Mataibo 8:22 - Northern Tepehuan Bible

²² Daidi Suxi potïtïdai, —Cho— itïtïdai. —Daiñi, gï oga kia ïr mukiadï duu ibhïadï. Kaxkïdï dagitoñi go aaduñdï ix makïdï koidadï duu ibhïadï ïpï sai yaasana. Dai aapi mos sai gin oijada— itïtïdai.

Tepehuan Northern: Diuusi ñiooquidʌ utuducami oodamicʌdʌ

²² Taidʌ ʌSuusi aa noragi daidʌ itʌtʌdai: ―Giñoidañi dai dagito vai ʌgai ismaacʌdʌ ʌrʌpan ducami coidadʌ maitiñʌʌgiditai yaasana gʌncoidadʌga ―astʌtʌdai ʌSuusi.

Mataibo 8:22 ပူးပေါင်းရင်းမြစ်များ

Mataibo 8:21

Dai mai kia tïtïsai ïgai barkoana bai ïpï ïmai mamaatïrdamigadï Suxi potïtïdai, —Gin Tïanïdamiga, gï oijada in ïrhidi aanï dïï gin maakañi oigaragai kia xi imïdagi aanï gin kiiyamu. Mïï kiiyana biiya in ïrhidi kia asta xïïxkadï mukiagi gin oga. Dai asta yaasakai aatïmï aidï gï oijadamu aanï— itïtïdai.

Mataibo 9:9

Bhodïrï bhaitïkioma jii Suxi dai daibusai xako kïïka ïmo kii. Dai ami darajatadai gubukadagai bipiakami dai gataanïitadai ïgai kuota go iimïdami. Dai ami tïï Suxi ïmo tanïdami kuota Mataibo tïgidukami. Dai Suxi potïtïdai, —Gin oidañi aapi kïïrhi— itïtïdai. Daidi go Mataibo oton oi go Suxi.

Markos 2:14

Bhodïrï bhaitïkioma jii Suxi dai nobai daibuskimi ïgai xako kïïka ïmo kii dai ami darajatadai gubukadagai bipiakami dai gataanïi kuota go iimïdami. Dai Suxi tïï ïmo tanïdami kuota Lebi tïgidukami xi ami dakatadai. Alfeo maradï ïgai. Dai Suxi potïtïdai aidï, —Gin oidañi aapi kïïrhi— itïtïdai. Taidi Lebi oton oi go Suxi.

Lukas 15:24

Ka mukiadï ïrhiditadai aanï idi in maara di. Dai xibi tami duakakami kïïka. Xibhï imiadïkatadai gobai dai xibi ka tïï aatïmï ïpamu— itïtïdai go kïrhiodami go pipioñi daidi idui bagimi.

Lukas 15:32

Dïï gia xibi ka dibia gï sukurhi. Aatïmï ïmo mukiadï ïrhiditadai dai xibi ka duakatu. Xibhï imiadïkatadai ïgai dai xibi ka tïï aatïmï ïpamu. Kaxkïdï gï agai xi bagimituda aatïmï di— itïtïdai.

Lukas 9:59

Dai potïtïdai ïgai ïmai kïïrhi, —Gin oidañi— itïtïdai. —Ïjï gin mamaatïtuldiadamiga dïï mai kia— itïtïdai go kïïrhi. —Gokiïrï xïïxkadï ka mukiagi gin oga dai yaasagi aanï aidï gia gï oijadamu aanï— itïtïdai.

Lukas 9:60

Daidi Suxi potïtïdai, —Dagitoñi sai ix makïdï koidadï gïn duduna iibhïadï sai ïgai yaasana aaduñdï xïxkadï koiyagi. Aapi kïïrhi ix gin oijada ïrhiada aapi gï agai gï agai xi aipako aagadagi xïï kïïga gatïanïi Diuxi— itïtïdai.

VUAANA 1:43

Xadiko Galileamu imi agai Suxi dai no xibhï tïï ïgai go Pirhi. Go Pirhi ïr Betsaidïrï oidakami ïmadï go Andïrïxi dai Piduru. Dai Suxi potïtïdai go Pirhi tïïgakai, —Gin oidañi— itïtïdai.

VUAANA 21:19

Potïtïdai Suxi aagiditai ixdukatai gï agaitadai ix mukiagi go Piduru. Dai podukai mukukai go Piduru sai maaxituda agai xïïxi ïr gïdukami Diuxi. Dai bhodïrï Suxi itïtïdai, —Gï agai tudu ix apia gin urabakagi aapi— itïtïdai.

VUAANA 21:22

Daidi go Suxi itïtïdai, —Ix ipïrhiadagi aanï ix kia oidakagi gobai asta xïïxkadï ïpamu dibia aanï, gokïdï maiti gï agai ix buamï ïrhiada aapi. Aapi mos sai gin urabaka— itïtïdai.

Efesios 2:1

Ïkioma ïr koidadïkana gïn iibhïdaga soimaaxi buadatai aapimï. Mai ïïgidiña aapimï Diuxi kaxkïdï.

Efesios 2:5

Kaxkïdï tomaxi ïr koidadïkatadai gïr iibhïdaga ïkioma soimaaxi buadatai aatïmï bïïxkïrï Diuxi gïr duakaturhi Suxi Kristo ïmadï. Diuxi gia kïï tuiga tudu dai kaxkïdï kïïgakïrï gïr bubaitu ïgai.

Efesios 5:14

Kaxkïdï odami ikaitiña, —Nïñiñi aapi kosokami Daidi bañigi koidadï saagidañdïrï ka duakakai Baidi Suxi Kristo gï kudaidana— ikaitiña odami.

Kolosenses 2:13

Gin aaduñi, ïkioma ïko darakatadai aapimï Diuxiañdïrï. Koidadï dukaikana aapimï Diuxi bïïtarï tudu soimaaxi ibuadamikatai aapimï. Aidï kia biakatadai gïn ïïkidadï tïgibudagai soimaaxkïdï. Mai kia maigobai dasakatadai gobai gïn ibhïdagaiñdïrï aidï. Dïï gia tomaxi pomaaxkatadai aapimï bïïxkïrï Diuxi gïn oigïrhi bïïxi gïn soimaaxkamiga dai gïn duakaturhi bïïnakai aapimï Suxi Kristo.

1 Tomoteo 5:6

Dïï gia maiti gï agai xi soikïdagi aapimï bipiudu ix makïdï adaimïiña ïïgi bhai ïrhiaradï. Ïgai ïr koidadï dukai ibhïgadï tomaxi tukugadï kia duakaka maaxi.