Romanos 11:22 - Northern Tepehuan Bible

²² Tïgito abïr kaï idi ñoki tudu. Gia ïr buaboi sai Diuxi kïï tuiga dïï bïïxkïrï kabami gïgïbituldai ïgai soimaaxi buadami. Gïgïbiturhi ïgai go judidiu dai mos guikoma mai buaboidakai ïgai. Dïï aapimï gïn bïïtarï gia kïï tuigakana Diuxi buaboidakai aapimï. Kaxkïdï gï agai sai apia buaboitudadagi aapimï. Ïma dukai aapimï gïn guikoma antaada ïgai ïpï.

Tepehuan Northern: Diuusi ñiooquidʌ utuducami oodamicʌdʌ

²² Sʌʌlicʌdʌ cʌʌ tuiga Diuusi dʌmos vʌʌscʌrʌ soimaa taatamituldi oodami. Diuusi soimaa taatamituldi ʌgai ismaacʌdʌ maivaavoitudai dʌmos Diuusi cʌʌ tuiga aapimʌ gʌnvui. Dʌmos aapimʌ aliʌsi gʌaagai isapiavaavoitudadagi Diuusi vai poduucai ʌgai maigajiaadʌrʌ gʌnviaagi.

Romanos 11:22 ပူးပေါင်းရင်းမြစ်များ

Lukas 8:15

Dïï gia ix makïdï kïïgadukami dïbïriïrï surhi ïgai gia ïpïan dukami odami ix makïdï kïïgadu iibhïadï dai kïïga ïïgida kaïkana Diuxi ñokidï. Ïgai abhana gia aatabuayi Diuxi dai ibuayi naana maaxi kïkïïgadukami ïgaikïdï mos apia buaboitudaitai ïgai— itïtïdai Suxi mamaatïrdamigadï.

VUAANA 15:2

Guikomai ïgai bïïxi go uba maamaradï ix makïdï mai ibhiatai dai kïïga buanai ïgai go maamara ix makïdï gia ibhiatai dai bhai buayi sai bamioma kïïga ibhiatana.

VUAANA 8:31

Bhodïrï Suxi aatagidi go judidiu ix makïdï buaboitudai daidi potïtïdai, —Ix mos apia ïïgiadagi aapimï gobai ix makïdï gïn aagidi aanï, aidï gia buaboikïdï ïr gin mamaatïrdamigaka agai aapimï

Hechos 11:23

Ayi go Bernabe Antiokiïrï dai kïï bhai gï ïldatu nïiditai xi Diuxi kïïgakïrï nïiditadai go buaboitudadami ami. Dai abïnaki ïgai go buaboitudadami xi ïgai gupurtudana gïn iibhïdaga sai apia oijadana ïgai Gïr Nukadakami.

Hechos 14:22

Dai dïgabunukai ïgai bïïxi go kiikiïrï ïgai gamaakaiña gubukadagai abhana go buaboitudadami daidi gaabïnakidiña xi kïïgakïrï buaboidaiña ïgai. Dai aagidimi ïgai sai gï agaitadai kia xi odami naana maaxi soi ïrhiaragai taatagi xi gokiïrï ayimu ixtuigako gatïanïda agai Diuxi.

Romanos 11:21

Daiñi, Diuxi guikoma go ix makïdï ïr ïïgi go finuakïdï olibo mamaaradïkatadai mai buaboidakai ïgai. Guikoma ïgai go judidiu tudu. Dai kïï bhaiga ïgai xi gïn guikomagi ïpï aapimï ix makïdï maiti ïr judidiu ix mai buaboitudagi aapimï.

Romanos 2:7

Diuxi maakimu ïmo gïdukami xadutudaragai abhana go odami ix makïdï mai ojodatai adaimïi ixtumaxi ïr kïïga, ix makïdï gaagai podukai ïmo kïïgakïrï oidakaragai Diuxi ïmadï bïïxkïrï bïïtarï tudu, dai ix makïdï ipïrhidi ïpï sai Diuxi kïïgakïrï nïïjadagi. Ïgai gia Diuxi maaki agai gubukarhigai xi tomarhi ïmo imidagai mai ugitïna dai xi kïïgakïrï oidakana Diuxi ïmadï.

