Mataibo 25:44 - Northern Tepehuan Bible

⁴⁴ Bai ïgai ix makïdï maiti gin buaboitudai pobai gin tïdamu, —¿Bïkidï gï nïidi aatïmï ix bhiugimukatadai aapi xi ïpï xi tonomokatadai xi ïpï xi mïkaxikïdï imïdamikatadai aapi dai xi ïpï xi mai yukusukatadai xi ïpï xi kokokatai aapi xiïpï gï maixakatai aapi? ¿Bïkidï gï nïidi aatïmï podukai dai maiti ipïrhi xi gï soiñagi?— gïn tïdamu ïgai ix makïdï mai buaboitudai.

Tepehuan Northern: Diuusi ñiooquidʌ utuducami oodamicʌdʌ

⁴⁴ Amaasi ʌgai povaiñtʌtʌadamu: “Tʌaanʌdami, ¿vʌquidʌ biuugimu aapi, dai tonomu, dai gʌrdiviji, dai maiyuucusu, dai cooco, dai maisapicatadai simaitʌ soi aatʌmʌ?” povaiñtʌtʌadamu ʌgai.

Mataibo 25:44 ပူးပေါင်းရင်းမြစ်များ

Mataibo 10:41

—Gin aaduñi, kïï maatï aapimï sai Diuxi mamaakai maitïki go ñiñokituldiadamigadï. Dai xi ïïgiadagi aapimï ñokidï ïmo ñokituldiadamigadï Diuxi maatïkatai sai Diuxi bïïtarï ñokai ïgai aidï gia aapimï ïpï buimu maitïki ïpï ïpïan dukai ïgai. Dai pomaaxi ïpï xïïxkadï ïïgiadagi aapimï ïmo buaboitudadami maatïkatai sai kïïga buañixi ibhïadï. Ix ïïgiadagi aapimï ïgai aidï gia buimu aapimï maitïki ïpïan dukai ïgai ïpï.

Mataibo 25:43

Dai mïï ayi aanï xako óídagatadai aapimï dai aapimï maiti gin miadïgidi maiti gin maatïkatai aapimï. Mai yukusukatadai aanï dai aapimï maiti gin maa yukuxi ïpï. Kokokatadai aanï dai maixakaruana dakatadai aanï dai maiti gin dadiji aapimï ïpï. Po tïdamu aanï tudu— itïtïdai Suxi.

Mataibo 25:45

Dai potïdamu aanï, —Idi ñoki ix makïdï gïn aagidamu aanï kïïga ïr buaboi. Daiñi, aidïxi maiti ipïrhi aapimï xi soikïdagi ïmadutai gin aaduñi, dai mai xudu tomaxi go bamioma mai tïanïdamikagi ïgai, ix maiti ipïrhi aapimï xi soikïdagi ïgai aanï podukai nïidi xi maiti ipïrhi aapimï xi gin soikïdagi tudu— tïdamu aanï.

Mataibo 5:6

—Dai aapimï ix makïdï kabami ipïrhidi sai kïïga buañixikagi gïn ibhïdaga, aapimï kïïga bia aapimï ïmo bhai ïrhiaragai ïpï. Kïïga gïn maakimu Diuxi ixtumaxi aagai aapimï. Buañixikami gïn biamu ïgai tudu— itïtïdai.

Mataibo 7:22

Xïxkadï mïïka gin buitapi gukibagi ïgai dai aagamu aanï xorai kïï idui dai xorai mai kïï idui, aidïpïrï mui óídakami pobai gin tïdamu sai, —Gin tïanïdamiga, ¿Mai ix aagidiña aatïmï ñoki jaa aagaitai gï tïtiaraga, dai bubaidiña aatïmï tïtïañikarudï go diabora dai ibuadana aatïmï naana maaxi maaxidaragai ïpï? Bïïxi gobai ibuadana aatïmï aagaitai gï tïtiaraga— gin tïdamu ïgai aidï.

Lukas 10:29

Daidi go tïtïgiadami Moises sïïrhikamigadï ïmo saitudakami ñokadami busia ïrhidi daidi potïtïdai ïgai go Suxi, —Pokaiti aapi sai bia aanï xi oigïadagi gin aaduñi. Kaxkïdï gin aagidañi xorai ïgai daidi ïr gin aaduñi. ¿Xorai bia aanï xi oigïadagi tudu?— itïtïdai.