Romanos 1:3 - Northern Tepehuan Bible

³ Idi bhai ïrhiaragai aatagi aagai Suxi Kristo dai ïgai ïr Diuxi Maradï. Ïgai busai tami oidigi dama dai biakatadai ïradï go Dabidkaru.

Tepehuan Northern: Diuusi ñiooquidʌ utuducami oodamicʌdʌ

³ Ʌgai aagai sai divia agai gʌrtʌaanʌdamiga Suusi Cristo Diuusi maradʌ ismacʌdʌ tʌvai tʌvaagiañdʌrʌ. Ʌgai oodami duucai vuusai daidʌ ʌrʌraí Davicaru cajiudadʌ.

Romanos 1:3 ပူးပေါင်းရင်းမြစ်များ

Genesis 3:15

—Dai gïn bupuidïrï gïn surhitudamu aanï aapi kooyi ïmadï go oki dai modukai gïn maamara xi gïn kïïdada agai aapimï aipakoga. Ïmoko go oki maamaradï kïixora agai gï moo pai aapi kïimu tïkabodï— itïtïdai Diuxi go kooyi.

Mataibo 1:1

Tami ojixi ix tïtïgidu ïïkidadï aaduñdï Suxi Kristo. Sai Suxi Kristo ïr pipiixaradï go Rey Dabidkaru tudu. Dai go Dabidkaru ïr pipiixaradïkatadai go Abraamkaru. Tami bhaitïki aagai ix dukatai pogïdui gobai.

Mataibo 1:16

Go Jakobo marai go Josekaru ix makïdï ïr kunadïkatadai go Maria. Dai go Maria ïr dïïdï Suxi Kristo.

Mataibo 1:6

Daidi go Isaí marai go Rey Dabidkaru. Dai go Dabid marai go Salomónkaru dai go dïïdï go Solomon ïr oñibharudïkatadai go Uríaskaru.

Mataibo 12:23

Dai bïïxi go odami ami mai tïtïgaitadai ixtumaxi gïn tïtïgitoagi nïiditai. Daidi ikaitiña, —¿Bhai ix go Suxi ïr go pipiixaradï go Rey Dabidkaru? ¿Ïgai ix ïr go otosadï Diuxi dai ix makïdï nïnïraka aatïmï ïïki abhiadïrï?— ikaitiña go odami.

Mataibo 15:22

Dai ami dakatadai ïmo oki ix makïdï ïr pipiixaradïkatadai go Kananeos agaikïdï. Maiti ïr judiukatadai ïgai tudu. Dai mïï ayi ïgai xako dakatadai go Suxi daidi gïgïr ño daidi ikaiti, —Aapi gin Tïanïdamiga, aapi ix makïdï ïr pipiixaradï go Rey Dabidkaru tudu— itïtïdai. —Soi gïlda gin nïida dai gin soiña. Ka arhiï soi taatamai ïmo gin maara oki biakatai ïmo tïañikarudï go diabora ïrana— itïtïdai. Dai muiyoko potïtïdai ïgai go Suxi gïgïr ñokaitai.

Mataibo 26:63

Dai go Suxi mos dodorhi bii dai mai taadatu. Daidi go tïanïdamigadï go dadaxdadami potïtïdai aidï, —Aapi Suxi, Diuxi ïgai dai bïïxi adaama ïr xadutudikïdï. Bïïxkïrï oidaga ïgai ïïki abhiadïrï tudu dai tomarhi ïmo imidagai mai muki agai. Ïgai ïr nïijadami ix tumaxi gin aagidagi aapi xibi tudu. Dai gï tïanïi aanï xibi pïsaidi aagana aapi tami gïr nïiditai Diuxi ix bhai aapi ïr go ix makïdï Kristo aagaiña odami, sa bhai aapi ïr Diuxi otosadï bhaitï kïakami ix makïdï kïïgakïrï busaida agai go Oidakami. Gïr aagidañi ix bhai aapi ïr Diuxi Maradï tudu— itïtïdai.

