Mataibo 9:22 - Northern Tepehuan Bible

²² Dai gokiamako nïnïaba go Suxi daidi potïtïdai, —Bhai gï ïrhiada aapi oki. Ka kïïga buaboitu aapi dai kaxkïdï ka duayi aapi— itïtïdai. Dai mos potïkai Suxi otoma duayi go oki.

Tepehuan Northern: Diuusi ñiooquidʌ utuducami oodamicʌdʌ

²² Dʌmos ʌSuusi gooquiamaco nʌnʌava daidʌ itʌtʌdai ʌooqui: ―Baigi gʌʌliada giñmara giñvaavoitu aapi cascʌdʌ dueeyi ―astʌtʌdai. Dai aidʌ todian duucai ʌooqui dueeyi.

Mataibo 9:22 ပူးပေါင်းရင်းမြစ်များ

Mataibo 15:28

Daidi Suxi potïtïdai, —Agia kïïga aagai aapi oki. Kïïga buaboitudai aapi tudu— itïtïdai. —Ka busaimu go Diabora tïañikarudï ix makïdï gï maara ïrana dajatadai— itïtïdai. Dai aidïpïrï ka kïïga duayi maradï go oki.

Mataibo 17:18

Dai bhagaidi Suxi go tïañikarudï go diabora ix makïdï ïrana dakatadai go gïïrhi dai otoma busai ïgai dai ka duadixikami bii go kokoadï.

Mataibo 8:13

Daidi bhodïrï potïtïdai Suxi go tïanïdami sandadaru, —Ka bhaiga aapi xi noragiagi ïpamu. Kaxi gin buaboitu aapi xi kaxkïdï pogïdui gï pioñi gïïrhi ixdukatai aagai aapi gin buaboidaitai— itïtïdai. Dai kaduku aidïxi potïi Suxi kaduku duayi go pioñi.

Mataibo 9:2

Dai go óídakami ïmo baakoxiana buapi ïmo kïïrhi ix makïdï mai oiñïitadai tukugadï. Daidi gï tïgito nïidi Suxi xïï kïïga buaboitudai ïgai ami buapakai ïgai go kokoadï daidi potïtïdai ïgai go kokoadï, —Maiti soi gïlda aapi kïïrhi— itïtïdai. —Kaxi gï oigïrhi aanï bïïxi go soimaaxkami ix makïdï ibuadana aapi— itïtïdai.

Mataibo 9:29

Daidi taata Suxi bupuidï go kïkïïrhi daidi potïtïdai, —Po gï duñimu ixdukatai buaboitudai aapimï— itïtïdai.

Markos 10:52

Daidi go Suxi potïtïdai aidï, —Ka bhaiga aapi pïx imiagi— itïtïdai. —Kïï buaboitu aapi kaxkïdï ka duayi gï nïadaga— itïtïdai. Mos potïi go Suxi tai go kïïrhi nïnïaba dai ka mos boiyamu oi ïgai go Suxi.

Markos 5:34

Taidi Suxi potïtïdai go oki, —Sogigi aapi— itïtïdai. —Gin buaboitu aapi kaxkïdï duayi. Xibi imïdañi dai mai buamï ïrhiatuda, ka maiti gï oidamu ïpamu go kokodagai— itïtïdai Suxi go oki.

Lukas 17:19

Daidi bhodïrï potïtïdai ïgai go ix makïdï duayitadai, —Kïkibañi aapi kïïrhi dai imiñi xako imi agaitadai aapi. Ka buaboitu aapi di dai kaxkïdï ka duayi aapi— itïtïdai.

Lukas 18:42

Dai Suxi potïtïdai, —Nïidañi tudu. Kaxi gin buaboitu aapi dai kaxkïdï ka nïnïaba aapi— itïtïdai.

Lukas 7:50

Daidi Suxi potïtïdai go oki, —Kïïga buaboitu aapi dai kaxkïdï ka kïïgakïrï gï busaitu Diuxi. Ka maiti buamï ïrhiada aapi tudu— itïtïdai.

Lukas 8:48

Daidi Suxi potïtïdai aidï, —Aapi oki, kïïga in buaboitudai aapi kaxkïdï kïïgakïrï busai aapi. Xibi ka mai buamï ïrhiada aimïrada aapi— itïtïdai.

VUAANA 4:53

Daidi go dunukami gï tïgito sai go ka duku Suxi potïtïdaitadai sai maradï ka duayitadai ix kaxkïdï go dunukami ïmadï bïïxkatai kiidïrï óídakami buaboitu go Suxi.

Hechos 14:9

Dai ïgai dakatai kaïkatadai aatagidï Pabora. Daidi go Pabora gï tïgito tïï ix buaboitu ïgai ix Diuxi ixtutuidikïi xi duadiagi.

Hechos 16:18

Mui tasai mos pobuayi ïgai dai tïbïpikïdï ojogi Pabora mos kaïkatai dai ajako kïkiba daidi bhagaimi go diabora tïañikarudï ix makïdï arhi oki ïrana dakatadai, —Suxi Kristo gubukadadïkïdï an gï aagidi pïsai busaiña go okiañdïrï— itïtïdai. Mos potïi ïgai dai otoma busai go diabora tïañikarudï.