Mataibo 26:55 - Northern Tepehuan Bible

⁵⁵ Dai bhodïrï ñokidi Suxi go mui odami ix makïdï ami dadatadai bhïiya agaitai. Daidi potïtïdai ïgai, —¿Ix tuixi bhïï ajiopai aapimï mamaaxtai dai uxi?— itïtïdai. —¿Ïmo ïxibugami xi aanï tudu xi kaxkïdï podukai gin bhïiyi aapimï? Daiñi, bïïx tasai gïn ïmadï dakana aanï amïka go gïï kiupaigadïrï judidiu dai ami gamaamakaiña aanï ñoki. Kïï bhaigakatadai aapimï xi ami gin bhïiyagi.

Tepehuan Northern: Diuusi ñiooquidʌ utuducami oodamicʌdʌ

⁵⁵ Amaasi ʌSuusi itʌtʌdai ʌoodami: ―¿Tuimʌsi dada aapimʌ dai vuucati uusi dai mamaastai? ¿Dai tuimʌsi giñbʌʌquia agai ducami siaanʌ ʌrʌmo ʌʌsivogamicagi? Vʌʌs tasai gʌnsaagida daacana aanʌ ʌgʌʌ quiuupaigadʌrʌ judidíu dai gʌnmamaatʌtuldiña Diuusi ñiooquidʌ mʌtai tomali ʌmo imidagai maimaisapicami giñbʌi.

Mataibo 26:55 ပူးပေါင်းရင်းမြစ်များ

Mataibo 21:23

Dai bhodïrï jii Suxi ïpamu gamo go gïï kiupiana Jerusalenïrï dai ami gamamaakaitadai ïgai aatagi. Dai ami dada chïki tïtïanïdamigadï go dadaxdadami ïmadï jaa bhaitï gukakamigadï go judidiu. Dai potïtïdai ïgai go Suxi, —¿Baadïrï bhïiyi aapi sïïrhikami dai aadaji aapi go gaagaradami tami kiupiañdïrï takabo? ¿Borai gï aagidi pïsai pomaaxi iduna?— itïtïdai.

Mataibo 26:47

Kia ñokaitadai go Suxi taidi ami dibia go Udaxi. Ïgai ïr ïmoko go bhaibuxtama dan goka mamaatïrdamigadï Suxi. Dai jaa mui odami oiditadai go Udaxi ïpï dai bukati mamaaxtai dai uxi. Ojotosadï ïgai go tïtïanïdamigadï go dadaxdadami ïmadï jaa bhaitï gukakamigadï go judidiu.

Markos 10:1

Bhodïrï Suxi jii abhiadïrï Kapernaumañdïrï dai ayi basadïrï go gïï aki Jordan tïgidukïdï xako Judea tïgidu oidigi. Dai ami ïpï gïn ïmpagi mui odami xako dajatadai Suxi bai ïgai maa aatagi. Podukai ibuadana ïgai bïï aipakoga.

Markos 12:35

Bhodïrï ïmo imidagai go Suxi gamaakaitadai ñoki odami. Kiupaigadïrï judidiu dajatadai ïgai daidi ikaiti, —¿Ix dukatai maaxi gobai dai go maatïtuldiadami sïïrhikami aagai Diuxi otosadï gïr bhaitï kïakami dai Dabid pipiixaradï aagai ïgai?

Lukas 19:47

Dai bïïx tasai gamamaakaitadai Suxi aatagi ami kiupiïrï. Dai go tïtïanïdamigadï go dadaxdadami ïmadï go tïtïgiadami sïïrhikami dai go bhaitï gukakamigadï go judidiu bïïxi gaagaitadai ixdukatai muagi

Lukas 20:1

Dai ïmo imidagai sai go Suxi gatïtïïgiditadai ñoki odami ami go gïï kiupiana. Ga aiturhitadai ïgai go bhai ïrhiaragai aatagi tudu. Bai go tïtïanïdamigadï go dadaxdadami ïmadï go tïtïgiadami sïïrhikami ïmadï bhaitï gukakamigadï go judidiu ami ayi buidïrï go Suxi

Lukas 4:20

Dai amaxi kuu Suxi go libro dai ïpamu maa go tïanïdami kiupai dai ïpamu daiba. Dai bïïxkatai ix makïdï ami daraka apia nïnïidi go Suxi.

VUAANA 7:14

Dai aidïxi kia biïgatadai tajukami ix ugitiagi go bagimi sai baa go Suxi go gïï kiupiïrï mïï Jerusalenïrï dai gamaa ñoki.

VUAANA 7:28

Dai Suxi gïïgïrï ño go gïï kiupiïrï dakatai dai potïtïdai go odami, —Aapimï po bïnïrhidi mïxi kïïga gin maatï xorai aanï dai xajadïrï dibia aanï ïpï, dïï maiti gin maatï aapimï. Daiñi, mai xu mos ipïldakai dibia aanï. Ïmai gin otoi bhaiyoma dai aapimï mai maatï xorai ïgai. Go makïdï gin otoi tomarhi ïmo imidagai mai buirumadai odami

VUAANA 8:2

Dai xadiko mos maaxiko oidigi ïpamu jii ïgai go gïï kiupiamu Jerusalenïrï dai mui óídakami gïn ïmpagi bai Suxi daiba ami dai gamaa ñoki.

VUAANA 8:20

Go Suxi podukai maa ñoki go gïï kiupiana kïakatai ami go tuminxi bhai tuakaruïrï dai bïïxkïrï maiti gï bhïitu. Mai kia ayitadai ixtuigako gï bhïitudagi ïgai kaxkïdï.