Mataibo 25:41 - Northern Tepehuan Bible

⁴¹ Dai bhodïrï ñokidamu aanï ïgai ix makïdï gin ogixapadïrï gukaka agai, ix makïdï mai buaboitudai tudu. Dai potïdamu aanï, —Iimibïrai aapimï tabhiadïrï. Diuxi mai kïïgakïrï gïn nïidi tudu. Iimibïrai xako bïïxkïrï bïïtarï mïïkana táí, xako bhai dui Diuxi gïgïbidaragai bïïtarï go diabora ïmadï tïtïañikarudï. Gamo abïr iimi tudu.

Tepehuan Northern: Diuusi ñiooquidʌ utuducami oodamicʌdʌ

⁴¹ Amaasi aanʌ gʌʌ raí, itʌʌdamu ʌgai ismaacʌdʌ giñoogisa padʌrʌ guuca: “Iimʌdavurai aapimʌ tabiaadʌrʌ Diuusi maicʌʌgacʌrʌ gʌnnʌidi aapimʌ, iimʌdavurai siaaco tomastuigaco mʌʌcana taí, mʌʌca siaaco baidui Diuusi ʌDiaavora vʌʌtarʌ dai ʌDiaavora tʌtʌaañicarudʌ vʌʌtarʌ:

Mataibo 25:41 ပူးပေါင်းရင်းမြစ်များ

Mataibo 13:40

—Daiñi— itïtïdai. —Po gï duña agai tudu karhioga ugiti agaitai oidigi ix dukai gï ïmpaidi go basoi dai gï mïi gobai.

Mataibo 13:42

Ïmpaidamu ïgai dai maigobai bubiadamu abhiadïrï xako gatïanïi aanï dai surhigimu ïgai ïmo daxdakaruïrï xako kabami mïjïi táí. Ami susunïdamu ïgai dai kïrïndamu ïgai taatamudï mos ïï kabami soimaaxi taatamaitai.

Mataibo 13:50

dai go gïï oroñiïrï surhigimu ïgai xakoga kabami mïjïi táí. Ami susuanïda agai ïgai dai kïkïrïnda agai taatamudï soimaaxi taatamaitai— itïtïdai.

Mataibo 18:8

—Gïn aagidamu aanï ïmo maaxidaragai ñoki sai maatïkana aapimï xïï kabami gï agai sai maigobai dasagi toma tumaxi ix makïdï gïn abïnakiadagi sai soimaaxi ibuada aapimï dai podukai gïpiïrï gï daitudagi. Daiñi, gï agai sai maigobai daasagi aapimï tomax tumaxi ix makïdï soimaaxi gïn duiñturhiadagi dai gïpiïrï gïn surhidagi tomaxi ïr gïn ïkakagi gobai xiïpï ix gïn ïkasokagi ïpï. Xi gïpiïrï gïn daitudagi gobai gï agai sai guikutagi aapi dai maigobai daitudagi tudu. Dai xi ïr gï bujikagi ix makïdï gïpiïrï gï daitudagi gï agai sai busaidagi aapimï. Xioma ïr kïïga xi mai ïkakagi aapimï xiïpï sai mai ïkasokagi xiïpï sai mai bujikagi ïpï dïï gia sai kïïgakïrï oidakagi aapi bïïxkïrï bïïtarï. Maiti gï agai tudu sai kïïga biakagi aapimï gobai dai imiagi go gïï taiyïrï dai ami taatagi aapimï gïgïbidaragai bïïxkïrï bïïtarï— itïtïdai.

Mataibo 25:42

Aidïxi bhiugimukatadai aanï aapimï maiti gin bhii, dai aidïxi tonomokatadai aanï maiti gin oidi aapimï sudagi ïpï.

Mataibo 25:46

Dai ix makïdï potïdagi aanï ka maigobai iimïda agai xako bïïxkïrï bïïtarï taata agai gïgïbidaragai. Dïï gia ix makïdï kïïga buañixi iibhïadï gia iimimu xako kïïgakïrï óídaka agai bïïxkïrï bïïtarï— itïtïdai Suxi go mamaatïrdamigadï.

Mataibo 3:12

—Gïn aagidamu aanï ix duñimu ïgai odami— itïtïdai. —Daiñi, ïpïan duñimu ïgai ïmo kïrhibadami tïrhigi. Kïïga gaboixikai ïgai go tuixiki xako gakïrhiba ïgai go tïrhigi. Dai ïmpaidi ïgai go tïrhigi dai bhai tuayi dïï go kosadï gobai gia taiyïrï surhigai ïgai. Podukai iduñimu ix makïdï nïnïraka aapimï tudu. Ka bhai gï duu ïgai xi ïko bubaidagi jaa odami dai jaa taiyïrï surhiga agai xako tomarhi ïmo imidagai mai tutukui tai— itïtïdai.

Mataibo 4:10

Daidi Suxi potïtïdai, —Imïdañi tabhiadïrï aapi diabora— itïtïdai. —Diuxi ojadï ikaiti sai, Mosïkaxi Diuxi Gïr Nukadakami buidïrï gï agai xi oigïda ñokada aatïmï dai xadutuada podukai— itïtïdai.

