Mataibo 26:45 - Northern Tepehuan Bible

⁴⁵ Dai ka dibiakai ïpamu sai potïtïdai ïgai go mamaatïrdamigadï, —¿Kia mïx bïïtï dai kokoso? Nïnïababïrai tudu, aanï ïr Diuxi otosadï ix makïdï ïmo kïïrhi busai dai ka ayi kaduku xi gin tïgitotulda iñagai aanï go soimaaxi ibuadami.

Tepehuan Northern: Diuusi ñiooquidʌ utuducami oodamicʌdʌ

⁴⁵ Amaasi ʌpamu ii ʌgai siaaco daraajatadai ʌmamaatʌrdamigadʌ daidʌ itʌtʌdai: ―Siviavʌr gia coocosi daidʌ gʌniibʌsta. Casiat aayi mʌsiuu duucu giñtʌʌgida agai aanʌ ismaacʌdʌ viaa ʌmo sʌʌlicami. Giñtʌʌgida mʌaagai soimaasi ivuaadami.

Mataibo 26:45 ပူးပေါင်းရင်းမြစ်များ

Mataibo 26:18

Daidi Suxi potïtïdai, —Iimibïrai nobai Jerusalenana dai ami tïïgimu aapimï ïmo kïïrhi, dai bïrai aagida sai aanï ix makïdï ïr go Mamaatïtuldiadami kaxi gïn aagidi sai ka miadaimi ix tuigako gin muatuda iñagai aanï. Aagidabïrai sai ami kiidïrï gaugimu aanï go Kïïgakïrï Bubaidaragai kuadagai aapimï gïn ïmadï, aapimï gin mamaatïrdamiga— itïtïdai.

Mataibo 26:2

—Kïïga maatï aapimï sai ka miadimi go kïïgakïrï bubaidaragai bagimi mos arhi goka tasai bii ix aiyagi gobai tudu. Dai amaxi bagimiana gin tïïgida aagai ïmoko go dudunukami baidi ïgai gin tïañi agai muaragai kuruxiana aanï ix makïdï ïr go otosadï Diuxi dai ïmo kïïrhi busai tudu— itïtïdai.

Mataibo 26:44

Dai bhodïrï ïpamu jii Suxi dai aataga Diuxi ïmadï dai ïpamu aagidi sai bhai aagai ïgai saidi gï duna ixdukatai Diuxi bhai ïrhidi xi iduñagi.

Mataibo 26:46

Bapaigibïrai, timïda. Kaxi bhodïrï imïi ix makïdï gin tïïgida agai tudu— itïtïdai Suxi.

Markos 14:35

Bhodïrï bhaitï jii ïgai lïïchi dai ami kopurhi boi dïbïrapi. Kaxi miadaimitadai go kaduku xi ïgai taata agai ïmo gïïdukami soi ïrhiaragai dai daanïi ïgai Diuxi sai ïgai maigobai dasana.

Lukas 22:53

Bïïx tasai gïn ïmadï dakana aanï go gïï kiupiana di. Kïï bhaigakatadai aapimï xi ami gin bhïiyagi tudu— itïtïdai. —Dïï maiti gin taata aapimï ami. Dai xibi gia ka ayi xuduku xi gïn maa oigaragai Diuxi xi gin bhïiyagi. Dai ka maa ïgai ïpï go diabora oigaragai ix makïdï tukapi dukai gatïanïi— itïtïdai.

VUAANA 12:23

Dai Suxi itïtïdai ix makïdï ami darakatadai aidï, —Kïï maatï aapimï sai ïmo ïxtokai tïrhigi gï agai ix gï yaasapikagi dai ïbogiami podukai yaasapikatai iporïi gobai dai mumuidarïi. Dai pomaaxi aanï ïpï. Daiñi, Aanï bia ix mukiagi sai podukai Diuxi maaxitudagi xïïxi ïr gïdukami aanï ix makïdï kïïgakïrï odami busai— itïtïdai.

VUAANA 12:27

Daidi bhodïrï Suxi itïtïdai go odami, —Ka karhioga mukiada antaadaga aanï soi ïrhiarakïdï— itïtïdai. —Kïïga maatï aanï sai gin aji agai ïmo gïdukami soi ïrhiaragai. ¿Dïï mos dukatai potïdana aanï gin Oga sai mai dagitona ix gin ajiagi gobai? Tomax dukai bia aanï ix taatagi go soimaaxi. Ka pomaaxiïrï dibia aanï di— itïtïdai Suxi.

VUAANA 13:1

Dai bhodïrï ka karhioga ayitadai go Kïïgakïrï Bubaidaragai Bagimi dai kïïga maatïkatadai Suxi sai ka miadaimitadai ix imiagi ïgai tami oidigi damaiñdïrï dai aiyagi xako daja Ogadï. Dai kïïga oigïdaitadai ïgai mamaatïrdamigadï dai xibi iduña agai ïmo maaxidaragai ix maatïka gobai xïï kïïga oigïdai.

VUAANA 17:1

Dai taiyakoga nïnïaba Suxi tïbagiamakoga ka kugaidakai aatagidï daidi itïtïdai ïgai Diuxi, —Gin Oga, ka ayi ix tuigako soimaaxi taatagi aanï dai mukiagi— itïtïdai. —Gï maara aanï dai xibi ipïrhidi aanï ix gamaaxitudagi aapi odami buitapi xïïxi ïr gïdukami aanï mukukai aanï, nai aanï maaxituldagi xïïxi ïr gïdukami aapi ïpï.