Mataibo 9:17 - Northern Tepehuan Bible

¹⁷ —Dai podukai ïpï xadïrï sudadana odami ïmo ogi tukayu kïrhiñdadïrï utudui bino. Ix pobuadagi ïgai aidï gia gokiïrï kopi antaada go ogi tukayu dai bïïxi aaxta antaada go bino. Daiñi, go utudui bino gï susudadai utudui tutukayuïrï. Podukai mai xïbuayi tomarhi go bino dai tomarhi go ogi tutukayu ïpï— itïtïdai.

Mataibo 9:17 ပူးပေါင်းရင်းမြစ်များ

Mataibo 9:16

Dai oi Suxi go aatagidï dai potïtïdai ïgai go odami, —Xadïrï dadaxdana odami ïmo ikuxi utudui ïmo ikuxi kïrhiñdadïrï. Go utudui ikuxi arhidutuda antaada dai asta bamioma sarañi antaada xako gï dadaxdi gobai tudu— itïtïdai.

Mataibo 9:18

Kia mesa buidïrï dakatadai Suxi aidï dai kia gamamaakaitadai aatagi bai ami dibia ïmo kïïrhi ix makïdï biakatadai ïmo sïïrhikami kiupaigadïrï go judidiu. Ami ayi ïgai dai tootonakïdï kïkiba buidïrï Suxi daidi potïtïdai, —Utudami ugidagai gin maara oki. Dïï gia buaboitudai aanï sai ix mïï taatagi aapi gï ïkakïdï, kïïga duakatuda antaada ïpamu— itïtïdai.

Markos 2:22

—Dai go bino ïpï xudu yoobikagi kia maiti gï susudadai gobai ogi tutukayu kïkïïrhiokoidadïrï. Go ogi tutukayu arhiï gakïrïi dai kaapaturïi. Tadu tapai gobai dai bïï aaxi go bino— ikaiti. —Go bino yoobikami uutudui tutukayu abïr bïïtarï— ikaiti Suxi. Suxi ipïrhiditadai xi odami mai saagida bhïiyagi Suxi buaboidaradï ïmadï jaa buaboidaragai. Ïjïkobai ïgai kaxkïdï.

Lukas 5:37

Daidi aagai ïgai ïpï ïmo maaxidaragai daidi potïtïdai, —Xadïrï sudadana odami ïmo kïrhiñdadï ogi baigakaruana utudui bino. Ix poduñagi ïgai aidï gia kopi antaada go ogi baigakaru kïrhiñdadï dai bïïxi aaxtamu go bino dai xatuidi antaada ïmadï modukai go baigakaru.

Lukas 5:38

Go bino utudui gï susudadai utudui baigakaruana bhaiyoma.