Romanos 1:1 - Northern Tepehuan Bible1 Aanï ïr Pabora dai gïn otoxi idi ojai. Aanï ïr tïañikarudï Suxi Kristo. Dai Diuxi gin dáí an saidi ïr otosadïkana dai ïkobai gin busaitu ïgai ïpï an sai óídakami buitapi aagaiña go bhai ïrhiaragai aatagi ix makïdï Diuxi gïr maa. အခန်းကိုကြည့်ပါ။Tepehuan Northern: Diuusi ñiooquidʌ utuducami oodamicʌdʌ1 Aanʌ ʌrPaavora Suusi Cristo piooñigadʌ. Dai gʌnoojidi aanʌ aapimʌ vaavoitudadami Roomʌrʌ oidacami. Diuusi giñmaa sʌʌlicami ansaidʌ ʌrootosicamicana aanʌ dai ʌcovai giñvusaitu ansaidʌ gaaagidiña aanʌ sai Diuusi cʌʌgacʌrʌ gavuvaidi. အခန်းကိုကြည့်ပါ။ |
Romanos 1:1
73 ပူးပေါင်းရင်းမြစ်များ
—Gin aaduñi— itïtïdai. —Ka mai pipioñi gïn aagai aanï. Daiñi, go ga amu bhaitoma mai aagidiña pipioñigadï ix tuma tïtïitoi ïgai dai ix tuma bïïtarï ka agai aaduindadï ix makïdï ibuayi ïgai. Dïï aapimï mai ïpïan dukamikana pipioñi. Kïïga gïn aagidiña aanï ix tuma tïtïitoi aanï dai ix tuma bïïtarï ka agai gin aaduindaga. Kïïga gïn aagidiña aanï di. Gïn aagidiña aanï go ñoki ix makïdï Diuxi gin maa gïn bïïtarï tudu. Dai kaxkïdï xibi gin aaduñi gïn aagai aanï kïïga gïn ïïmadatai— itïtïdai.
Dai gïn tïgitobïrai ïpï go ñoki ix makïdï gïn aagidi aanï ïkioma. Gïn aagidi aanï sai —Ïmo gapioñi xadïrï bamioma namïakana ix bhai tïanïdamigadï— gïn tïtïdai aanï. Daiñi, aanï ïr gïn tïanïdamiga tudu dai odami kabami soi gin buididiña ¿Kaxkïdï dukatai mai soi buididiña ïgai aapimï ïpï gin mamaatïrdamikatai aapimï? Go bamioma muidukïdï soi gïn buidadamu tudu dïï gia go odami ix makïdï ïïgidi gin ñoki kïïga ïïgiada agai aapimï gïn ñoki ïpï.
Gin maa ïgai sïïrhikami xi ïr pioñigadïkagi aanï Suxi Kristo tudu dai sai ibuada aanï ixtumaxi ïr soiñi óídakami bïïtarï ix makïdï maiti ïr judidiu. Ïgai buitapi aitudai aanï go bhai ïrhiaragai aatagi ix makïdï Diuxi gïr maa. Ïmo bhai buadami xadutudaragai dukai aatabuayi aanï aagaitai go bhai ïrhiaraga aatagi. Dai Diuxi buitapi tïïgida in ïrhidi go óídakami ix makïdï maiti ïr judidiu ïmo daxdaragai dukai bai ïgaikïdï bhai gï ïldana Diuxi. Diuxi Ibhïadï tudu ïgai dai ïkobai darasai odami ïmo daxdaragai dukai Diuxi bïïtarï.
Tï oigïda ñokada Diuxi bui tudu xadutudaitai ïgai. Kïïga ixtutuidikïi ïgai xi gïn gupurtudagi go bhai ïrhiaraga aatagikïdï ix makïdï aanï gamamaatïturhiña aagaitai Suxi Kristo. Ïkioma mos ïxtokikana go maatïtuldaragai ix makïdï aagai go Suxi Kristo. Mai kia kïkibakai oidigi abhiadïrï ïxtokikana gobai.
