Romanos 1:12 - Northern Tepehuan Bible

¹² Podukai aipako gïr abïnakidamu aatïmï aanï ïmadï aapimï kïïga buaboidaitai aatïmï Suxi Kristo.

Tepehuan Northern: Diuusi ñiooquidʌ utuducami oodamicʌdʌ

¹² Siʌʌscadʌ nʌida aanʌ mʌsʌʌ cʌʌga vaavoitudai aapimʌ dai aapimʌ nʌida siʌʌ cʌʌga vaavoitudai aanʌ aipaco baigʌrʌʌliatudamu aatʌmʌ.

Romanos 1:12 ပူးပေါင်းရင်းမြစ်များ

Hechos 11:23

Ayi go Bernabe Antiokiïrï dai kïï bhai gï ïldatu nïiditai xi Diuxi kïïgakïrï nïiditadai go buaboitudadami ami. Dai abïnaki ïgai go buaboitudadami xi ïgai gupurtudana gïn iibhïdaga sai apia oijadana ïgai Gïr Nukadakami.

Romanos 1:11

Gïn dibida in ïrhidi dai gïn maaki in ïrhidi gubukadagai Diuxi Ibhïadïkïdï bai kïïgioma buiyagi aapimï gubukarhigai gïn ïrabiadïrï.

Romanos 1:13

Gin aaduñi, ipïrhidi aanï xi maatïkagi aapimï sai mui imidagai gïn dibida in ïrhidiña aanï dïï mos mai kia ixtui. Gïn soiña in ïrhidi aanï xi kïïgioma buaboitudada aapimï gïn dibidakai. Pomaaxi ibuadana aanï tudu go gaa ïmadï ïpï ix makïdï maiti ïr judidiu.

Romanos 15:24

Kaxkïdï xibi gia Romïrï sïïrhi daibuña in ïrhidi aanï dai gïn dibida in ïrhidi. Dai abhiadïrï imia in ïrhidi Españamu. Gin urhiñda iñagai gïn ïmadï lachi dai bhodïrï ipïrhidi aanï xi gin maakiagi aapimï soiñi xi oijada aanï gin imidagai Españamajakoga.

Romanos 15:32

Bai podukai bhai gin ïrhiadagi aanï dai gin ibhïxtagi lachi gïn ïmadï dakatai ix ipïrhiadagi Diuxi.

2 Korintios 7:13

Kïïga gin ïïgidi aapimï tudu kïïga gin xadutudaitai dai gokïdï ka maigobai jii gin soi ïrhiaraga dai soi ïrhiaradï gobai ix makïdï gin ïmadï daraka ïpï. Kïïga bhai gïr ïrhidi aatïmï tudu. Dai asta bamioma bhai gïr ïrhidi maatïkatai xïï kïïga bhai gï ïrhiatu go Tito aapimïkïdï.

Efesios 4:5

Ïmaduga Gïr Nukadakami dai ïmaduga gïr buaboidaraga dai ïmaduga gïr bakuanaraga ïpï.

2 Timoteo 1:4

Gï tïgitokana aanï ix xïï soi gï ïldatu aapi dai asta suanïitadai aidïxi gïr ïjïkobagi baasïki. Dïï gia kïï maatï aanï sai bhai gin ïrhiadamu aanï xïïxkadï gïr tïïgiagi aatïmï ïpamu.

Tito 1:4

Gin maara dukai gï nïidi aanï Diuxi amadïrï aapi Tito, kaxkïdï tudu gin ïpïan dukai buaboitu aapi buaboidakai go ñoki ix makïdï gï tïtïïgidi aanï. Kaxkïdï gï ojidi aanï idi ojai. Dai ipïrhidi aanï sai Diuxi gïr Oga dai Suxi Kristo Gïr Nukadakami kïï tuigakagi gï bïïtarï dai sai gï ibhïxtakan taadakagi aapi gï ibhïdagïrï.

2 Pedro 1:1

Bhaiga gin aaduñi Diuxi amadïrï. Aanï ïr Ximuñi Piduru dai ïmo pioñigadï aanï Suxi Kristo otosadïkatai aanï ïgai. Gïn ojidi aanï aapimï ix makïdï buaboitudai ïpïandukai aatïmï ix makïdï ïr ojotosadï Suxi Kristo. Suxi Kristo ïr gïr Diuxiga dai gïr kïïgakïrï bubiadamiga. Kïïga buañixikami dukai dai kïïga sïïrhi aatadui ïgai dai podukai aatadunakai ïgai gïn ayi aapimï oigaragai ix kïïgakïrï bubuakiagi aapimï.

2 Juan 1:4

Gin aaduñi, máí aanï sai ïïmadutai aapimï kïïga oijadai ixtumaxi ïr buaboi. Kïïga ïïgidi ïgai ixtumaxi gïr tïjai Diuxi gïr Oga tudu dai gokïdï kïïga bhai gin ïrhidi aanï.

Udaxi 1:3

Kïïga gïn oigïdai aanï aapimï gin aaduñi. Dai kaxkïdï sïïrhikïdï ipïrhidiña aanï xi gïn ojidagi aagaitai go utudui oidakaragai ix makïdï bia aatïmï kïïgakïrï gïr bubaidakai Suxi Kristo. Gobai gïn ojida in ïrhidiña aanï tudu. Dïï gia xibi ka máí aanï sai oidaga tïtïïgiadami yaatagi gïn saagida ix makïdï ïr buidïrï bïïtïkami gïr buaboidaraga. Diuxi gïr tïïgi go buaboikïdï buaboidaragai aatïmï ix makïdï ïr ïko bubaidadï tudu dai bïïxkïrï bïïtarïka agai gobai. Kaxkïdï gï agai sai kïï sïïrhi gïn ojidagi aanï idi ojiïrï dai gïn abïnakiadagi saidi kabami gïn aajagïdagi aapimï dai kïïga nukatika go buaboidaragai ix makïdï gïn tïïgi Suxi Kristo. Maiti abïr gïn dagito ix gïn maitiagi go buidïrï bïïtïkamigadï go buaboikïdï buaboidaragai. Daiñi, oidaga tïtïïgiadami yaatagi ix makïdï mai ïïgidi Diuxi tudu dai gïn saagida daraka. Gïn bupuirumagi ïgai dai podukai bapai gïn saagida tudu. Pokaitiña ïgai sai odami bia oigaragai xi ïïgi gïn tïanïdagi daidi iduñagi ïïgi ixtumaxi iduña ïrhiadagi dai asta soimaaxi ibuadagi. Pokaitiña ïgai sai mai tipu buamï ïrhiaragai gokïdï mos ïï kïï tuigakatai Diuxi gïr bïïtarï. Maiti ipïrhidi ïgai xi ïïgiadagi Suxi Kristo Gïr Nukadakami kaxkïdï. Dïï gia ka ïki abhiadïrï ka podukai aagai Diuxi saidi toma xorai ix makïdï podukai gatïtïïgiadagi ñoki sai ïgai ïr gïpiïrï bïïtïkami dai taata agai gïgïbidaragai. Mai tipu ïmai xorai ïr Gïr Nukadakamikagi mosïkaxi Suxi Kristo tudu.