Mataibo 27:43

—Pokaitiña gobai sai kïïga buaboitudai Diuxi dai saidi ïr Maradï gobai. Sai Diuxi soiñana xibi tudu xi ïr buaboikagi gobai— ikaitiña parunaitai.

Mataibo 3:17

Dai Diuxi ño tïbagiañdïrï aidï dai potïtïdai ïgai go odami, —Idi ïr gin Maara dai sïïrhikïdï oigïdai aanï. Idi tudu ïr gin bhai ïrhiaraga— ikaiti Diuxi aagaitai go Suxi.

Mataibo 9:27

Dai bhodïrï jii Suxi abhiadïrï dai no boiyamu iimïi ïgai daidi goka kïkïïrhi mai nïadami oiditadai. Daidi gïgïr iñakimi go kïkïïrhi daidi ikaitimi, —Aapi Suxi, aapi ïr pipiixaradï go rey Dabidkaru. Soi gïlda aatïmïkïdï dai gïr soiña— ikaitimi.

Lukas 1:35

Dai go tïañikarudï Diuxi potïtïdai aidï, —Gï dibidamu Diuxi Ibhïadï dai ïgaikïdï gï ayimu Diuxi gubukarhigadï gï abhana. Podukai nonoakami bimu aapi. Dai kaxkïdï kïïga buañixikamu gï maara ix makïdï buapamu aapi dai odami Diuxi Maradï aagadamu—.

Lukas 1:69

—Gïr otoxdi ïgai ïmo gïr kïïgakïrï bubiadamiga ix makïdï ïr pipiixaradï go Dabidkaru. Pipiixaradï ïgai go Rey ix makïdï ïr pioñigadïkatadai Diuxi tudu.

VUAANA 1:14

Daidi go Diuxi Ñokidï tïgidukami ïmo odami busai dai biatu tukuga ïpïamaaxkami ix makïdï bia aatïmï dai bhodïrï óídakami saagida oidatu. Sïïrhikïdï kïï tuiga ïgai dai kïïga gïr maatïturhi ix tumaxi ïr buaboi. Dai aanï Juan ix makïdï ibuayi idi ojai ïmadï jaa mui kïïga nïidi ïgai ix makïdï Diuxi Ñokidï tïgidu. Dai aatïmï ïr nïijadami xïïxi ïr gïdukami ïgai dai xïï kïï tiodi ïgai Diuxi maradïkatai. Diuxi maradï ïmadugakïdï ïgai tudu.

VUAANA 1:34

Nïidi aanï Diuxi Ibhïgadï ix tïbai Suxi Kristo daama. Kaxkïdï kïïga maatï aanï sai ïgai ïr Diuxi Maradï dai xibi gïn aagidimi aanï sai ïgai ïr Diuxi Maradï sai aapimï kïïga maatïkagi ïpï— itïtïdai Juan go odami.

VUAANA 1:49

Dai Natanael itïtïdai aidï, —Gïr Mamaatïtuldiadamiga, aa gia ïr Diuxi Maradï aapi— itïtïdai. —Daidi ïr Reygadï aatïmï Israelitas— itïtïdai.

VUAANA 10:30

Dai mos ïr ïmo odami aanï ïmadï gin oga— itïtïdai.

VUAANA 10:36

¡Kaxkïdï maiti gï agai ix potïiyagi aapimï sai soimaaxi ñokai aanï potïkai sai aanï ïr Diuxi Maradï! Aanï ïr Diuxi otosadï ix makïdï ïgai ïïko busaitu di— itïtïdai Suxi.

VUAANA 20:28

Dai aidï gia go Tomás itïtïdai, —Gia ïr buaboi ix aapi ïr gin Tïanïdmiga dai ïr gin Diuxiga— itïtïdai.

VUAANA 20:31

Tami idi libroïrï oja aanï ïïmoko ipïrhiditai ix nïiditai aapimï gobai kïïga buaboitudada aapimï ix go Suxi buaboikïdï ïr Diuxi maradï daidi ïr Ga Tïanïdami ïpï. Ojixi go maaxidaragai idi libroïrï sai ïgaikïdï buaboitudana aapimï dai sai ka buaboitudakai sai bhodïrï kïïgakïrï óídakana aapimï bïïxkïrï bïïtarï.

