Mataibo 24:9 - Northern Tepehuan Bible

⁹ —Daiñi, bïïxi go naana maaxi ñokadami ix makïdï oidaga oidigi daama gïn kïïdada agai gin aaduñikatai aapimï. Dudunukamiïrï baan gïn tutusadamu ïgai xi go dudunukami soi gïn buidadamu dai gïn kodamu.

Tepehuan Northern: Diuusi ñiooquidʌ utuducami oodamicʌdʌ

⁹ Dai amaasi ʌoodami tʌʌgidamu ʌvaavoitudadami dudunucamiʌrʌ mʌsaidʌ gʌʌgʌna dai coodana. Dai vʌʌsi oidigi daama oidacami cʌʌdadamu giñvaavoitudaitai ʌgai.

Mataibo 24:9 ပူးပေါင်းရင်းမြစ်များ

Mataibo 22:6

Dai jaa bui go ojotosadï go Rey dai soi dodai dai koi.

Mataibo 23:34

—Daiñi, gïn otosdamu aanï ñiñokituldiadamigadï Diuxi dai gïn otosdamu aanï odami ix makïdï kïïga bia tïgibudagai dai jaa ix makïdï gïn tïtïïgiadamu Diuxi ñokidï ïpï. Dai kodamu aapimï ïïmoko kukuruxiana xixakai. Sïïrhikïdï oomarhiga aapimï kaxkïdï. Dai jaa baan tutusamu aapimï judidiu kikiupaigadïana dai gïgïbimu aapimï ikixanaikïdï. Aadaimu aapimï ïgai aipakoga go gïgïr kiikiamu dai soimaaxi taatamitulda agai aapimï. Podukai buidadamu aapimï ix makïdï gïn otosdamu aanï mos ïï oomarhigakatai aapimï— itïtïdai.

Lukas 11:49

—Kaxkïdï Diuxi aagai ïmo ñoki ïïki gïn aagaitai aapimï— itïtïdai. —Diuxi ikaiti sai, —Otosdamu aanï mui gin ñiñokituldiadamiga dai gin ojotosa dai kodamu aapimï jaa dai jaa soimaaxi taatatulda agai aapimï— ikaiti Diuxi—. —Bïïxi aïkatai maatï Diuxi tudu dai podukai aagai.

Lukas 21:12

—Podukai daibuñimu tudu dïï gia ïpïgioma muidutai aapimï ix makïdï ïr gin mamaatïrdamiga gïn buitudamu dai soimaaxi gïn taatatuldamu jaa. Baan gïn tutusamu ïgai kiupaigadïrï judidiu dai gïpiïrï gïn bupadamu dai gïn maixatudamu gin buaboidaitai aapimï. Baan gïn tutusamu ïgai reyes buidïrï dai jaa dudunukamiïrï ïpï.

VUAANA 15:18

Dai oi Suxi go aatagi daidi itïtïdai mamaatïrdamigadï, —Gin aaduñi, ipïrhidi aanï ix maatïka aapimï sai gïn kïïdada agai go gaa odami ix makïdï adaimïi ïïgi tïgibudadï. Daiñi, ix ïr aaduñdïkamudai aapimï ïgai ix makïdï adaimïi ïïgi tïgibudadï aidï gia gïn oigïadamudai ïgai. Dïï gia aapimï maiti ïr aaduñdï ïgai. Aanï ka ïkobai gïn bubaitu go gaa saagidañdïrï ix kaxkïdï gïn kïïdai ïgai. Dai xïxkadï gïn kïïdadagi ïgai abïr gïn tïtïgitoda sai aanï ïr gïn tïanïdamiga dai aanï kaxi gin kïïdaiña ïgai ïïki abhiadïrï.

VUAANA 15:21

Dai go gaa ix makïdï ïïgi tïgibudadï adaimïi gïn kïïdada agai gin urabakatai aapimï. Mai maatï ïgai Diuxi ix makïdï gin otoi bhaigobai kaxkïdï gïn kïïdada agai ïgai— itïtïdai.

VUAANA 16:2

Daiñi, gokiïrï go gaa judidiu ix makïdï mai buaboitudai gïn daidamu ix bapakïda aapimï kikiupaigadïrï. Dai asta gïn kodada agai pobïn ïrhiditai sai ibuayi Diuxi aaduindadï gïn kodatai.

Hechos 28:22

Dïï gia kïï maatï aatïmï sai odami toma xakoga bui ñokaiña idi buaboidaragai utudukïdï ix makïdï urabaka aapi. Kaxkïdï ïmo imidagai gï kaïka rïrhidi pïx tumaxi gïr aagidagi— itïtïdai go bhaitï gukakami judidiu.

Hechos 7:59

Kia maixaitadai go odami baidi go Tibañi daanïgi go Suxi daidi ikaiti, —Aapi Suxi gin Nukadakami, bhïkañi gin ibhïdaga— ikaiti.

1 Pedro 4:16

Dïï gia xi soimaaxi gïn taataturhiadagi jaa oiditai aapimï Suxi Kristo maiti gï agai sai xaïradagi aapimï gokïdï. Gï agai bhaiyoma sai bhai gïn ïrhiadagi Diuxi bïïtarï. Kaxi gïn maa Diuxi oigaragai saidi mamaatïrdamigadï Suxi gïn aagadagi jaa kaxkïdï. Kïïga bhai ïrhiaraga gobai tudu.

Apokalipsis 2:10

Daiñi, ka miadaimi xi soimaaxi taatagi aapimï. Aidï go diabora gatïañi agai gïn maamaixaragai. Soimaaxi taatamu aapimï chïki tasai tudu nïidana sa bhai ïr buaboi xi gin buaboitudai aapimï. Dïï maiti abïr duduadikuda dai bhaiyoma abïr apia buaboitudada aapimï tomaxi gïn kodagi go jaa dai aanï gïn maakimu ïmo gïdukami maitïki. Gïn maakimu aanï xi kïïgakïrï óídakana aapimï bïïxkïrï bïïtarï tudu.

Apokalipsis 2:13

dai maatï aanï sai go diabora ïgai dai gatïanïi ami go gïï kiikiïrï xako óídaga aapimï. Dai maatï aanï sai tomaxi tïanïi ïgai ami aapimï bïïxkïrï apia gin buaboitudai. Mai dagito aapimï gïn buaboidaraga tudu tomaxi ami xako óídaga aapimï gï muatu go kïïrhi Antipas tïgidukïdï ix makïdï sïïrhi ñokaiña gin bïïtarï aagaitai ixtumaxi ïr buaboi. Maiti gin dagito aapimï tomaxi ami gïn kiikiïrï oidaga go diabora tudu.

Apokalipsis 7:14

Dai potïtïdai aanï, —Aapi bhaitï kïakami, aapi maatï xorai ïgai. Aanï gia xadïrï maatïkana— antïtïdai aanï. Daidi pobai in tïtïdai go bhaitï kïakami, —Gobai ïr go odami ix makïdï kabami soimaaxi taatamaiña buaboidaitai gobai go Arhi Kañiru tïgidukïdï. Kïïga bapakoi gobai yukuxidï dai totoatu ïradïkïdï go Arhi Kañiru ix makïdï itïiya ïrhidi sai kïïga buañidi bïïxi soimaaxi iibhïadïañdïrï— ikaiti.