Mataibo 9:8 - Northern Tepehuan Bible

⁸ Dai bïïxkatai go odami nïidi dai ka mai tïtïgaitadai ix dukatai gïn tïtïïgitoagi daidi ikaitimi, —Xïïxi ïr gïïdukami Diuxi dai gïr otoxi ïmo kïïrhi kïïga biakami gubukarhigai— ikaitimi go odami.

Tepehuan Northern: Diuusi ñiooquidʌ utuducami oodamicʌdʌ

⁸ Aidʌsi tʌʌ ʌoodami imaasi, aliʌ duduaadimu dai siaa duutuli Diuusi, maacacai ʌgai guvucadagai ʌmo cʌʌli.

Mataibo 9:8 ပူးပေါင်းရင်းမြစ်များ

Mataibo 12:23

Dai bïïxi go odami ami mai tïtïgaitadai ixtumaxi gïn tïtïgitoagi nïiditai. Daidi ikaitiña, —¿Bhai ix go Suxi ïr go pipiixaradï go Rey Dabidkaru? ¿Ïgai ix ïr go otosadï Diuxi dai ix makïdï nïnïraka aatïmï ïïki abhiadïrï?— ikaitiña go odami.

Mataibo 15:31

Daidi go odami nïidi xïï kïïga ajiopai ix makïdï chuchuekogatadai dai ix makïdï mai bhaigakatadai aimïradagi ïpï. Dai nïidi ïgai ïpï ix ka ñokai ïgai ix makïdï mai bhaigakatadai ñokiagi dai ix makïdï mai nïadatadai ka kïïga nïayi ïpï. Dai mai tïtïgaitadai go odami ixtumaxi gïn tïtïgitoagi nïiditai gobai. Daidi ikaitiña ïgai, —Xïïxi ïr gïdukami Diuxigadï go judidiu dai pomaaxi ibuayi— ikaitiña ïgai.

Mataibo 28:18

Dai ami buidïrï ayi Suxi go mamaatïrdamigadï daidi potïtïdai, —Ka bhïiyi aanï ïmo sïïrhikami dai bïïxi adaama ïr Tïanïdami aanï tami oidigi daama dai mïï tïbagiana ïpï.

Mataibo 5:16

Ïmo kudakarui dukai aapimï tudu buitapi óídakami. Dai kaxkïdï aanï aagai sai gï agai sai kïïga maaxiko dukai óídakagi aapimï ibuadatai ixtumaxi ïr kïïga óídakami buitapi. Podukai go óídakami gïn tïgito nïijadamu ix dukatai óídaga aapimï. Dai maatï nïijadamu ïgai sai Diuxi gïr Oga ix makïdï tïbagiana daja ïgai dai gïn soikïi sai podukai óídakagi aapimï dai kïïga ñokadamu óídakami Diuxi bïïtarï nïiditai gobai— itïtïdai.

Mataibo 9:7

Daidi go kokoadï otoma bañi dai bhïiyi baakoxigadï dai nora kiidïrï.

Markos 2:12

Dai go odami ka mai tïtïgaitadai ix dukatai gïn tïtïïgitoagi daidi ikaitimi, —Xïïxi ïr gïïdukami Diuxi. Tomarhi ïmo imidagai mai nïidiña aatïmï go maaxi— ikaitimi odami.

Markos 7:37

Dai bïï mai tïtïgaiña odami ixdukatai gïn tïtïgitoagi daidi ikaitimi, —Bïïxi aïkatai kïïga ibuayi go Suxi. Asta ix makïdï mai tïtïkaidakana tïtïkaidatudai dai ix makïdï mumudu ñokitudai ïgai— ikaitiña odami.

Lukas 13:13

Dai taata ïïkadïkïdï bai otoma sïïrhi kïkiba go oki dai aagai xïïxi ïr gïdukami Diuxi.

Lukas 17:15

Dai ïmadutai ïgai ix makïdï ïr Samarhiïrï oidakami maatï tïï ix ka duayi dai aa gïi dai gïgïr ñokai dai aagai xïïxi ïr gïdukami Diuxi. Mïï ayi ïgai buidïrï go Suxi dai dïbïrapi kuiki ïïkasodï sonoana dai aagidi ïmo Diuxiatanamїidaragai.

Lukas 17:18

—Mosïkaxi idi Samariañdïrï oidakami ïgai dai dibia dai kïïga ñoo Diuxi bïïtarï aagaitai xïïxi ïr gïdukami Diuxi di— itïtïdai.

Lukas 18:43

Dai mos po tïkai Suxi go ix makïdï mai nïadatadai ka nïnïaba bii. Dai oi ïgai go Suxi dai aagaimi xïïxi ïr gïdukami Diuxi. Dai jaa mui odami aagaimi ïpï xïïxi ïr gïdukami Diuxi tïïgakai go ix ka nïayi go kïïrhi.

Lukas 2:20

Daidi aa surhi go paxtuturu dai boiyïrï ganïïjimi ïgai aagaitai xïïxi ïr gïdukami Diuxi. Gïn tïgitotadai ïgai bïïxi ixtumaxi nïidi ïgai dai ixtumaxi kaï. Kaxkïdï tudu bïïxi pobï gï duitadai ix dukatai aagiditadai go tïtïañikarudï Diuxi.

