Mataibo 28:10 - Northern Tepehuan Bible

¹⁰ Dai Suxi potïtïdai, —Maiti abïr duduadikuda aapimï oki. Mïïka abïr aagida gin aaduñi sai iimïna Galileamu. Ami gin tïigimu ïgai— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹⁰ Tai ʌgai itʌtʌdai: ―Maitavʌr duduaadicuda. Iimivurai dai mʌʌ aagida giñaaduñi vai iimʌna Galileeamu dai ami giñtʌʌgimu ʌgai ―astʌtʌdai.

Mataibo 28:10 ပူးပေါင်းရင်းမြစ်များ

Mataibo 14:27

Dïï gia Suxi potïtïdai, —Gïn kabakadabïrai go duadimudagai buidïrï gin aaduñi. Aanï an ïr Suxi. Maiti abïr duduadikuda tudu— itïtïdai.

Mataibo 25:40

Dai potïdamu aanï ïgai, —Daiñi— tïdamu aanï. —Kïïga soikïiña aapimï jaa buaboitudadami. Soikïiña aapimï asta go buaboitudadami ix makïdï bamioma mai tïanïi tudu. Dai bïïxi aïkatai ixtumaxi ix makïdï idui aapimï soikïitai ïgai, bïïxi gobai aanï podukai nïidi sai aanï in bïïtarï iduitadai aapimï. Gobai kïïga ïr buaboi tudu. Po tïdamu aanï go buaboitudadami Reygadïkatai aanï— itïtïdai Suxi go odami.

Mataibo 25:45

Dai potïdamu aanï, —Idi ñoki ix makïdï gïn aagidamu aanï kïïga ïr buaboi. Daiñi, aidïxi maiti ipïrhi aapimï xi soikïdagi ïmadutai gin aaduñi, dai mai xudu tomaxi go bamioma mai tïanïdamikagi ïgai, ix maiti ipïrhi aapimï xi soikïdagi ïgai aanï podukai nïidi xi maiti ipïrhi aapimï xi gin soikïdagi tudu— tïdamu aanï.

Mataibo 26:32

—Dïï gia gokiïrï iimimu aapimï Galileamu dai aanï kaxi gïn bhaitïki imimu ka duakatukai aanï ïpamu— itïtïdai Suxi.

Mataibo 28:16

Dai bhodïrï go bhaibuxtama dan ïmoko mamaatïrdami iji Galileamu dai ayi ïmo gidiana xako aagiditadai Suxi sai gamo iimïna ïgai.

Mataibo 28:5

Daidi go tïañikarudï Diuxi ñokidi go oki ix makïdï ami dadatadai daidi potïtïdai, —Maiti abïr duduadikuda. Kïï maatï aanï sai gaagai aapimï ïgai ix makïdï kuruxiana gï xixatu. Gaagai aapimï go Suxi tudu— itïtïdai.

Mataibo 28:7

Dai ka nïidakai aapimï abïr otoma mïï aagida go mamaatïrdamigadï. Aagidabïrai sai ka duaka ïgai tudu dai sai bhaitï imïi ïgai Galileamu. Ami Galileana tïigimu aapimï. Kaxi gïn aagidi aanï xako tïïgimu aapimï tudu— itïtïdai.

Mataibo 28:9

Dai kia boiyamu imïi ïgai baidi Suxi buidïrï ayi dai biaturhi, —Bhaiga— itïtïdai. Dai go oki boopoi dai mïï buidïrï kuiki dai taata ïïkasodï dai idui ïmo xadutudaragai ïgai bïïtarï ami.

Markos 16:7

—Mïïka abïr aagida go Piduru ïmadï go gaa mamaatïrdamigadï Suxi. Aagidabïrai sai go Suxi gïn bhaitïki imi agai Galileamu. Ami tïïgimu aapimï, podukai gïn tïtïdai ïgai di— itïtïdai.

VUAANA 20:17

Daidi go Suxi itïtïdai, —Maiti bhïbhïda gin tukuga, mai kia tïsai aanï mïïka xako daja gïr Oga— itïtïdai. —Bhaiyoma imi dai mïï aagida gin mamaatïrdamiga sai ka imïda iñagai aanï mïïka xako daja Diuxi gin Oga. Aagidañi sai Diuxi gin Oga ïr aapimï gïn Diuxiga dai aapimï gïn Oga ïpï— itïtïdai.

VUAANA 6:20

Dïï Suxi itïtïdai, —¡Maiti abïr duduadikuda! Aanï an ïr Suxi— itïtïdai.

Romanos 8:29

Diuxi ka ïkiaxdïrï maatïkatadai xorai aatïmï daidi ïr ïko bubaidadïka agai. Dai ïgai dáí sai aatïmï ïpïamaaxkana gï maara Suxi Kristo. Podukai Suxi Kristo bïïxi adaama ïr namïakami dai muidu aatïmï ix makïdï ïr susukurhidï.