VUAANA 5:25

Dai Suxi oi aatagidï dai itïtïdai ïpï, —Kïïga abïr gïn tïgito kaïka idi ñoki. Daiñi, aanï ïr Diuxi Maradï dai aanï aagai sai ayimu ix tuigako kaïka agai go koidadï ix ñokada aanï dai duduaka agai. Dai xibi aanï aagai sai ka ayi gobai.

VUAANA 7:42

—¿Mai ix tudu pokaiti go ojai sai go Ga Tïanïdami ïr pipiixaradï ka agai go Rey Dabidkaru dai sai Bhelenïrï busi agai? Ami tudu Bhelenïrï ïr busaikami Dabidkaru— ikaitiña ïïmoko.

Hechos 2:30

Ïki aidïxi mai kia mutadai go Dabidkaru ïgai maaxi aagaiña Diuxi ñokidï dai ïkiaxdïrï agaitadai ixtuma daibuña agaitadai xibi. Diuxi ïkiaxdïrï aagidi go Dabid sai dasa agaitadai ïmo pipiixaradï sai bhïna Dabid sïïrhikamigadï dai sai tïanïna ïmo Rey dukai.

Hechos 3:13

Cho, bhaiyoma Suxi gubukadadïkïdï duayi gobai— ikaiti. —Daiñi, gïr aaduñi ïïki buaboitudaiña Diuxi, go Abraam dai Isaak dai Jakobo tudu. Dai xibi Diuxi gïr tïïgi ix xïïxi ïr gubuakami Suxi gï maara. Dai aapimï tïïgi go Suxi go gïï dunukami Pilato. Dai tomaxi Pilato ka dagito agaitadai go Suxi xi imiagi aapimï mos apia gïpiïrï buapaimitadai.

Hechos 8:36

Dai ayi ïgai xako dajatadai sudagi. Daidi go dunukami itïtïdai aidï, —Daiñi, bhobai kaatï sudagi— itïtïdai. —¿Kïïgadu xi ix ïmodïrï gin bakuanada aapi?— itïtïdai.

Hechos 9:20

Otoma jii ïgai judidiu kikiupaigadïrï dai mïï aagidimi odami sai Suxi ïr Diuxi maradï.

Romanos 1:9

Aanï bïïxi gin bhai ïrhiarakïdï ibuayi Diuxi aaduindadï aagaitai go bhai ïrhiaragai aatagi aagaitai Suxi Kristo Diuxi maradï. Dai Diuxi ïr nïijadami xi aanï mai dagitokai daanïi Diuxi gïn bïïtarï.

Romanos 4:1

¿Ix dukatai ïpï dui aidï go Abraamkaru, ix makïdï ïr ogadï bïïxkatai aatïmï Israelitas tudu? ¿Ixtukïdï kïïgakïrï tïï Diuxi ïgai?

Romanos 9:3

Sïïrhikïdï oigïdai aanï gin aaduñi go judidiu dai soiña in ïrhidi. Asta ipïldamudai aanï xi Diuxi gajiadïrï gin biagi xi podukai kïïgakïrï bubuakimudai gin aaduñi.

Romanos 9:5

Go gin aaduñi judidiu ïr piipixaradï go Abraamkaru dai Isaakaru dai Israelkaru. Dai Suxi Kristo Diuxi Otosadï ïr judiukatadai ïpï. Suxi Kristo ïr Diuxi dai bïïxi adaama ïr Tïanïdami ïgai. Kaxkïdï gï agai xi gï xadutuadagi ïgai bïïxkïrï bïïtarï.

1 Korintios 1:9

Dai kïïga gï maatï sai Diuxi gïn soiñamu ix kabakan dukai gukibana aapimï kaxkïdï tudu ïgai kïï sïïrhi aatabuayi dai mai yaatagïi. Dai ïgai kaxi ïkobai gïn darai sai bïïnakan darakagi aapimï Maradï. Kaxkïdï ïpï gï maatï sai Diuxi gïn soiñamu ix kabakan dukai gukibana aapimï gïn buaboidaragïrï asta go kugatïrï tasïrï ukami. Ka bïïna daraka aapimï Suxi Kristo Gïr Nukadakami kaxkïdï.

