Romanos 11:17 - Northern Tepehuan Bible

¹⁷ Go judidiu ïr ïpïan dukami ïmo mamaaradï guikomidikami ïmo oliboañdïrï kïï finuakami. Dai aapimï ix makïdï maiti ïr judidiu ïr ïpïan dukami ïmo mamaaradï ïmai oliboañdïrï korientegami ix makïdï Diuxi guikoma dai ïpamu saitu go finuakïdï olibo kïakamiïrï. Xibi aapimï ix makïdï maiti ïr judidiu bhïjimi go gubukarhigai ix makïdï ïr go finuakami olibo mamaaradï bïïtarïkatadai. Bhïjimi aapimï gubukarhigai ix makïdï ïr go judidiu bïïtarïkatadai tudu.

Tepehuan Northern: Diuusi ñiooquidʌ utuducami oodamicʌdʌ

¹⁷ Diuusi cagajiaadʌrʌ viaa ʌʌmoco judidíu cajiudadʌ ismaacʌdʌ maivaavoitu dai ʌʌmoco aapimʌ ismaacʌdʌ maitʌrjudidíu ismaacʌdʌ cavaavoitudai casi ʌrDiuusi maamaradʌ vai cʌʌgacʌrʌ gʌnnʌidi poduucai isduucai cʌʌgacʌrʌ nʌidi ʌgai ʌjudidíu ismaacʌdʌ vaavoitudai.

Romanos 11:17 ပူးပေါင်းရင်းမြစ်များ

Jonas 1:16

Dai go kïkïïrhi kïï gïdukami dukai tïï Gïr Nukadakami nïiditai xi gï dodorhitu go gïï sudagi. Dai daaxi ïgai ïmo daxdaragai dai aagai sai buaboituda agai.

Mataibo 21:43

—Daiñi— itïtïdai. —Ka maiti ipïrhi aapimï xi buaboitudagi sai aanï ïr go otosadï Diuxi dai saidi aanï ïr gïn Tïanïdamiga. Dai kaxkïdï ka maiti gïn ajïga xi gïn tïanïdagi Diuxi. Dai bhaiyoma xibi jaa odami ayimu gobai. Dai ïgaikamu ix makïdï tïanïda agai Diuxi. Ïgai gia iduñimu ixtumaxi Diuxi ipïrhidi— itïtïdai.

VUAANA 15:1

Gokiïrï Suxi oi aatagidï daidi itïtïdai go mamaatïrdamigadï, —Gin aaduñi, gïn aagidamu aanï ïmo maaxidaragai aatagi. Daiñi, aanï ïr ïpïan dukami ïmo uba uxiaradï bamioma kïïgadukïdï ix makïdï buaboikïdï gamaakai gubukarhigai go ux maamaradï. Mai tipu ïmai gin ïpïamaaxkami. Dai Diuxi gin Oga ïr nukadakami gï dukami ïxikami.

VUAANA 15:2

Guikomai ïgai bïïxi go uba maamaradï ix makïdï mai ibhiatai dai kïïga buanai ïgai go maamara ix makïdï gia ibhiatai dai bhai buayi sai bamioma kïïga ibhiatana.

VUAANA 15:6

—Xorai ïïkobai dakagi aanïañdïrï mos ïr ïmo ux maamaradï guikomidikami gï dukami. Gobai gï daitudaiña dai mos gakïrïi dai gokiïrï gï ïmpaidi gobai dai taiyïrï gï surhigai dai gï mïmïidi.

Hechos 2:39

—Idi ñoki ïr aapimï gïn bïïtarï ïmadï gïn maamara bïïtarï dai jaa bïïtarï ïpï ix makïdï mïkaxi daraja dai ïmadï bïïxkatai ix makïdï Diuxi Gïr Nukadakami baida ïrhiada— ikaiti Piduru.

Romanos 11:24

Kïïga ixtui Diuxi aidï xi gïn saitudagi aapimï abhai oliboïrï tomaxi xijaiga gobai. Aapimï ïr ïmo korientegami uxiañdïrï guikomidikami kaxkïdï. Dai kaxkïdï ïpï bamioma mai xijaiga Diuxi bïïtarï xi ïpamu saituda ïgai go judidiu ix makïdï kïïgakïrï ïr mamaaradï go finuakïdï olibo.

Galatas 2:15

Dai potïtïdai aanï go Piduru ïpï, —Daiñi— antïtïdai aanï. —Asta aatïmï ix makïdï kïïgakïrï ïr judidiu gïr dïïdï amadïrï, asta aatïmï ïpï kïï bipiïyi Diuxi ïmadï ïpïan dukai go ix makïdï maiti ïr judidiu. Mos buaboitudaitai aatïmï Suxi Kristo tudu. Gobai gia ïr go bhai ïrhiaragai aatagi. Daiñi, tomarhi aatïmï judidiu tomarhi go gaa ix makïdï maiti ïr judidiu dai ix makïdï soimaaxi ibuadami aagaiña aatïmï tomarhi ïmadutai aatïmï mai kïï bipiïyi Diuxi ïmadï ïïgiditai go sïïrhikami— antïtïdai.

Efesios 3:6

Podukai máí ïgai sai Diuxi ïki abhiadïrï kaxi gï tïgitokatadai sai go odami ix makïdï maiti ïr judidiu ïpïan ïxi biakana sïïrhikami ïmadï go judidiu. Diuxi ipïrhidi sai gïn bïïtarïkagi ïpï bïïxi ixtumaxi kïïgadukami ix makïdï Diuxi bia maamaradï bïïtarï. Xibi ka bïpïnakai Suxi Kristo kaxi ïr ïmo aadunumïkana go judidiu ïmadï ix makïdï maiti ïr judidiu. Gobai tudu ïr Diuxi tïgibudadï ix makïdï ïxtokikana ïkioma. Dai xibi gia go odami ix makïdï maiti ïr judidiu mos buaboitudakai go bhai ïrhiaragai aatagi ka ïpïan ïxi gïn ajïga xi biakagi ix makïdï Diuxi aagai sai maakiagai. Mos buaboidakai ïgai Suxi Kristo tudu.

Kolosenses 2:13

Gin aaduñi, ïkioma ïko darakatadai aapimï Diuxiañdïrï. Koidadï dukaikana aapimï Diuxi bïïtarï tudu soimaaxi ibuadamikatai aapimï. Aidï kia biakatadai gïn ïïkidadï tïgibudagai soimaaxkïdï. Mai kia maigobai dasakatadai gobai gïn ibhïdagaiñdïrï aidï. Dïï gia tomaxi pomaaxkatadai aapimï bïïxkïrï Diuxi gïn oigïrhi bïïxi gïn soimaaxkamiga dai gïn duakaturhi bïïnakai aapimï Suxi Kristo.

Apokalipsis 11:4

Daiñi, ïmo Diuxi ñokituldiadamigadï pokaiti ïïki sai Diuxi buitapi guka goka uxi olibo dai goka kukudakarui. Dai ï goka uxi olibo ïmadï ï goka kukudakarui ïr maaxidaragai ï goka ojotosadï Diuxi bïïtarï ix makïdï Jerusalenïrï aitulda agai ïmo ñoki Diuxiañdïrï.