Gin aaduñi, oidaga ïïmoko ix makïdï pokaiti sai aanï maiti ïr otosadï Suxi Kristo. Yaatagi gobai. Daiñi, mai tipu ïmai odami xorai gin tïanïdagi, mosïkaxi Suxi Kristo ïgai daidi ïr gin tïanïdamiga otosadïkatai aanï. Kïïga gï maatï sai aanï ïr otosadï ïgai tudu. Daiñi, aanï ïr nïijadami gïr Bhaitï Kïakamiga tudu dai aanïkïdï aatadui Diuxi sai buaboitudaiña aapimï ïpï. Aapimï tudu kïïga mamaaxidi ix namïga gin sïïrhikamiga buaboitudakai aapimï gin aatagi. Kaxkïdï kïïga maatï aapimï sai aanï ïr otosadï Suxi Kristo tomaxi jaa pokaitadagi sai maiti ïr buaboi.
Aanï ïr Pabora dai gïn otoxdi aanï idi ojai otosadïkatai aanï Suxi Kristo. Aanï ïr ïmo sïïrhikami biakami otosadïkatai Suxi Kristo tudu. Diuxi podukai ipïrhi kaxkïdï. Dai tami gin ïmadï daja Timoteo ix makïdï ïr gïr sukurhi Diuxi amadïrï ïpï dai gin soikïi gobai ibuadatai aanï idi ojai. Idi ojai ïr bïïtarï bïïxkatai aapimï buaboitudadami ix makïdï gïn ïmpaidiña ami Korintoïrï dai bïïxkatai go gaa buaboitudadami bïïtarï ix makïdï bïïxi aipako óídaga amïka Gresiïrï ïpï. Idi ojai ïr bïïxkatai aapimï gïn bïitarï ix makïdï ïr ïko bubaidadï Diuxi tudu. Ïmo biatuldaragai bïïxkatai aapimï gïn bïïtarï.
Gin aaduñi, ka bhaitoma ïmo buirugami dukai ñokai aanï mos ïï dudatai aagaitai aanï ixtumaxi ibuadana aanï. Dïï aapimï ïr gïn duñi ix podukai ñokai aanï. Ix kïïga ñokadamudai aapimï gin bïïtarï aidï gia maiti gï aagadamudai xi kïïga ñokadagi aanï ïïgi gin bïïtarï. Bia aanï xi ïïgi ñokadagi gin bïïtarï sai podukai maatïkagi aapimï sai buaboikïdï ïr otosadï aanï Suxi Kristo tudu. Go odami ix makïdï gïn tïtïïgidiña ñoki pokaitiña saidi kïïgioma ïr ojotosadï ïgai Suxi xi bhai aanï dai ix bhai tomax makïdï ïmai ïpï. Daiñi, kïïga ïr buaboi sai aanï maiti ïr ïmo gïdukami ixtumaxi namïakami. Dïï gia bïïxkïrï mai otïrhioma namïga aanï xi bhai ïgai ix makïdï gïn tïtïïgidiña ñoki.
Gin aaduñi, kabami gïn tïtïitoi aanï dai buamï in ïrhidi gïn bïïtarï. Kaxkïdï baasïki aidïxi ayi aanï Troasïrï maiti ipïrhi aanï xi ami biyagi. Mai bhai taadagatadai gin bïïtarï xi ami biyagi tudu tomaxi kïïga gin maatadai Diuxi oigaragai xi oijadagi aanï aaduindadï ami. Kïïga mui óídakami ami bhai aatadai ix kaïkagi gin ñoki tudu. Dïï gia tomaxi kïï imïitadai gin aaduindaga bïïxkïrï gïn tïgito aimïraitadai aanï kabami buamï in ïrhiditai gïn bïïtarï. Maiti gin ibhïxtakan taadatugaiña aanï kabami buamï in ïrhiditai gïn bïïtarï tudu. Dai nïnïrakatadai aanï go Tito xi ami dibiagi dai gin aagidagi ix maaxi daraka aapimï amïka Korintoana. Dïï modukai mai ayi ïgai xi kaxkïdï otoma diosagi aanï go óídakami ami Troasana dai jii aanï Masedoniamu nïnïaba iñagaitai go Tito.
