuadana aapimï aidïxi oidiña aapimï gïn ïkidadï oidakaraga. Maiti abïr ïmadï bopoda tudu ix makïdï maiti ïr gïn aduñi dai maiti abïr tïtïgito ajiopada podukai ïpï. Maiti abïr ibuada ïrhiada buirudagai tudu. Dai maiti abïr koimudadï tutiaka. Tomaxorai ix makïdï koimudadï tutiakagi ïpïan dukamikana ix makïdï Diuxi dukai nïidi ixtumaxi ix makïdï maiti ïr Diuxi. Ïgai bamioma namïakami dukai nïidi ixtumaxi oidaga tami oidigi daama dai mai pokaxi namïakami dukai nïidi ïgai Diuxi.

1Tesalonicenses 4:12

Podukai tudu jaa ix makïdï mai buaboitudai gïn tïgito nïijadamu kïï bhai maaxkami dukai óídakatai aapimï. Dai podukai ïpï maiti gï aagadamu ix gïn maakiagi ïgai soiñi. Maiti gïn biïgakamu soiñi tudu Ïïgi gamaitïmu aapimï ïïgi aatabuadatai bhaiyoma.

1Tesalonicenses 5:17

Daidi abïr aatagada Diuxi ïmadï bïïxkïrï.

Santiago 4:5

Gobai tudu aagaiña Diuxi ñokidïrï xako ikaiti ïgai sai, Diuxi gïr maa Ibhïadï saidi gïr ïmadï dakana dai bïïx tasai gïr tïtïitoiña ïgai ipïrhiditai saidi Diuxi bïïtarï óídakagi aatïmï dai mai xu xi ïmai bïïtarï. Sïïrhikïdï maiti ipïrhidi ïgai sai oijadagi aatïmï ïmai tudu. Po tudu ikaiti Diuxi ñokidïrï dai kïïga ïr buaboi gobai.

1 Juan 2:6

Ix pokaitadagi ïmoko sai urabaka Diuxi aidï gia gï agai sai ïpïandukai oidakagi ïgai Suxi Kristo ïma dukai yaatagïi ïgai tudu.

2 Juan 1:4

Gin aaduñi, máí aanï sai ïïmadutai aapimï kïïga oijadai ixtumaxi ïr buaboi. Kïïga ïïgidi ïgai ixtumaxi gïr tïjai Diuxi gïr Oga tudu dai gokïdï kïïga bhai gin ïrhidi aanï.

Udaxi 1:23

Dai ix makïdï oijada antaadaga go tïtïïgiadami yaatagi, ïgai abïr soikïda dai kïïgakïrï bubiada sai ka mai oijada ïgai ïpïan dukai xïïxkadï bhïiyagi ïmoko ïmo odami ix makïdï karhioga taiyïrï gïxia agadagi. Kïïga abïr tutiaka ïgai bïïtarï dai kïïga abïr maakada ñoki sai mai gïpiïrï surhigiagi ïgai. Dai abïr kïï tutiaka jaa bïïtarï ïpï ix makïdï adaimïi go soimaaxkami. Dïï gia abïr dïïdaidan duu nïijada go soimaaxkamigadï ix makïdï ibuayi ïgai dai gïn nukadabïrai aapimï soikïitai xïduñada gïn sarabidagi go soimaaxkamigadï ïpï.