Romanos 10:10 - Northern Tepehuan Bible

¹⁰ Diuxi kïïgakïrï gïr nïidi buaboitudakai aatïmï tudu, mos maaxiko aagakai ix buaboitudai aatïmï.

Tepehuan Northern: Diuusi ñiooquidʌ utuducami oodamicʌdʌ

¹⁰ Mosvaavoitudacai Diuusi cʌʌgacʌrʌ nʌidi oodami ducami istomali ʌmo imidagai maisoimaasi ivuaadamudai, dai sioorʌ aagiadagi aa sai vaavoitudai Diuusi cʌʌgacʌrʌ vuvaidi.

Romanos 10:10 ပူးပေါင်းရင်းမြစ်များ

Markos 9:23

—¿Dukatai gin tïkakai aapi sa bhai ixtutuidikïi aanï?— ikaiti Suxi. —Daiñi, ix makïdï buaboitudai bïïtarï mai tipu ixtumaxi mai bhaiga, kïï bhaiga bïïxi aïkatai— ikaiti Suxi.

Lukas 8:15

Dïï gia ix makïdï kïïgadukami dïbïriïrï surhi ïgai gia ïpïan dukami odami ix makïdï kïïgadu iibhïadï dai kïïga ïïgida kaïkana Diuxi ñokidï. Ïgai abhana gia aatabuayi Diuxi dai ibuayi naana maaxi kïkïïgadukami ïgaikïdï mos apia buaboitudaitai ïgai— itïtïdai Suxi mamaatïrdamigadï.

Hechos 8:37

Daidi Pirhi itïtïdai, —Pïx kïïgakïrï buaboitudai, aidï gia kïïgadu gobai— itïtïdai. Daidi go dunukami itïtïdai, —Aanï gia buaboitudai sai Suxi Kristo ïr Diuxi maradï— itïtïdai.

Romanos 10:11

Diuxi ñokidï ikaiti sai, Toma xorai ix makïdï buaboitudagi Diuxi mai biaka agai ix tuixi xaïradagi, ikaiti Diuxi ñokidï.

Romanos 10:9

Ga aagidiña aatïmï sai gï agai xi odami buaboitudaitai po tïiyagi sai Suxi Kristo bïïxi adaama ïr Tïanïdami. Dai sai gï aagai xi kïïgakïrï buaboitudagi ïgai ix Diuxi duakaturhi go Suxi. Xorai pobuadagi gia kïïgakïrï bubuaki agai.

Filipenses 3:9

bïïna dakatai aanï ïgai. Ka mai buaboitudai aanï tudu sai bia aanï xi ïïgiadagi go sïïrhikami sai kïïgakïrï gin nïijadagi Diuxi. Dai bhaiyoma Diuxi ïgai dai bhai dui ix dukatai kïïgakïrï gin nïijadagi ïgai buaboidaitai aanï Suxi Kristo. Gobai buaboitudai aanï xibi.

Hebreos 10:22

Suxi Kristo ka kïïga gïr buañidi gïr ibhïdaga sai ka mai gïpiïrï bïïtïkami dukai taadakana aatïmï. Gïr bakoi ïgai gïr ibhïdaga ïpïan dukai xi gï bautïxdagi ïmo odami kïï buañixikami sudagikïdï tudu. Ïgai ïr go buaboikïdï gabhaitïkïakïdï dadaxdadami gïr bïïtarï dai ka baa ïgai Diuxi buitapi gïr bïïtarï. Kaxkïdï xibi bhaiga aatïmï xi kïïga ïïmadan dukai ajiagi Diuxi buitapi ïpï mai duduadikoitai.

Hebreos 3:12

Gin aaduñi Diuxi amadïrï, gïn nukadabïrai tadu ïïmadutai aapimï soimaaxi ibuadagi mai ïïgiditai Diuxi soimaaxkatai gïn ibhïdaga buidïrï Diuxi. Po gï duña antaada ix maiti ipïrhiadagi aapimï xi kïïga buaboitudadagi Diuxi ix makïdï kïïga ïr duakakami.

1 Juan 4:15

Dai bïïxkatai ix makïdï pokaitadagi sai Suxi ïr Diuxi Maradï ka urabaka Diuxi dai Diuxi ïgai ïmadï daja.

Apokalipsis 2:13

dai maatï aanï sai go diabora ïgai dai gatïanïi ami go gïï kiikiïrï xako óídaga aapimï. Dai maatï aanï sai tomaxi tïanïi ïgai ami aapimï bïïxkïrï apia gin buaboitudai. Mai dagito aapimï gïn buaboidaraga tudu tomaxi ami xako óídaga aapimï gï muatu go kïïrhi Antipas tïgidukïdï ix makïdï sïïrhi ñokaiña gin bïïtarï aagaitai ixtumaxi ïr buaboi. Maiti gin dagito aapimï tomaxi ami gïn kiikiïrï oidaga go diabora tudu.