Romanos 10:9 - Northern Tepehuan Bible

⁹ Ga aagidiña aatïmï sai gï agai xi odami buaboitudaitai po tïiyagi sai Suxi Kristo bïïxi adaama ïr Tïanïdami. Dai sai gï aagai xi kïïgakïrï buaboitudagi ïgai ix Diuxi duakaturhi go Suxi. Xorai pobuadagi gia kïïgakïrï bubuaki agai.

Tepehuan Northern: Diuusi ñiooquidʌ utuducami oodamicʌdʌ

⁹ Sioorʌ pocaitiadagi sai Suusi Cristo ʌrtʌaanʌdamigadʌ daidʌ isvaavoitudadagi sai Diuusi duaacali Suusi Cristo coidadʌ saagidaiñdʌrʌ Diuusi cʌʌgacʌrʌ vuvaidi.

Romanos 10:9 ပူးပေါင်းရင်းမြစ်များ

Lukas 12:8

Daidi Suxi oi aatagidï dai potïtïdai ïgai mamaatïrdamigadï, —Daiñi— itïtïdai. —Aanï ïr otosadï Diuxi ix makïdï ïmo kïïrhi busai dai aanï pokaiti sai xorai maaxiko aagadagi jaa buitapi ix gin buaboitudai, aanï ïpï maaxiko aagadamu Diuxi tïtïañikarudï buitapi xi ïgai gin buaboitudai.

VUAANA 9:22

Go bhaitï gukakamigadï judidiu ka bhaiduitadai ñoki sai mai maaki agaitadai oigaragai ix baan gukakagi judidiu kiupaigadïrï xorai pokaitadagi ix go Suxi ïgai daidi ïr Ga Tïanïdami ix makïdï nïnïratadai óídakami. Kaxkïdï go dïïdïdï go kïïrhi ïbhïiditadai go bhaitï gukakamigadï judidiu dai potïtïdai sai mai maatï xorai duadi maradï

Hechos 16:31

Daidi Pabora ïmadï Silas itïtïdai aidï, —Buaboitudañi aapi Suxi Kristo. Mos buaboitudakai kïïgakïrï busaimu aapi ïmadï gï aaduñi ïpï ix makïdï gï kiiyïrï óídaga— itïtïdai.

Hechos 2:24

Dai Diuxi ïpamu duakaturhi go Suxi mukukai ïgai. Go mukigami maiti ixtui xi sobhidagi ix duaka Suxi.

Hechos 2:32

Go Suxi tudu aba ïgai ix makïdï Diuxi duakaturhi. Aatïmï ïr nïijadami di.

Hechos 8:36

Dai ayi ïgai xako dajatadai sudagi. Daidi go dunukami itïtïdai aidï, —Daiñi, bhobai kaatï sudagi— itïtïdai. —¿Kïïgadu xi ix ïmodïrï gin bakuanada aapi?— itïtïdai.

Romanos 10:10

Diuxi kïïgakïrï gïr nïidi buaboitudakai aatïmï tudu, mos maaxiko aagakai ix buaboitudai aatïmï.

Romanos 14:11

Diuxi ojadï adukai ikaiti, Aanï Diuxi aagai sai gia ïr buaboi sai bïïxi óídakami tootonakïdï gukiba agai gin buitapi. Bïïxkatai gin xadutuadamu ïgai tudu dai potïimu bïïxkatai óídakami buitapi sai aanï ïr Diuxi, ikaiti Diuxi ojadï.

Romanos 14:9

Daiñi, Suxi Kristo muu dai gï duakatu ïpamu baidi ïr Tïanïdamigadïkana ïgai bïïxi odami tomaxi duduakagi ïgai xiïpï xi ïr koidadïkagi ïpï.

Romanos 4:24

Aatïmï gïr bïïtarï ojixi gobai ïpï. Daiñi, Diuxi kïïgakïrï gïr nïijadamu ïpï buaboidakai aatïmï ïgai ix makïdï duakaturhi go Suxi Gïr Nukadakami mukukai ïgai. Buaboidakai aatïmï Diuxi tudu.

Romanos 8:34

Dai Suxi Kristo ïgai dai muu gïr bïïtarï ïpï dai gï duakatu ïpamu dai Diuxi sïïrhixapadïrï daja ïgai xibi. Ami gadaanïi ïgai Diuxi gïr bïïtarï. ¿Xorai potïdana aidï saidi gïr ajïga gïgïbidaragai ami dajatai Suxi dai daanïitai ïgai gïr bïïtarï? ¡Tipu xorai!

1 Korintios 12:3

Kaxkïdï xibi ipïrhidi aanï xi kïïga maatï nïijada aapimï xorai ïgai dai ïïgidimi Diuxi Ibhïadï dai xorai mai ïïgidimi ïpï bai podukai maiti gïn bupuirumadagi ïgai. Daiñi, ïmo odami ix makïdï ïïgidimi Diuxi Ibhïadï xadïrï potïna sai ajïga Suxi xi taatagi go gïdukïdï gïgïbidaragai ïko dakatai Diuxiañdïrï. Dai mosïkaxi odami ix makïdï gia kïïga ïïgidi Diuxi Ibhïadï bhaiga ix bhai aagagi ix Suxi bïïxi adaama ïr Tïanïdami. Podukai gï maatï xorai ïïgidimi Diuxi Ibhïadï dai xorai mai ïïgidimi.

Filipenses 2:11

dai biakamu xi aagadagi sai Suxi Kristo adaama ïr Tïanïdami. Podukai aagadamu ïgai bïïxi óídakami buitapi tudu dai podukai maaxitudamu ïgai xïïxi ïr gïdukami Diuxi gïr Oga.

1 Pedro 1:21

Dai kïïga maatï aapimï Suxi dai kïïga maatï aapimï ix tuma idui ïgai ïpï dai kaxkïdï buaboitudai aapimï Diuxi. Buaboitudai aapimï ïgai ix makïdï duakatu go Suxi dai maa go adaama namïakami sïïrhikami tudu. Dai xibi bia aapimï ïmo kïïgadukami nïnïraragai ka buaboitudakai aapimï Diuxi.

1 Juan 4:15

Dai bïïxkatai ix makïdï pokaitadagi sai Suxi ïr Diuxi Maradï ka urabaka Diuxi dai Diuxi ïgai ïmadï daja.

2 Juan 1:7

Daiñi, xi gïn oigïdadagi aapimï aipakoga gobai gïn soiñamu sai mai oijadana aapimï go bupuirumadami ix makïdï aipakoga ajiopai oidigi daama. Muidu ïgai tudu. Pokaitiña ïgai sai mai ïmo odami dukai dibia Suxi Kristo tami oidigi daama. Yaatabogami ïgai tudu daidi ïr buidïrï bïïtïkami ïgai Suxi Kristo.