Lukas 23:47

Dai kapitañigadï go sandadaru ami darakïdï kïïga ño Diuxi bïïtarï daidi itïi, —Agia ïr buaboi sai idi kïïrhi maiti ïr soimaaxi idukami— itïi ïgai nïiditai ixdukatai pogïduitadai.

Lukas 7:16

Daidi tïïgakai go odami ix go Suxi duakaturhi go mukiadï duduadimu dai aagaimi xïïxi ïr gïdukami Diuxi. Go odami ikaititadai aidï sai, —Kaxi ti gïr saagida ayi ïmo ñokituldiadamigadï Diuxi kïïga gubuakami. Dai xibi kaxi gïr urhiñdi Diuxi soiñi soi gïlda gïr nïiditai maamaradïkatai aatïmï— ikaititadai go odami.

VUAANA 15:8

Dai odami potïimu saidi ïr gïdukami Diuxi nïiditai ixtumaxi iduñimu Diuxi aapimïkïdï. Gobai ix makïdï iduñimu Diuxi aapimïkïdï ïr gïn ibhiadï gï dukami ka agai. Dai gokïdï odami maatï nïijadamu sai aapimï buaboikïdï ïr aanï gin mamaatïrdamiga nïiditai ix tuma duñimu Diuxi aapimïkïdï— itïtïdai.

Hechos 11:18

Daidi go buaboitudadami Jerusalenïrï ka mai bui ñiño kaïkai aatagidï Piduru. Bhaiyoma bhai gïn ïldan kaiti ïgai Diuxi bïïtarï daidi ikaiti, —Kaxi ti maa Diuxi oigaragai go ix makïdï maiti ïr judidiu ïpï sai ka ïma dukai gïn tïtïgitoagi ïgai dai kïïgakïrï óídakagi— ikaiti go judidiu.

Hechos 21:20

Daidi ix makïdï ami darajatadai bhai ïrhiarakïdï ño Diuxi bïïtarï kaïkai aatagidï Pabora. Daidi go bhaitï gukakami itïtïdai aidï, —Mos ïr ïmo aadunumï aatïmï ïmadï aapi Pabora mos ïgai baa buaboidaragai biakatai. Dai kïïga maatï aapi xïï mui mirhi judidiu buaboitudai xibi ïpï— itïtïdai. —Dïï gia ïïmoko go judidiu mai bhai gïn ïrhidi aapikïdï. Daiñi, bïïxkatai go judidiu buaboitudadami pokaitiña sai gï agai xadutuadagi sïïrhikamigadï Moiseskaru.

Hechos 4:21

Daidi go dudunukami ka mai tïtïgaitadai ixtukïdï gïpiïrï surhigiagi go Piduru ïmadï Juan dai mos aagidi sai soimaaxi taatatulda agai ix apia aagada ïgai go Suxi. Dïï aidïpïrï ïbhïiditadai ïgai ix soimaaxi duiñdagi. Pobïnïrhidi ïgai sai ñokada antaada go odami aidï. Bhaitoma bïïxi go odami kïïga ñokaitadai Diuxi bïïtarï nïiditai ix ka duayi go kokoadï ka biakatai ïgai bhaibitukami gokobhai umigi. Kaxkïdï go dudunukami mos ïbhïki go Piduru ïmadï Juan dai dagito sai iimïna.

2 Korintios 9:13

Daiñi, xïïxkadï aapimï kïïga mai tudadan dukai gamaakadagi soiñi jaa, gïn tïgito nïijadamu go jaa sai buaboikïdï ïïgidi aapimï go bhai ïrhiaragai aatagi. Maatï nïijadamu ïgai sai aapimï kïïga ïïgidi go bhai ïrhiaragai aatagi ix makïdï aagaiña aapimï aipakoga aagaitai Suxi Kristo tudu. Gïn tïgito nïijadamu ïgai xïï kïïga mai tudayitai gamamaakai aapimï soiñi dai kïïga ñokadamu ïgai Diuxi bïïtarï nïiditai gobai tudu.

Galatas 1:24

Daidi go odami aagaiña xïïxi ïr gïdukami Diuxi kajiomakai ïgai ix tuma dui Diuxi aanïkïdï.

1 Pedro 2:12

Gïn tïgitobïrai sai go óídakami ix makïdï mai buaboitudai gïn tïgito nïidiña ix dukatai óídaga aapimï. Kaxkïdï abïr kïïga ibuada bïïxi aïkatïrï. Podukai tomaxi gïpiïrï gïn bupada ïrhiadagi jaa mai tïïgimu ïgai ixtukïdï. Dai xïïxkadï aagagi Diuxi ix bhai kïï idui óídakami aidï gia go ix makïdï gïpiïrï gïn bupaitadai biakamu xi aagadagi sai kïï idui aapimï. Dai aidï gia kïïga ñokadamu ïgai Diuxi bïïtarï ïpï nïiditai xïï kïïga ibuadana aapimï gïn soikïitai Diuxi.