Mataibo 5:22

Potïtïdai Diuxi go óídakami ïïki tudu. Dïï gia aanï aagai xibi sai tomaxi mosïkaxi bhamukagi ïmo odami buidïrï ïmai kaxi ïr gïpiïrï kaatïkami ïpï dai go dudunukami maaki agai gïgïbidaragai. Dai xi ïmo odami pokaitadagi sai ïmai odami maiti ïr soiñi gokïdï kaxi gïpiïrï kaatïkami bipiïyi ïgai ïpï dai biakamu xi baan kïkibagi dudunukamiana sai aagana ïgai ix tuma gïgïbidaragai biaka agai ïgai. Dai xi ïmo odami buirugami aagagi ïmai odami kaxi ïr ajïakami xi taatagi ïgai gïgïbidaragai go gïï taiyïrï— itïtïdai Suxi.

Mataibo 7:23

Dïï gia potïdamu aanï aidï sai, Maiti ïr gin aaduñi aapimï. Tomarhi ïmo imidagai maiti ïr gin aaduñikatadai aapimï tudu. Ka maiti gïn nïijada in ïrhidi soimaaxi ibuadamikatai aapimï. Potïdamu aanï tomaxi dudatai Tïanïdami gin aagaiña ïgai— itïtïdai Suxi go odami.

Lukas 13:27

Dïï gia Diuxi pobai gïn tïdamu aidï, —Kaxi aant gïn aagidi ansai mai maatï xajadïrï óídakami aapimï. Iimibïrai aapimï tabhiadïrï. Soimaaxi ibuadami aapimï di— gïn tïdamu Diuxi.

Lukas 16:24

Daidi gïgïr iñakidi go gï bidakïdï go Abraamkaru daidi potïtïdai, —Aapi kïrhiodami Abraam, soi gïlda in nïida dai aagida go Lasaro sai sudaïrï badaidiña masabigadï dai sai bhaigobai dibiana dai ïbogidana gin nïïnï. Ka arhiï soi taatamaiña aanï tami idi taiyïrï— itïtïdai.

VUAANA 8:44

Aapimï ïr maamaradï go diabora di— itïtïdai. —Dai ojoidi aapimï ix buadagi ixtumaxi ïgai ipïrhidi. Ïgai tukamïrï abhiadïrï mos ïr gamuakamikana dai buidïrï kaatïkamikana ïgai ixtumaxi ïr buaboi. Ïïgi pomaaxi tuigakami ïgai ix kaxkïdï yaatagïi ïgai. Ïgaiñdïrï tudu daibïi bïïxi go yaatagi— itïtïdai.

2 Tesalonicenses 1:7

Go gaa soimaaxi gïn taatamiturhi dïï Diuxi gïn maakai ïmo ibhïxtaragai gïn ibhïdagïrï. Dai gokiïrioma gïr maakimu ïgai ibhïxtaragai bïïxkatai aatïmï buaboitudadami xïïxkadï gï maaxitudagi Suxi Gïr Nukadakami dibiakai ïgai tïbagiañdïrï. Amaxi dibiamu ïgai ïmadï tïtïañikarudï kabami gupukami dai ïmadï imïdamu ïmo táí kabami gubuakami ïpï.

2 Tesalonicenses 1:9

Ïkobai darasamu ïgai go ix makïdï mai buaboitudai Diuxiañdïrï bïïxkïrï bïïtarï. Ami mai nïijadamu ïgai tomarhi ïmo imidagai xïï xigiamaaxi gubukarhigadï Diuxi. Podukai soi taatamituldamu ïgai.

Hebreos 6:8

Dïï gia ïmo dïbïriana xi bubuakïdagi go ïïgi sïïxidakami ïmadï basoi aidï gia ka maiti ïr soiñi gobai. Dai go tuidakami go dïbïrai kïïga mïidada antaada dai bïïxi naato xia buadagi gobai. Daiñi, dïbïrai ix makïdï pomaaxkagi otoma gï mïmïituldaiña gobai ïmadï modukai go ïxikami dai bïïxi xia gï buayi gobai. Gobai ïr ïmo maaxidaragai bïïtarï soimaaxi ibuadami tudu ix makïdï biakamu gïgïbidaragai.

2 Pedro 2:4

Daiñi, Diuxi mai oigïrhi go tïtïañikarudï ix makïdï soimaaxi iduitadai ïïki dai bhaiyoma maigobai surhi ïgai tïbagiañdïrï mïï taana go gïï dïgakana xako kabami tukamuga. Ami nïnïraka ïgai sai Diuxi maakana go gïgïbidaragai ix makïdï ajïga ïgai soimaaxi ibuadamikatai ïgai tudu.

1 Juan 3:10

Podukai gï maatï xorai ïr maamaradï Diuxi dai xorai ïr maamaradï go diabora. Odami ix makïdï mai oijadagi ixtumaxi ïr sïïrhi dai mai oigïadagi aaduñdï ïgai mai urabaka Diuxi tudu.