Romanos 12:10 - Northern Tepehuan Bible

¹⁰ Aapimï ix makïdï buaboitudai Suxi Kristo gï agai xi gïn oigïdadagi ïmo gïn xïgïmï dukai. Kïïga abïr xadutuada tudu gïn xixïgi Diuxiïrï gaagaitai ïpïgioma ix makïdï ïr kïïga ïgai bïïtarï dai mai xu ïpïgioma ix makïdï ïr kïïga ïïgi aapimï gïn bïïtarï.

Tepehuan Northern: Diuusi ñiooquidʌ utuducami oodamicʌdʌ

¹⁰ Gʌnoigʌadavurai aapimʌ gʌnsiʌʌgʌmʌ duucai. Gʌaagai issiooma gʌgʌrducʌdʌ duucai nʌijada aapimʌ aa isaapimʌ ʌʌgi.

Romanos 12:10 ပူးပေါင်းရင်းမြစ်များ

Genesis 13:9

—Daiñi, buiduru go oidigi— itïtïdai. —Nïidañi xako bhai ïrhiada aapi dai gamo gï urhiña. Xi norteamako imiagi aapi aanï suramajako imiagi. Dai ix suramajako imiagi aapi aanï norteamako imiagi— itïtïdai ïgai.

Mataibo 20:26

Dïï gia aapimï maiti gï agai xi podukai ibuadagi. Aapimï ix makïdï ïr gabhaitïgukakami gï agai bhaiyoma xi pipioñi dukamikagi aapimï jaa bïïtarï. Dai mai xu xi kabami gatïanïda ïrhiadagi aapimï— itïtïdai.

Lukas 14:10

—Xïxkadï gïn baidatudagi ïmadutai ïmo kunataragïrï abïr bhaiyoma go bamioma soimaaxkïdï daikaruïrï daraiba. Aidï gia dibiamu ïgai ix makïdï gïn bapai dai pobai gïn tïdamu, —Gin aaduñi, bamioma kïkïïgadukami daraikaruïrï abïr daraiba— gïn tïdamu ïgai. Podukai gia xia gïn xadutuadamu ïgai go gaa buitapi ix makïdï darakagi ami.

VUAANA 15:17

Gin mamaatïrdamiga aapimï tudu dai gïn tïanïi aanï sai gïn oigïdada aapimï aipakoga— itïtïdai.

VUAANA 17:21

Gï daanïi aanï saidi mos ïmo tïgibudagai biakana ïgai bïïxkatai gïr bïïna darakatai. Saidi ïr ïmo odami gïn dukamikana ïgai ïmapi ïpïandukai ix mos ïmo odami gïr dukami aapi ïmadï aanï. Podukai go gaa oidakami buaboituda antaada ix aapi gin otoi nïiditai ix ïr ïmo odami gï dukami gin mamaatïrdamiga— itïtïdai

Hechos 4:32

Dai ka muidukana buaboitudadami dai bïïxkatai biakatadai ïmo tïgibudagai aidï. —Ix makïdï bia aatïmï gïr buxtuidaga bïïxkatai gïr aaduñi ïr tuidadï gobai— gïn ïrhidiña ïgai.

Romanos 13:7

Maakabïrai go dudunukami ïïgi ixtumaxi gïn ajïakagi ix maakiagi. Xi gïn ajïakagi xi aa namïidagi tuminxi abïr maaka gobai. Ïïgiadabïrai tudu xïïxkadï gïn tïanïdagi ïgai daidi abïr kïïga xadutuada ïpï.

Galatas 5:13

Daiñi gin aaduñi, Diuxi gïn báí mïsai kïïgakïrï óídakana aapimï. Gïn báí ïgai sai ka mai biakagi aapimï xi pipioñi dukai ïïgiadagi ïmo sïïrhikami tudu kabami gïn tïanïitai gobai. Ka kïïgakïrï gïn bubaitu ïgai tudu. Kaxkïdï kabami soi gin ïrhidiña aanï gïn aagiditai jaa sai bia aapimï xi ïïgiadagi go sïïrhikami. Maiti ïr podukai di. Daiñi, kïïga ïr buaboi tudu sai mai gubuakïdï bia aapimï xi ïïgiadagi go sïïrhikami sai podukai kïï biïna Diuxi ïmadï. Dïï gia maiti abïr po gïn ïrhiada ïpï sai bhaiga aapimï xi ibuadagi ïïgi ixtumaxi iduña ïrhiada aapimï oiditai ïïgi gïn tïgibudaga. Gï agai bhaiyoma xi aipakoga gïn soikïdagi aapimï gïn oigïdatai aipakoga.

Galatas 5:22

Dïï gia xïïxkadï ïïgiadagi aatïmï Diuxi Ibhïadï gïr ïrana aatabuayi ïgai dai bhai buayi naana maaxi kïïgadukami gïr ïrañdïrï. Ïïgiditai aatïmï Diuxi Ibhïadï oigïdaiña aatïmï jaa dai bhai gïr ïrhidiña dai gïr ibhïxtakan taadakana aatïmï gïr ibhïdagïrï. Kïïga gïr kabakadaiña aatïmï ïpï xïxkadï soimaaxi taatamadagi. Kïï tutiakana aatïmï jaa bïïtarï dai ibuadana ixtumaxi ïr kïïga. Bïïxkïrï ibuadana aatïmï ix tumaxi aagagi aatïmï ïpï.