Daiñi, aatïmï mai gïgïr tïtïanïdami dukai gïr aagaiña xïïxkadï gatïtïïgiadagi aatïmï ñoki. Gïn pipioñi dukai aatabuadana aatïmï bhaiyoma ibuadatai aaduindagai ix makïdï ïr soiñi aapimï gïn bïïtarï. Pobuayi aatïmï kïïga xadutuada rïrhiditai Suxi. Podukai mamaaxitudai aatïmï óídakami buitapi sai Suxi Kristo bïïxi adaama ïr Tïanïdami tudu.
Gin aaduñi Diuxi amadïrï ix makïdï Galasiïrï óídaga, aanï ïr Pabora dai gïn ojidi idi ojai dai aanï ïr otosadï Suxi Kristo. Gï agai xi maatïkagi aapimï sai tomarhi ïmo odami maiti gin maa gin sïïrhikamiga dai bhaiyoma Suxi Kristo ïmadï Diuxi gïr Oga ïgai dai gin maa. Ïgai tudu ix makïdï duakaturhi go Suxi Kristo ïgai dai gin maa gin sïïrhikamiga dai mai xu xi ïmai gin maa. Bia aanï ïmo sïïrhikami tudu. Dai idi ojai ix makïdï ibuayi aanï ïr bïïxi go buaboitudadami bïïtarï ix makïdï bïïxi aipakoga gïn ïmpaidiña amïka Galasiïrï. Aanï ïmadï bïïxi gin aaduñi Diuxi amadïrï ix makïdï tami gin ïmadï daraka bïïxi bhai aa sai gïn otosdiña aanï idi ojai.
Xibi aapimï ix makïdï maiti ïr judidiu kaxi kaïkana ix makïdï ïr buaboi. Kaïkana aapimï go bhai ïrhiaragai aatagi tudu. Dai xibi ka buaboitudai aapimï Suxi Kristo ïpï dai ka kïïgakïrï bubuaka aapimï. Xibi buaboitudakai aapimï gïn tïpaltu Diuxi gïn maakakai Diuxi Ibhïadï gïn abhana. Ka ïkiaxdïrï podukai agaitadai Diuxi ix otosa agaitadai Ibhïadï dai kaxkïdï otoi ïgai.
Suxi Kristo ïgai dai maa oidaragai aatïmï buaboitudadami bïïtarï tudu. Ïïmoko maa ïgai gubukarhigai saidi ïr Suxi ojotosadïkana. Dai jaa maa ïgai saidi ïr aagadamikana Diuxi ñokidï dai jaa saidi ïr aipako aituldiadamikana go bhai ïrhiaragai aatagi dai jaa saidi ïr nukadakamikana go gaa buaboitudadami dai maatïtuldiadami Diuxi ñokidï ïpï.
Bhaiga aapimï buaboitudadami Filipoïrï óídakami. Aanï ïr Pabora ïmadï Timoteo ix makïdï gïn otoxdi idi ojai pipioñigadïkatai aatïmï Diuxi. Idi ojai ïr bïïxkatai aapimï gïn bïïtarï ix makïdï ïr buaboitudadami dai bïïtarï go nunukadami buaboitudadami ami ïpï ïmadï soikïdadami buaboitudadami ïpï. Idi ojai ïr bïïxkatai aapimï gïn bïïtarï tudu ix makïdï bïïnaka Suxi Kristo dai ïr ïko bubaidadï Diuxi.
Aapimï gin aaduñi Diuxi amadïrï Kolosiïrï óídakami, aanï ïr Pabora dai gïn ojidi idi ojai. Gïn ojidi aanï aapimï tudu ix makïdï bïïnaka daraka Suxi Kristo dai ix makïdï mai dagitokatai buaboitudai Diuxi. Dai tami gin ïmadï daja gïr aduñi Timoteo ïpï ibuadatai aanï idi ojai. Gï agai sai maatïkagi aapimï sai bia aanï ïmo sïïrhikami otosadïkatai aanï Suxi Kristo Gïr Nukadakami. Diuxi ïgai dai ipïrhi sai biakana aanï gin sïïrhikamiga tudu. Dai aanï ïmadï Timoteo ipïrhidi sai maatï taatana aapimï xïï kïï tuiga Diuxi gïr Oga gïn bïïtarï. Dai ipïrhidi aatïmï sai gïn maakana ïgai ibhïxtaragai gïn ibhïdagïrï.
