Romanos 13:10 - Northern Tepehuan Bible

¹⁰ Daiñi, ix makïdï gaoigïadadagi mai soi buididiña jaa. Kïïgakïrï ïïgidi ïgai bïï sudakami go sïïrhikami bhaiyoma.

Tepehuan Northern: Diuusi ñiooquidʌ utuducami oodamicʌdʌ

¹⁰ Sioorʌ oigʌadagi aa oodami ʌgai maisoimaasi ivueeyi baiyoma ivueeyi vʌʌsi istumaasi Diuusi gatʌaanʌi.

Romanos 13:10 ပူးပေါင်းရင်းမြစ်များ

Mataibo 7:12

Daidi potïtïdai Suxi go odami ïpï sai, —Mïx tumaxi ipïrhiadagi aapimï saidi gïn buidadagi jaa, podukai abïr buidada aadïrï ïgai. Podukai gïr maatïturhi go sïïrhikamigadï Moises ïmadï go ojadï go ñiñokituldiadamigadï Diuxi tudu— itïtïdai Suxi go odami.

VUAANA 13:34

Kaxkïdï xibi mai kia imïkai gïn bitulda iñagai ïmo utudui sïïrhikami ix makïdï gï agai ix ïïgiada aapimï. Daiñi, gïn tïanïi aanï mïsai gïn oigïdaiña aipakoga ïpïan dukai ix gïn oigïdaiña aanï.

Romanos 13:8

Gï agai xi gïn oigïdada aapimï aipakoga. Bia aapimï sïïrhikami tudu xi gïn oigïdadagi. Ïmo buatuldaragai dukami gobai aapimï gïn bïïtarï. Mosïkaxi gobai abïr buatuldaka xi oigïdadagi aapimï jaa. Ïma maaxi abïr gia mai buatuldaka. Daiñi, ix makïdï gaoigïadadagi kïïgakïrï ibuayi bïïxi ixtumaxi gïr tanïi Diuxi sïïrhikamigadïrï.

Galatas 5:14

Kaxkïdï tudu go sïïrhikami ikaiti, Oigïadabïrai jaa ïpïan dukai xi gï oigïdai ïmoko ïïgi, ikaiti go sïïrhikami. Dai ix kïïgakïrï gïn oigïdadagi aapimï podukai aidï gia ka mai tipukamu ïma maaxi ixtumaxi bamioma kïïgadukami dai go sïïrhikami ka mai taañimu bamioma ixtumaxi.

Santiago 2:8

Daiñi, sïïrhikïdï kïïgadu ix kïïga ïïgiada aapimï go sïïrhikamigadï Diuxi ix makïdï ikaiti sai, Gï agai sai oigïada aapimï jaa ïpïan ïxi ix xïïxi gïn oigïdai ïïgi aapimï. Ix ïïgiadagi aapimï go sïïrhikami gobai aidï gia kïïga ibuayi aapimï tudu.