Mataibo 25:12 - Northern Tepehuan Bible

¹² Dai go ix makïdï ka onta agai tukabiadïrï potïtïdai, —Maiti an gïn maatï dai maiti gïn maakimu aanï oigaragai xi gïr urabagi aapimï— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹² Sai ʌgai aa noragi daidʌ itʌtʌdai: “Maitanʌnmaatʌ”, astʌtʌdai ʌgai ―tʌtʌdai ʌSuusi.

Mataibo 25:12 ပူးပေါင်းရင်းမြစ်များ

Mataibo 25:11

—Dai laachkïdï ami dada go gaa aarhi oki daidi kidigañdïrï ñokidi ïgai ix makïdï kaxi onta agai daidi potïtïdai, —Aapi kïïrhi gïr kupiokidañi go kuuparagai dai gïr maaka baakigai— itïtïdai.

Mataibo 25:13

Daidi bhodïrï potïtïdai Suxi go mamaatïrdamigadï sai, —Po ikaidaga go maaxidaragai aatagi aagaitai xïxkadï dibiamu aanï ïpamu tudu. Dai kaxkïdï gï agai sai kïïga bhai gïn dukagi aapimï ïpïan dukai go aarhi oki ix makïdï gia kïïga gïn tïgito. Aanï ïr Diuxi otosadï ix makïdï ïmo kïïrhi busai dai mai maatï aapimï xuduku dibiamu aanï ïpamu. Kaxkïdï gï agai sai kïïga bhai gïn dukagi aapimï— itïtïdai.

VUAANA 10:27

—Ix makïdï ïr gin sosoiga kañiñiru gia kïïga ïïgida kaïkana gin ñoki dai kïïga maatï aanï gin sosoiga dai ïgai gin ïmadï ajiopaiña.

VUAANA 9:31

Kïïga maatiga maaxi sai Diuxi kïïga kaïkana daanïitai ïgai ix kaxkïdï ixtui ix gin duadiagi. Xadïrï kaïkana Diuxi odami ix makïdï soimaaxi ibuadana di. Mosïkaxi kaïkana Diuxi odami ix makïdï kïïga xadutudai dai kïïga ïïgidi.

1 Korintios 8:3

Dïï gia Diuxi kïïga ïïmadai odami ix makïdï oigïdai Diuxi. Dai gobai gïïpi ïr soiñi ïpï.

Galatas 4:9

Dïï xibi gia kïïga maatï aapimï Diuxi, xiïpï bamioma kïïgadu ix tïiyagi aanï sai Diuxi ïgai dai kïïga gïn maatï bhaiyoma. Kaxkïdï ¿ix tuixidï ïpamu buaboituda ïrhidi aapimï sai bamioma kïïga gïn nïijadamu Diuxi ïïgiditai aapimï naana maaxi sïïrhikami dai ïïgiditai naana maaxi tïgibudagai ïkidadï ix makïdï maiti ïr soiñi?

2 Timoteo 2:19

Dïï gia tomaxi oidaga odami ix makïdï aatagai ixtumaxi maiti ïr soiñi bïïxkïrï Diuxi ñokidï gia ïr buaboi dai mai ïmapïbuayi. Ïmo simiento dukai kïï kabakami Diuxi ñokidï gïr buaboidaraga bïïtarï. Diuxi ñokidïkïdï tudu kïï kabakami kïïka go buaboidaragai ix makïdï gïr maa Diuxi. Dai ami Diuxi ñokidïrï ikaiti sai, —Diuxi maatï xorai ïr maamaradï— Dai, —Odami ix makïdï pokaitadagi sai buaboitudai Diuxi gï agai ix gajiadïrï biagi go soimaaxkami— ikaiti Diuxi ñokidï.