Romanos 12:5 - Northern Tepehuan Bible

⁵ Pomaaxi aatïmï buaboitudadami ïpï. Aatïmï bïïxkatai ïmapi ïr tukugadï Kristo mos bïïnakai aatïmï ïgai. Gïr arasakan dukai aatïmï ïpïan dukai ïmo odami tukugadï tutuidadï. Dïï gia ïjïkobai bia aatïmï gïr aaduindaga.

Tepehuan Northern: Diuusi ñiooquidʌ utuducami oodamicʌdʌ

⁵ Poduucai ʌʌpʌ aatʌmʌ vaavoitudadami tomas muidu vʌʌscʌrʌ aatʌmʌ ʌrʌmo adunumʌ ducami vaavoitudaitai Suusi Cristo dai Suusi Cristo ʌrgʌrtʌaanʌdamiga.

Romanos 12:5 ပူးပေါင်းရင်းမြစ်များ

VUAANA 17:11

—Gin oga, xibi otoma ka mai oidaka iñagai tanai oidigi daama. Kaxi ïr imïdami aanï amïka xako daja aapi kaxkïdï. Dïï gia gin mamaatïrdamiga ix makïdï aapi gin maa tanaxi bimu go gaa óídakami saagida ix makïdï ïr gï buidïrï bïïtïkami. Aapi gin Oga bïïxi adaama ïr xadutudikïdï kaxkïdï gï daanïi aanï pïsai nukadakana gin mamaatïrdamiga gï gubukarhigakïdï, go baaxi gubukarhigaikïdï tudu ix makïdï gin maa aapi. Soiñañi gin mamaatïrdamiga dai maaka ïmo kïïgadukami urabaragai saidi mos ïmo odami dukaikagi ïgai ïpïan dukai ix aanï ïmadï aapi mos ïr ïmo odami— itïtïdai.

Romanos 12:4

Gïn aagidamu aanï ïmo maaxidaragai xibi. Daiñi, gïr tukuga mui bia tutuidadï, dukami gïr ïïka, gïr ïïkaso, gïr naanaka. Dai bïïxi gïr tukuga tuidadï ïkobai bia gïn aaduindaga.

1 Korintios 10:17

Mos arhi ïmo panaiñdïrï gakuayi aatïmï bïïxkatai tudu dai podukai biakana aatïmï ïmo urabaragai dai gamamaaxidi ix ïr ïmo aadunumï aatïmï. ¿Maiti ix ïr buaboi gobai?

1 Korintios 10:33

Buadabïrai ixtumaxi aanï ibuayi tudu. Aanï ibuayi ixtumaxi ix makïdï kïkïïgadukami aagai jaa. Maiti ibuayi aanï mosïkaxi ixtumaxi ïr soiñikagi ïïgi aanï gin bïïtarï tudu. Dai bhaiyoma ibuayi aanï ixtumaxi ïr soiñikagi jaa bïïtarï sa bhai soiñana sai kïïgakïrï bubuakïna.

1 Korintios 12:20

Mui naana maaxi bia gïr tukuga tudu. Bia aatïmï gïr ïïkaso dai gïr naanaka dai bïïxi gobai mos ïr ïmo tukugai.

1 Korintios 6:15

Gï aagai tudu sai kïï sïïrhi gïn tïgitoka aapimï sai bïïna daraka gïr tukuga Suxi Kristo. Kaxkïdï ¿Dukatai ïr sïïrhi ix bïïnagi aatïmï ïmo oki kïkïïlmïrhiakami Suxi Kristo tukugadïkïdï? ¡Xadïrï ïr kïïgadukana podukai!

Efesios 1:23

Aatïmï buaboitudadami ïr Suxi Kristo tukugadï tudu. Dai Suxi Kristo ïgai dai gamaakai ixtuma biïgakagi bïïxi aïkatai bïïtarï ix makïdï oidaga.

Efesios 4:12

Podukai Suxi Kristo darai ïïmoko saidi ïr soikïdamikana go gaa buaboitudadami. Ïgai bia aaduindagai xi bhai duiñturhiadagi go gaa buaboitudadami gïn aaduindagïrï bïïtarï ix makïdï gïn biturhi Suxi Kristo. Saidi aipakoga gïn abïnakidiña ïgai ïmo gïn aadunumï dukai.

Efesios 4:25

Utudui aapimï xibi tudu. Kaxkïdï abïr mai gïn yaatagïda aipakoga. Abïr aagada ix tumaxi ïr buaboi bhaiyoma. ¡Ïmo aadunumï aatïmï di!

Efesios 5:23

Daiñi, gï kuna ïr gï moo dukai, ïpïan dukami xi Suxi Kristo ïr modï bïïxi go buaboitudadami. Suxi Kristo ïgai dai kïïgakïrï gïr bubaitu, aatïmï ix makïdï ïr tukugadï ïgai.

Efesios 5:30

Aatïmï tudu ïr tukugadï Suxi Kristo.

Kolosenses 1:24

Gin aaduñi Diuxi amadïrï, aanï soimaaxi taatamai xibi ibuadatai ïmo aaduindagai ix makïdï ïr soiñi gïn bïïtarï. Dïï gia tomaxi soimaaxi taatakagi aanï bïïxkïrï bhai gin ïrhidiña aanï maatïkatai sai aapimï gïn bïïtarï soimaaxi taataimi aanï. Daiñi, Suxi Kristo soimaaxi taata go buaboitudadami bïïtarï baasïkioma dai xibi aanï in ajïga xi soimaaxi taatagi go buaboitudadami bïïtarï ïpï ïpïan dukai ïgai.

Kolosenses 2:19

Ix makïdï podukai gatïtïïgiadagi ñoki mai urabaka Suxi Kristo. Dai Suxi Kristo ïgai daidi ïr gïr moo gï dukami gïr bïïtarï. Ïgai tudu gïr tïanïi dai gïr mamaakai ixtumaxi gï agadagi sai kïïga gïr urabana aatïmï aipakoga dai kïïga arasakami dukana aatïmï ïpïandukai ïmo odami tukugadï ix makïdï bïïxi arasaka taatadï dai xixixodï. Podukai gïr gïrhidi Diuxi tudu kïïga gïr arasakan dukai óídakatai aatïmï aipakoga dai arasakami darakatai aatïmï Suxi Kristo ïpï ix makïdï ïr gïr moo dukai.