1 Korintios 10:18

Gïn tïgitobïrai ixdukatai ibuayi go judidiu. Daiñi, ïgai xadutudai Diuxi xïïxkadï gakuadagi ïgai kuadagai ix makïdï ïr daxdaradï Diuxi.

Galatas 4:4

Dïï gia Diuxi maiti ipïrhidi xi pipioñi dukai óídakagi aatïmï tomarhi xi ïr arhi dukaikagi ïpï. Kaxi ïr maamaradï aatïmï kaxkïdï. Ipïrhidi ïgai xi gïgïr odamikagi aatïmï tudu bai gïr maakana ïgai bïïxi ixtumaxi gïr ajïga maamaradïkatai aatïmï. Kaxkïdï ka aïkai ixtuigako Diuxi ipïrhi aidï bhai dui ïgai gïr bïïtarï xi ka bhaigakana aatïmï xi ka biakagi ixtumaxi gïr ajïga. Otoi ïgai Maradï tami oidigi daama tudu dai ïgai ïmo kïïrhi busai. Dai biakatadai ïgai xi ïïgiadagi go sïïrhikami

1Tesalonicenses 1:10

Gïr aagidiña ïgai ïpï sai nïnïraka aapimï ix dibiagi Diuxi Maradï tïbagiañdïrï ïpamu. Kïïga buaboitudai aapimï tudu sai muu Suxi Kristo dai sai Diuxi duakaturhi ïpamu. Buaboitudai aapimï sai Suxi Kristo kïïgakïrï gïr bubaida agai sai maiti gïr aïna go gïgïbidaragai ix makïdï maaki agai Diuxi bïïxi go gaa oidigi daama óídakami.

1 Tomoteo 2:5

Ipïrhidi ïgai tudu sai odami maatïkana sai mos arhi ïmo Diuxi oidaga dai mos arhi ïmaduga ix makïdï bhai buayi gïr bïïtarï Diuxi ïmadï dai ïgai ïr Suxi Kristo ix makïdï ïmo kïïrhi busai. Mai tipu ïmai.

1 Tomoteo 3:16

Kïïga maatï aatïmï sai namïga gïr buaboidaraga buaboidaitai aatïmï Suxi Kristo. Daiñi, ïkioma óídakami mai maatïkana ixtumaxi ïr buaboi dïï gia Diuxi gïr tïïgi ixtumaxi ïr buaboi dibiakai Suxi Kristo. Dai xibi naana maaxikïdï maatï aatïmï saidi ïr buaboi ixtumaxi aagai aatïmï aagaitai Suxi Kristo dai sai namïga gïr buaboidaraga. Daiñi, Suxi Kristo gïr aagidi dai gïr maaxiturhi xorai ïgai dibiakai tami oidigi daama. Dai Diuxi Ibhïadï ïpï kïïga aagaiña saidi ïr buaboi xorai gï aagaiña Suxi Kristo. Dai go Diuxi tïtïañikarudï bïïxi nïidiña go Suxi ïpï dai aipakoga óídakami ayi aatagi xorai ïgai. Dai gokiïrioma mui oidigi daama óídakami bhai aa saidi ïr buaboi ïpï dai buaboitu. Bhodïrï gï baidakatu go Suxi tïbagiamu xako oidakamu gïïpi xadutudaragai ïgai bïïtarï. Xadïrï po gï duñimudai bïïxi gobai ix maiti ïr buaboikamudai gïr buaboidaraga di.

2 Timoteo 2:8

Kïï maatï aapi sai Suxi Kristo ïr pipiixaradï go rey Dabidkaru. Dai kïï maatï aapi ïpï sai muu Suxi Kristo dai sai ïpamu duakatu. Gobai tudu ïr go bhai ïrhiaragai aatagai ix makïdï aagidiña aanï go óídakami.

