Mataibo 25:15 - Northern Tepehuan Bible

¹⁵ Kïïga maatïkatadai ïgai pipioñigadï ix makïdï kïïga gïn tïgitoka dai kaxkïdï bamioma tïïgi ïgai tuminxi ïïmoko. Nukaturhi ïgai taama mirhi tuminxi ïmoko dai ïmai gomirhi dai ïmai maa ïgai ïmo mirhi maatïkatai ïgai xïï kïïga gïn tïgitoka ïgai bïïxkatai. Dai bhodïrï bhïiyi ïgai boi dai mïkaxi jii.

Tepehuan Northern: Diuusi ñiooquidʌ utuducami oodamicʌdʌ

¹⁵ Ʌmoco maa ʌgai taama mil piisu, dai ʌgʌmai goo mil, dai ʌgʌmai ʌmo mil. Ʌʌpʌgadagʌ siooma saituduga cascʌdʌ vaamioma mui maa ʌgai tumiñsi daidʌ ʌgaa siooma maisastuduga cascʌdʌ vaamioma chiichiʌqui maa ʌgai tumiñsi. Dai ii ʌgai ʌmai dʌvʌʌriamu.

Mataibo 25:15 ပူးပေါင်းရင်းမြစ်များ

Mataibo 18:24

Utudama gï aaga ataga agai ïgai ïmadï pipioñigadï dai bhai duña agai ïgai ïmadï ïjïkobai ix dukatai aa namïida agai. Dai ami go rey buidïrï gï kïsatu ïmoko go pipioñigadï ix makïdï buaturhi sïïrhikïdï mui tuminxi. Mai bhaigakatadai ïgai xi bïïxi nato aa namïidagi toma xïï tïbïpi oidakagi ïgai mos ïï muidu buaturhiditai ïgai.

Mataibo 21:33

Daidi bhodïrï potïtïdai Suxi go dudunukami, —Gïn tïgito abïr kaïka idi maaxidaragai aatagi ix makïdï gïn aagidamu aanï— itïtïdai. —Ïmo imidagai ïmo kïïrhi biakatadai ïmo dïbïrai dai ami ïi ïgai kïïga mui tutukami uba dai kïïga kuraratu ïgai. Dai bhodïrï idui ïgai ïmo gïï dagibuñakarui uba xako busaidagi baragadï. Dai kïi ïgai ïmo baaki kïïga tïkabakami ami ïpï sai abhiadïrï gï nukadana go ïxikami. Dai ka bhai gï dunakai gobai sai tajukamikïdï nukaturhi ïgai jaa odami dai bhodïrï mïkaxi jii.

Lukas 12:48

Dïï gia ix makïdï mai kïï ibuadagi mai maatïkatai ixtumaxi aagai amudï, ïgai ïr ajïakami ix taatagi gïgïbidaragai ïpï dïï mai xiu go kaxi. Pomaaxi aatabuayi Diuxi tudu. Daiñi, xi gïïpi maakiagi ïgai ixtumaxi ïmo pioñigadï aidï gia go pioñi gï agai xi gïïpi aa noraidagi gokiïrï. Pomaaxi tudu xorai Diuxi gïïpi nukatuldagi ixtumaxi— itïtïdai Suxi go Piduru.

Efesios 5:33

Dïï go ñoki mai xu mosïkaxi aagadankaiti Suxi Kristo ïmadï aatïmï buaboitudadami. Aagadankaiti gobai aapimï kïkïïrhi ïpï dai gïr maatïturhi gobai sai gï agai xi oigïada aapimï gïn oñiga ïpïan dukai xi gïn oigïdai ïïgi aapimï. Dai podukai aapimï oki ïpï gï agai xi xadutuadagi gïn kukuna ïpï.