Mataibo 24:47 - Northern Tepehuan Bible

⁴⁷ Aidï gia amudï maakimu sïïrhikami sai tïanïdagi ïgai bïïxi xïïxi bia ïgai— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁴⁷ Sʌʌlicʌdʌ angʌnaagidi saidʌ ʌaamudʌ tʌaanʌdami duucai viituldamu vʌʌsi istumaasi viaacagi.

Mataibo 24:47 ပူးပေါင်းရင်းမြစ်များ

Mataibo 24:46

—Dai xi go pioñi kïïga nukadakagi go gaa pipioñi amudï bïïtarï aidï gia bhïimu ïgai ïmo bhai ïrhiaragai dibiakai go amudï.

Mataibo 24:48

—Dïï gia go pioñi ix makïdï nukadakami bii ami kiiyïrï kïï bhaiga xi galtuigakagi ïpï. Xi pomaaxkagi ïgai aidï gia gïgïbi antaada ïgai go gaa pipioñi ïmadï kuxñiñirui po gï ïrhiditai ïgai sai mai otoma dibiagai amudï. Ix mai buamï gï ïrhiadagi ïgai ix dibiagi amudï dai mos gakuadagi dai gayïdagi ïmadï jaa nabaakoidadï,

Mataibo 25:21

Daidi amudï potïtïdai, —Kïï idui aapi gin pioñiga— itïtïdai. —Kïï tuiga aapi dai kïï sïïrhi aatadui aapi— itïtïdai. —Kïï idui aapi go chïkikïdï ix makïdï gï nukaturhi aanï, kaxkïdï xibi gï maakimu aanï sïïrhikami sai gïïpi bamioma gatïanïdana aapi. Gin urabañi tudu gin bhai ïrhiaragïrï— itïtïdai.

Mataibo 25:23

Daidi amudï potïtïdai, —Kïï idui aapi gin pioñiga— itïtïdai. —Kïï tuiga aapi dai kïï sïïrhi aatadui aapi— itïtïdai. —Kïï idui aapi go chïkikïdï ix makïdï gï nukaturhi aanï dai kaxkïdï xibi gï maakimu aanï sïïrhikami sai gïïpi bamioma gatïanïdagi aapi. Gin urabañi gin bhai ïrhiaragïrï tudu— itïtïdai.

Lukas 12:37

—Daiñi— itïtïdai. —Aanï aagai sai kïïga bhai gïn ïrhiadamu pipioñi ix makïdï mai kokosïkagi xïïxkadï aiyagi amudï. Ix kïïga nïnïasïrhikagi ïgai aidï gia amudï ïïgi bhai gï duñimu aaduindagai bïïtarï dai aagidamu go pipioñi sai daraibana dai bhodïrï bhibhidamu ïgai.

Lukas 12:44

Aidï gia amudï maakimu sïïrhikami sai tïanïda ïgai bïïxi xïïxi bia ïgai— itïtïdai Suxi go Piduru.

Lukas 19:17

—Dai go rey potïtïdai, —Kïï tuiga aapi in pioñi, kïï dui aapi. Lïïchi gï maa aanï dai sïïrhi aatadui aapi gokïdï xi kaxkïdï xibi gï maakimu aanï sïïrhikami sai tïanïda aapi bhaibuxtama gïgïr kiiki— itïtïdai.

VUAANA 12:26

—Daiñi xorai gin soikïdamika ïrhiadagi gï agai ix gin oijadagi bai podukai gin ïmadï dakana ïgai toma xako imïdagi aanï. Dai gin Oga kïïga namïakami dukai nïijadamu bïïxkatai ïgai ix makïdï ïr gin soikïdamikagi— itïtïdai Suxi.

2 Timoteo 2:12

Xibi gïr kabakadai aatïmï dai maiti gïr daadagitoi ix gïr maitiagi go soi ïrhiaragai xïïxkadï soimaaxi taatamadagi aatïmï. Dai kaxkïdï gï maatï sai gokiïrï gatïanïdamu aatïmï Suxi Kristo ïmadï ïpï dibiakai ïgai. Dïï gia ix potïiyagi ïmoko xibi sai mai maatï Suxi Kristo aidï gia dibiakai Suxi Kristo ïgai po tïimu ïpï sai maiti ïr aaduñdï ix makïdï potïi sai mai maatï Suxi Kristo.

1 Pedro 5:4

Ix podukai nukadakagi aapimï gïn aaduñi Diuxi amadïrï aidï gia Diuxi gïn maakimu ïmo maitïki ix makïdï bïïxkïrï bïïtarï bhai ïrhiaragaka agai. Gïn maakimu ïgai gobai xïxkadï dibiagi Suxi Kristo ïpamu ix makïdï adama ïr gïr Paxturuga tudu.

Apokalipsis 21:7

—Daiñi, maakimu aanï ixtumaxi kïï namïakami xorai maitiagi go soimaaxkami. Maakimu aanï oigaragai xi aanï kïïgakïrï ïr Diuxigadïkana dai xi ïgai ïr gin maamarakana tudu.

Apokalipsis 3:21

Dai Diuxi gin Oga gin maa oigaragai xi abhana daibana aanï ïgai daikarudïana xakoga dakatai gatïanïi ïgai sai gatïanïna aanï ïgai ïmadï. Maitï aanï go soimaaxi buidïrï tudu kaxkïdï gin maa oigaragai xi daibana aanï ami. Dai aanï podukai maakimu oigaragai ïpï xorai maitiagi soimaaxi buidïrï sai daibana ïgai gin ïmadï gin daikarugana xakoga gatïanïi aanï reykatai aanï.