Galatas 5:6

Ka bïïna daraka aatïmï Suxi Kristo tudu xi kaxkïdï mai xudu xi circuncidadugakagi ïmoko xiïpï xi mai circuncidadugakagi ïpï. Maiti ïr ixtumaxi gobai. Xibi mosïkaxi namïga xi buaboitudagi aatïmï Suxi Kristo dai xi gïr oigïdadagi aipakoga. Podukai tudu gïr oigïdaitai aipakoga maaxitudai aatïmï sai kïïgakïrï buaboitudai aatïmï.

Filipenses 2:3

Maiti abïr ibuada tomarhi ïmo ixtumaxi ïïgi gïn bïïtarï mosïkaxi ïïgi gïn bïïtarï buamï gïn ïrhiditai aapimï. Dai maiti abïr ibuada tomarhi ïmo ixtumaxi ipïrhiditai ix namïakami bubuakiagi aapimï jaa bïïtarï. Abïr bhaiyoma mai namïakami dukai gïn nïijada ïïgi aapimï. Dai bamioma namïakami dukai abïr nïijada aapimï jaa.

Kolosenses 1:4

Kaxkïdï tudu kajioma aatïmï sai kïïga buaboitudai aapimï Suxi Kristo dai sai oigïdai aapimï bïïxi go gaa buaboitudadami. Kaxkïdï bhai gïr ïrhidi Diuxikïdï.

1Tesalonicenses 4:9

Daiñi, Diuxi kaxi gïn maatïturhi ix dukatai oigïdadagi aapimï go gaa tudu. Dai kaxkïdï gokïdï bhaitoma maiti gï agai ix gïn maakiagi aatïmï ñoki.

2 Tesalonicenses 1:3

Gïr susukurhi, dudatai aagidiña aatïmï Diuxi sai bhai gïr ïrhidi aatïmï ïgaikïdï maatïkatai sai kïïga buaboitudai aapimï. Kïïga ïr sïïrhi ix aagiada aatïmï Diuxi sai bhai gïr ïrhidi ïgaikïdï tudu. Kïï maatï aatïmï sai bamioma kabakami dukai buaboitudai aapimï xibi dai sai bïïxkïrï bamioma gïn oigïdai aapimï aipakoga ïpï. Kaxkïdï bia aatïmï sïïrhikami ix potïdagi aatïmï Diuxi sai bhai gïr ïrhidi ïgaikïdï.

Hebreos 13:1

Gin aaduñi, ïmo aadunumï aapimï buaboitudadami dai gï agai xi mai ugutai gïn oigïdada aapimï aipakoga.

1 Pedro 1:22

Daiñi gin aaduñi, aapimï ka ïïgidi go buaboi aatagi dai ka buañixikami bii gïn ibhïdaga. Kaxkïdï gï agai sai kïïgakïrï gïn oigïdada aapimï aipakoga bïïxi gïn ibhïdagakïdï.

1 Pedro 2:17

Kaxkïdï abïr xadutuada bïïxi óídakami daidi abïr oigïdada bïïxi go buaboitudadami. Gïn tïgitobïrai xïïxi ïr gïdukami Diuxi daidi abïr xadutuada ïgai. Dai xadutuadabïrai go gïï dunukami romano ïpï.

1 Pedro 5:5

Dai aapimï uutu iimïdami, gï agai sai ïïgiada dai xadutuada aapimï go bhaitï gukakamigadï go buaboitudadami ïpï. Gï agai sai mai tïtïanïdami dukai gïn ïrhiadagi aapimï toma lïïchi dai bhaiyoma gï agai sai gïn soikïdagi aapimï aipakoga. Diuxi ojadï ikaiti sai, Buidïrï kaatï Diuxi go odami ix makïdï gïgïrdukïdï gïn ïrhiadagi. Dïï gia soikïi ïgai odami ix makïdï mai gïgïrdukïdï gïn ïrhidi, ikaiti Diuxi ojadï.

2 Pedro 1:7

Dai bhodïrï ka kïïga ïïgiditai aapimï Diuxi gï agai ïpï mïx kïïga oigïdadagi aapimï gïn aaduñi Diuxi amadïrï ïmo gïn xïgïmï dukai. Dai bhodïrï gï agai sai oigïdada aapimï bïïxi go gaa óídakami ïpï. Podukai abïr óídaka tudu maatïkatai ixtumaxi idui Diuxi gïr bïïtarï.

1 Juan 4:11

Kïïga gïr oigïdai Diuxi tudu gin aaduñi. Dai kaxkïdï gï agai ix aipakoga gïr ojoigïadagi aatïmï ïpï.

1 Juan 4:20

Ix pokaitadagi ïmoko sai oigïdai ïmoko Diuxi dïï gia ix kïïdadagi ïgai aaduñdï Diuxi amadïrï aidï gia yaatagïi ïgai dai maiti ïr buaboi ix oigïdai ïgai Diuxi. Mai oigïdai ïgai tomarhi go aaduñdï ix makïdï kïïga nïnïidiña ïgai tudu. Dai kaxkïdï ¿ixdukatai oigïdaiña ïgai Diuxi ix mai nïidi ïgai tomarhi ïmo imidagai di?