Diuxi gin maa ïmo sïïrhikami tudu saidi gïn pioñiga dukamikagi aanï aapimï buaboitudadami. Saidi ibuada aanï ixtumaxi ïr soiñi aapimï gïn bïïtarï tudu. Gin maa ïgai go sïïrhikami saidi kïïga gïn aituldana aanï go aatagi ix makïdï bia Diuxi bïïxi óídakami bïïtarï. Dai saidi mai gajiadïrï biagi aanï tomarhi ïmo ñoki gïn tïtïgiditai Diuxi ñokidï.
Daiñi, kïï maatï aapimï sai mai kia aïkai aatïmï ami xako daraka aapimï sai kabami soi gïr buididi jaa Filipoana aagaitai aatïmï go bhai ïrhiaragai aatagi. Podukai daibusai Filipoana tudu. Dai ami xako daraka aapimï muidukana gïr buidïrï bïïtïkami ïpï. Dïï bïïxkïrï mai duadimudakïdï aagaiña aatïmï go bhai ïrhiaragai aatagi ami gïr soikïitai Diuxi. Kaxkïdï kïï jii gïr aaduindaga.
Kïïga gïn tïgito aapimï ïrhi aanï xïï kabami aatadui aatïmï gïn ïmadï darakatai. Ga aatabuadana aatïmï tasïrï dai modukai tukarï sai biakana aatïmï ixtukïdï óídakagi dai mai xu ix aapimïañdïrï bui ixtumaxi gïn aagiditai go aatagi. Maiti ipïrhiditadai aatïmï ix soi gïn buadagi aapimï gïr maakaitai soiñi kaxkïdï.
Kaxkïdï gin maa sïïrhikami Diuxi ansaidi ïr otosadïkana sai bhodïrï maatïtulda aanï go óídakami ix tumaxi ïr buaboi ix makïdï maiti ïr judidiu. Sai aituldana aanï go bhai ïrhiaragai aatagi tudu. Diuxi ïr gïr kïïgakïrï bubiadamiga di dai ipïrhidi xi bïïxkatai óídakami kïïgakïrï bubuakiagi. Kaxkïdï gin maa ïgai go sïïrhikami ansaidi ïr otosadïkana. Buaboi aagai aanï tudu pokaititai sai Diuxi gin maa go sïïrhikami ansaidi ïr otosadïkana. Mai yaatagïi aanï tudu.
Bhaiga Tito. Aanï ïr Pabora ix makïdï gï otoxdi idi ojai. Pioñigadï aanï Diuxi ix makïdï gin maa ïmo sïïrhikami saidi ïr otosadïkana aanï Suxi Kristo. Aatabuayi aanï soiña iñïrhiditai buaboitudadami, kaxkïdï tudu Diuxi ïko bubaidadï ïgai. Soiña in ïrhidi sai kïïga buaboitudana ïgai. Kaxkïdï tïtïïgidiña aanï ixtumaxi ïr buaboi sai buaboitudaiña dai Diuxi maaxi tutiakana ïgai.
Daiñi, kïïga maatï aapimï sai Diuxi ïgai dai maa sïïrhikami go Aaron ïïki saidi ïr gabhaitïkïakamikana ïgai go dadaxdadami bïïtarï. Ïmo odami mai bhaiga xi ïïgi bhïiyagi go sïïrhikami xi bhaitï kïakami dadaxdadami dukai daibagi tudu. Gï agai xi Diuxi ïgai dai maakiagi go sïïrhikami bhaiyoma ïpïan dukai aidïxi ïïki maa ïgai sïïrhikami go Aaron.
Suxi Kristo tudu ïr go adaama kïïgadukïdï dadaxdadami ix makïdï bamioma kïï bhaiga ix gïr soikïdagi. Kïïga ïko daja ïgai go soimaaxkamiañdïrï tudu mai biakatai ixtukïdï gïpiïrï kaatïkagi. Kïï buañixi ïgai dai ka ïkobai daja ïgai soimaaxi ibuadamiañdïrï amïï tïbagiana dakatai ïgai. Dai bïïxi adaama bia ïgai xadutudaragai amïka tïbagiana dakatai ïpï.
