Mataibo 25:45 - Northern Tepehuan Bible

⁴⁵ Dai potïdamu aanï, —Idi ñoki ix makïdï gïn aagidamu aanï kïïga ïr buaboi. Daiñi, aidïxi maiti ipïrhi aapimï xi soikïdagi ïmadutai gin aaduñi, dai mai xudu tomaxi go bamioma mai tïanïdamikagi ïgai, ix maiti ipïrhi aapimï xi soikïdagi ïgai aanï podukai nïidi xi maiti ipïrhi aapimï xi gin soikïdagi tudu— tïdamu aanï.

Tepehuan Northern: Diuusi ñiooquidʌ utuducami oodamicʌdʌ

⁴⁵ Siaanʌ gʌʌ raí aa noragidamu daidʌ itʌʌdamu: “Ismaacʌdʌ gʌnaagidi aanʌ ʌrvaavoi tomastumaasi cʌʌgaducami ismaacʌdʌ maitidui aapimʌ govaavoitudadami vʌʌtarʌ tomasi maisi gʌaagai goovai gomaasi maitidui aapimʌ aanʌ giñvʌʌtarʌ”, potʌtʌadamu aanʌ.

Mataibo 25:45 ပူးပေါင်းရင်းမြစ်များ

Genesis 12:3

Bhodïrï Gïr Nukadakami itïtïdai, —Aanï soiñamu xorai kïï gï buidadagi dïï daitudamu aanï soi ïrhiaragai abhana xorai mai kïï gï buidadagi. Dai xorai gï buidïrï surhigiagi aanï aadïrï daitudamu soi ïrhiaragai buidïrï ïpï. Dai aapikïdï urhiñamu aanï soiñi bïïxi oidigi dama oidakami bïïtarï— itïtïdai Gïr Nukadakami go Abram.

Mataibo 10:41

—Gin aaduñi, kïï maatï aapimï sai Diuxi mamaakai maitïki go ñiñokituldiadamigadï. Dai xi ïïgiadagi aapimï ñokidï ïmo ñokituldiadamigadï Diuxi maatïkatai sai Diuxi bïïtarï ñokai ïgai aidï gia aapimï ïpï buimu maitïki ïpï ïpïan dukai ïgai. Dai pomaaxi ïpï xïïxkadï ïïgiadagi aapimï ïmo buaboitudadami maatïkatai sai kïïga buañixi ibhïadï. Ix ïïgiadagi aapimï ïgai aidï gia buimu aapimï maitïki ïpïan dukai ïgai ïpï.

Mataibo 25:40

Dai potïdamu aanï ïgai, —Daiñi— tïdamu aanï. —Kïïga soikïiña aapimï jaa buaboitudadami. Soikïiña aapimï asta go buaboitudadami ix makïdï bamioma mai tïanïi tudu. Dai bïïxi aïkatai ixtumaxi ix makïdï idui aapimï soikïitai ïgai, bïïxi gobai aanï podukai nïidi sai aanï in bïïtarï iduitadai aapimï. Gobai kïïga ïr buaboi tudu. Po tïdamu aanï go buaboitudadami Reygadïkatai aanï— itïtïdai Suxi go odami.

Mataibo 25:44

Bai ïgai ix makïdï maiti gin buaboitudai pobai gin tïdamu, —¿Bïkidï gï nïidi aatïmï ix bhiugimukatadai aapi xi ïpï xi tonomokatadai xi ïpï xi mïkaxikïdï imïdamikatadai aapi dai xi ïpï xi mai yukusukatadai xi ïpï xi kokokatai aapi xiïpï gï maixakatai aapi? ¿Bïkidï gï nïidi aatïmï podukai dai maiti ipïrhi xi gï soiñagi?— gïn tïdamu ïgai ix makïdï mai buaboitudai.

Mataibo 25:46

Dai ix makïdï potïdagi aanï ka maigobai iimïda agai xako bïïxkïrï bïïtarï taata agai gïgïbidaragai. Dïï gia ix makïdï kïïga buañixi iibhïadï gia iimimu xako kïïgakïrï óídaka agai bïïxkïrï bïïtarï— itïtïdai Suxi go mamaatïrdamigadï.

Hechos 9:5

—¿Borï aapi tïanïdami?— ikaiti Saulo aidï. Daidi go tïbagiañdïrï ñoki ikaiti, —Aanï ïr Suxi— ikaiti. —Dai soi gin buayi aapi— ikaiti go ñoki.

1 Korintios 8:12

Daiñi, ix sobhidagi ïmoko sukurhidï buaboidaradï kaxi soimaaxi ibuayi buidïrï dai soimaaxi ibuayi Suxi Kristo buidïrï ïpï.