1 Juan 1:3

Daiñi, aatïmï ix makïdï ïr ojotosadï Suxi Kristo bia ïmo kïïgadukami urabaragai Diuxi ïmadï dai Suxi Kristo ïmadï ïpï ix makïdï ïr Diuxi Maradï. Dai kaxkïdï gïn aagidimi aatïmï gobai ix makïdï nïidi aatïmï dai kaï ïpï ix makïdï gïr tïtïïgidi Suxi Kristo. Ipïrhidi aatïmï sai biakana aapimï urabaragai Diuxi ïmadï dai Suxi Kristo ïmadï ïpï gïr ïpïan dukai kaxkïdï.

1 Juan 3:23

Diuxi gïr tïjai sai buaboitudaiña aatïmï Maradï, sai buaboitudana aatïmï Suxi Kristo tudu. Dai gïr tïjai sai gïr oigïadagi aatïmï aipakoga ïpï. Gobai ïr go sïïrhikami ix makïdï gïr maa Diuxi tudu.

1 Juan 3:8

Dïï gia odami ix makïdï oijadagi go soimaaxkami gobai itïiya ïrhidi sai urabaka ïgai go diabora. Go diabora apia soimaaxi ibuadana aidï abhiadïrï xi kïkiba oidigi tudu. Apia kia soimaaxi ibuayi xibi ïpï. Dïï gia Diuxi Maradï dibia tami oidigi daama dai xia dodai ïgai aaduindadï go diabora. Gobai bïïtarï dibia ïgai tudu.

1 Juan 4:15

Dai bïïxkatai ix makïdï pokaitadagi sai Suxi ïr Diuxi Maradï ka urabaka Diuxi dai Diuxi ïgai ïmadï daja.

1 Juan 5:1

Gin aaduñi, toma xorai ix makïdï buaboitudai sai go Suxi ïr go gïï Tïanïdami ix makïdï otoi Diuxi tami oidigi daama ïgai kaxi ïr maamaradï Diuxi. Ix buaboitudai ïgai sai Suxi ïr go Kristo agaikïdï tudu. Diuxi ïr Ogadï xorai podukai buaboitudagi tudu. Dai kïïga maatiga maaxi sai xorai oigïdadagi ïmo gaoga sai oigïdada agai maamaradï ïpï.

1 Juan 5:20

Daiñi, kïïga maatï aatïmï sai dibia Diuxi Maradï tami oidigi daama dai gïr tïtïïgidi xorai buaboikïdï ïr Diuxi. Suxi Kristo ïgai dai gïr tïtïïgidi tudu. Dai xibi ka urabakatai aatïmï Suxi Kristo ka uraba bii aatïmï Diuxi ïpï. Suxi Kristo ïr Diuxi kaxkïdï. Buaboikïdï ïr Diuxi ïgai dai mai tipu ïmai. Mai tipu ïmai xorai gamaakadagi go utudui oidakaragai bïïxkïrï bïïtarï tudu. Mosïkaxi Suxi gïr maakai gobai.

1 Juan 5:5

Mosïkaxi aatïmï ix makïdï buaboitudai sai Suxi Kristo ïr Diuxi Maradï, mosïkaxi aatïmï ixtutuidi ix maitiagi go soimaaxi ix makïdï oidaga tami oidigi daama tudu.

2 Juan 1:7

Daiñi, xi gïn oigïdadagi aapimï aipakoga gobai gïn soiñamu sai mai oijadana aapimï go bupuirumadami ix makïdï aipakoga ajiopai oidigi daama. Muidu ïgai tudu. Pokaitiña ïgai sai mai ïmo odami dukai dibia Suxi Kristo tami oidigi daama. Yaatabogami ïgai tudu daidi ïr buidïrï bïïtïkami ïgai Suxi Kristo.

Apokalipsis 2:18

Dai bhodïrï ix makïdï gin ñokidi dai odami maaxi gin tïtïdai, —Ojidañi aapi ïmo ojai go buaboitudadami nukadakamigadï Tiatirana ïpï. Dai adukai ojida aapi, Aanï ïr Diuxi Maradï ix makïdï táí dukai bïpïdokïi gin bupuji dai gin ïïkaso ïpïamaaxi baiñomi kïï buañixikami.