Aanï ïr Santiago ix makïdï gïn ojidi idi ojai. Ïmo pioñigadï aanï Diuxi dai Suxi Kristo Gïr Nukadakami ïpï. Ïmo biatuldaragai bïïtarï bïïxkatai aapimï judidiu ix makïdï ïr buaboitudadami dai ix makïdï aipakoga mïïmïkaxi óídaga oidigi daama, aapimï ix makïdï ïr piipixaradï go bhaibuxtama dan goka maamaradï go Jakobokaru tudu.
Gin aaduñi, ka ayi sai aagadagi Diuxi xorai kïïga idui dai xorai mai kïïga idui. Dai ïpïgioma aagada agai ïgai ix bhai kïï idui aatïmï ix makïdï ïr aaduñdï. Aatïmï ix makïdï kïïgakïrï bubuakimi tudu. Poduña agai Diuxi aatïmïkïdï tudu. Dïï gia xïï kabami bïïtïka agai gobai go odami bïïtarï ix makïdï mai ïïgidi go bhai ïrhiaragai aatagi ix makïdï gïr maa Diuxi. Diuxi aagada agai ix bhai kïi idui ïgai ïpï dai ïgai mai buaboitu. Kabami bïïtïka agai gobai ïgai bïïtarï tudu.
Bhaiga gin aaduñi Diuxi amadïrï. Aanï ïr Ximuñi Piduru dai ïmo pioñigadï aanï Suxi Kristo otosadïkatai aanï ïgai. Gïn ojidi aanï aapimï ix makïdï buaboitudai ïpïandukai aatïmï ix makïdï ïr ojotosadï Suxi Kristo. Suxi Kristo ïr gïr Diuxiga dai gïr kïïgakïrï bubiadamiga. Kïïga buañixikami dukai dai kïïga sïïrhi aatadui ïgai dai podukai aatadunakai ïgai gïn ayi aapimï oigaragai ix kïïgakïrï bubuakiagi aapimï.
Bhaiga gin aaduñi Diuxi amadïrï. Aanï ïr Udaxi dai gïn ojidi idi ojai. Sukurhidï aanï Santiago dai ïmo pioñigadï aanï Suxi Kristo. Gïn ojidi aanï aapimï ix makïdï ïr ïko bubaidadï Diuxi gïr Oga. Aapimï ïr ix makïdï kïïga gïn oigïdai dai gïn nukadai Diuxi. Gïn nukadai ïgai urabakatai aapimï Suxi Kristo tudu.
Aanï ïr Juan dai oja idi libro pioñigadïkatai aanï Diuxi. Idi libroïrï oja aanï ïmo ñoki ix makïdï tïtïgidi Diuxi go Suxi Kristo. Tïtïgidi ïgai ïmo ñoki aagaitai ix tuma otoma daibuña agai tudu saidi go Suxi utioma gatïtïïgidiña ïgai go buaboitudadami xi ïgai maatïkana ixtumaxi daibuña agai ïpï. Gobai ïr go ñoki ix makïdï oja aanï idi libroïrï. Suxi Kristo otoi ïmo tïañikarudï xi ïgai gin tïïgi go ñoki pioñigadïkatai aanï Suxi.
Daidi bhodïrï go tïañikarudï Diuxi pobai in tïtïdai, —Kïïga ïr buaboi gobai bïïxi ixtumaxi kaï aapi dai nïidi. Gï agai xi buaboitudada aapi gobai— in tïtïdai ïgai. Diuxi Gïr Nukadakami ïgai dai aagidiña bïïxi go ñokituldiadamigadï ixtumaxi aagadagi ïgai. Dai xibi Diuxi otoi ïmo tïañikarudï sai tïïgidana ïgai go ñokituldiadamigadï ixtumaxi daibuña agai otoma. Kïïga ïr buaboi gobai tudu.
Dïï gia pobai in tïtïdai ïgai, —Cho— in tïtïdai. —Maiti pobuada. Aanï ïr gï ïpïan dukai di. Aanï ïpï mos ïr pioñigadï Diuxi ïpïan dukai aapi ïmadï bïïxi go gaa ñokituldiadamigadï Diuxi. Ïpïan ïï namïakami bïïxkatai ix makïdï ïïgida kaïkana idi libro tudu. Gï agai xi mosïkaxi Diuxi xadutuada aapi podukai bhaiyoma— in tïtïdai.
ကြော်ငြာတွေ