1 Korintios 15:2

dai kïïgakïrï bubuakïi aapimï buaboidaitai. Kïïgakïrï bubuaka aapimï tudu dai mosïkaxi ix buaboitudamudai ïmai aatagi ix makïdï maiti gïn aagidi aanï, aidï gia maiti ïr soiñikamudai gïn buaboidaraga dai mai kïïgakïrï bubuakimudai aapimï.

Galatas 6:9

Kaxkïdï gï agai xi apia ïïgiadagi aatïmï Diuxi Ibhïadï dai kïïga ibuadagi. Maiti gï agai xi ojoadagi aatïmï gobai tudu. Kaxkïdï tudu gï maatï sai ayimu ixtuigako yoobamu aatïmï ixtumaxi kïïgadukami ix apia kïïga ibuadagi aatïmï.

1Tesalonicenses 3:5

Dai pobai gin ïrhidiña aanï sai maiti gï agai xi gokïdï gïpiïrï gïn surhigidagi go Diabora gïn aagiditai ix dagitoagi aapimï gïn buaboidaraga. Daiñi,ix dagitomudai aapimï gïn buaboidaragai aidï gia mos ïr ïïgikïdïkamudai gïr aaduindaga ix makïdï idui aatïmï gïn aagiditai go bhai ïrhiaragai aatagi. Gobai gin tïgitokatadai aanï tudu. Dai ka maiti ixtui aanï ix bamioma nïnïrakagi dai kaxkïdï otoi aanï go Timoteo sai nïidana sa maaxi daraka aapimï gïn buaboidaragakïdï.

1Tesalonicenses 3:8

Bamioma kïïga abïnakiadan taadatu aatïmï tudu maatïkatai sai apia gupukami dukai buaboitudai aapimï Suxi Kristo.

Hebreos 10:23

Gin aaduñi, gï agai xi apia dukai kïïga buaboitudada aatïmï sai bhïiya ragai ixtumaxi gïr aagidi Diuxi sai gïr maaki agai. Diuxi bïïxkïrï ibuayi bïïxi ixtumaxi aagadagi ïgai kaxkïdï. Dai gobai ix makïdï Diuxi bia gïr bïïtarï gobai ïr gïr nïnïraraga ix makïdï aagidiña aatïmï óídakami xibi. Gï agai tudu xi apia kïïga buaboitudada aatïmï sai Diuxi gïr maakimu gobai.

Hebreos 3:14

Gï agai xi gïr mamaakadagi aatïmï ñoki aipakoga dai xi gïr abïnakiadagi ix apia buaboitudada aatïmï tudu. Kaxkïdï tudu kïïga maatï aatïmï sai gï agai xi apia kïïga buaboitudada aatïmï asta xïïxkadï ukami óídakagi aatïmï. Gï agai xi mo ïxi buaboitudada aatïmï ix duu buaboitu aatïmï tukamïrï tudu sai podukai kïïga biakana aatïmï ïmo urabaragai Suxi Kristo ïmadï.

1 Juan 2:19

Go odami ix makïdï ïr buidïrï bïïtïkamigadï Suxi ix makïdï aagai aanï xibi ïgai gïr urapïkïiña ïkioma dïï gia gïr dagito ïgai dai ïkobai iji. Kaxkïdï gï maatï ix maiti ïr gïr aaduñi ïgai. Ix gïr aaduñikamudai ïgai kïïgakïrï aidï gia gïr urabakamudai ïgai kia. Podukai gïn mamaaxidi ïgai ix maiti ïr gïr aaduñi kïïgakïrï tudu gïr dagitokai ïgai.

Apokalipsis 2:5

Gï agai tudu xi kïïga gïn tïgitokagi ix dukatai gin oigïdaiña aapimï aidïxi mai kia koidamu dui gïn buaboidaraga. Daiñi, aapimï buaboitudadami ïr ïmo dasakarui kudagi dukai go gaa óídakami buitapi ami xako daraka aapimï. Dïï gia ix mai ïma dukai gïn tïtïgitoagi aapimï dai ïpamu gin oigïdadagi ixdukai ibuadana tukamïrï, aidï gia gïn dibidamu aanï otoma dai maigobai gïn darasamu abhiadïrï xako kukudadai aapimï óídakami. Maigobai gïn darasamu aanï ïpïan dukai xi ïmo odami maigobai dasagi ïmo kudagi dasakarui tudu.