Mataibo 9:26 - Northern Tepehuan Bible

²⁶ Pogïdui tudu. Daidi gokiïrï bïïxi go aipako óídakami máí go gïdukami maaxidaragai ix makïdï idui Suxi ami duakatuldakai ïgai go arhi oki.

Tepehuan Northern: Diuusi ñiooquidʌ utuducami oodamicʌdʌ

²⁶ Dai vʌʌsi aipacoga sicoli oidacami maí istumaasi ʌpʌdui.

Mataibo 9:26 ပူးပေါင်းရင်းမြစ်များ

Mataibo 4:24

Dai bïïxi aipadïrï óídakami kajioma ix tuma buadana Suxi dai gamoko ajiopaiña xako daja ïgai. Asta go Siriañdïrï óídakami bïïxi kajioma ïpï. Dai go óídakami aipadïrï naana maaxi kokokoñiadï buapaiña ami. Buapaiña ix makïdï biakana diabora tïtïañikarudï dai ïmadï ix makïdï susuikiturhiga dai ïmadï ix makïdï mai oiñïiña tukugadï ïpï. Dai Suxi duduadaiña bïïxkatai ïgai.

Mataibo 9:31

Dïï gia go kïkïïrhi mai ïïgidi dai bhaiyoma ka bubuakïkai ïgai abhiadïrï sai aipakoga aagaiña gobai. Daidi bïïxi óídakami ami munisipiïrï máí ix tuma duitadai Suxi.

Markos 1:28

Dai otoma ayi go aatagi bïïxi Galileïrï óídakami ix maaxi aatabuayi go Suxi.

Markos 1:45

Dïï mos go kïïrhi mai ïïgi dai mos jii dai bhaiyoma otoma aagidimi bïïxi óídakami ix dukatai pogïdui. Dai xibi ka maiti ixtui Suxi ix baakiagi kiiyïrï saagida mos ïï muidukatai ix makïdï nïijada ïrhiditadai. Mos ugidïrï aimïraiña ïgai xako mai tipu óídakami. Dai modukai bïïxkïrï muidutai aipadïrï ajiopaiña dai ajïiña xako aimïraiña ïgai.

Markos 6:14

Bïï aipako aagaiña odami go Suxi dai asta go gïï Rey Erodïxi tïgidukami kajioma ïpï dïï mai maatïkana xorai ïgai. Dai mui odami ikaitiña aagaitai go Suxi, —Ïgai ïr go Juan ix makïdï bapakonadami aagaiña odami. Go Rey tïjai muaragai dai xibi kaxi gï duakatu ïgai ïpamu kaxkïdï gïïdukami bia gubukadagai abhana dai gïïgïrï ibuayi aaduindagai ix makïdï odami maiti ixtutuidikïi ix ibuadagi— ikaitiña.

Lukas 4:14

Dai Suxi gaatabuadatadai Diuxi Ibhïadï gubukarhigadïkïdï dai jii ïpamu Galileamu. Dai go óídakami ami aipakoga aagaiña go Suxi aidï. Dai aipakoga aïjïiña Suxi kikiupaigadïrï go judidiu ami Galileïrï dai gamamaakaiña aatagi óídakami. Dai bïïxi go óídakami aagaiña xïï kïï tuiga Suxi.

Lukas 4:37

Podukai aatagaiña go odami aagaitai go Suxi aidï. Dai go aatagi ayi bïïxi aipakoga ami oidigïrï.

Lukas 5:15

Dïï tomaxi Suxi aagidi go kïïrhi sai mai aagaiña ixtumaxi dui bïïxkïrï aagaiña ïgai. Dai go odami bïïx tasai bamioma aagaiña go Suxi aipakoga. Dai sïïrhikïdï mui odami gïn ïmpaidiña aidï xako dakagi ïgai kaïka ïrhiditai aatagidï dai ipïrhiditai ïpï sai duduadana ix makïdï kokoadïkagi.

Lukas 7:17

Dai bïïxi aipakoga ami xakoga Judeana tïgidu oidigi dai asta maigobioma lachi ïpï ayi go aatagi aagaitai ix Suxi duakaturhi ïmo mukiadï.

Hechos 26:26

—Tami daja go Rey Agripa tudu, gobai kïïga maatï sai buaboi aagai aanï. Gobai ix makïdï daibusai Suxikïdï maiti pogïdui xako odami mai nïijadagi. Daidi go Agripa kïïga maatï ixdukatai pobï gï dui. Kaxkïdï mai duadimukatai ñokai aanï gobai buitapi— ikaiti.