Mataibo 24:15 - Northern Tepehuan Bible

¹⁵ —Xibi gïn aagidamu aanï ïmo ñoki dai gï agai sai kïïga gïn tïgito kaïkagi— itïtïdai Suxi. —Daiñi, go ñokituldiadamigadï Diuxi Daniel tïgidukami ix makïdï oidakatadai ïïki podukai oja sai dibiamu ïmo kïïrhi ix makïdï go Gïï Soimaaxi Ibuadami Omarhigami tïgidu. Dai kïkiba agai ïgai xako maiti gï agai xi kïakagi ïgai go gïï kiupiana dai go xadutudikïdï tukabiïrï. Kïïga abïr gïn tïgito xako gobai tudu. Dai xudu nïijada aapimï gobai,

Tepehuan Northern: Diuusi ñiooquidʌ utuducami oodamicʌdʌ

^15-16 Tai Daniel ʌmo Diuusi ñiooquituldiadamigadʌ poduucai ooja sai divia aagai ʌmoco ismaacʌdʌ sʌʌlicʌdʌ soimaasi iduñia agai ʌmo istumaasi ʌgʌʌ quiuupaigadʌrʌ judidíu ʌrana. Siʌʌscadʌ nʌijada oodami ispomaasi ʌpʌvuimi, amaasi ʌgai ismaacʌdʌ tami Judeeʌrʌ daraajagi gʌaagai isvoopiagi gigiidiamu ―gʌrtʌtʌdai ʌSuusi. Sioorʌ nʌijadagi idi oojai gʌaagai ismaatʌ caʌcagi.

Mataibo 24:15 ပူးပေါင်းရင်းမြစ်များ

Mataibo 24:16

Aidï gia go odami ix makïdï tami Judeïrï darakagi gï agadamu ix dïgabuna bopiagi abhiadïrï dai tutubidakiana iimiagi sai mai bhïna go Gïï Omarhigami ïgai.

Markos 13:14

Apia aatagai Suxi ïmadï odami daidi potïtïdai, —Daiñi, nïijadamu aapimï go ix makïdï Parunadami Xigalnaxkami tïgidu xi kïkibamu xako maiti gï agai ix kïïkiada ïgai (kïïga abïr tïgito kaï idi ñoki). Xudu nïijada aapimï gobai, aidï gia odami ix makïdï tami Judeïrï darakagi gï agadamu ix bopiagi tutubidakiana — itïtïdai.

Lukas 19:43

Maiti ipïrhi aapimï xi buaboitudagi Diuxi aidïxi gïn dibiji ïgai kïïgakïrï gïn bubaida agaitai. Maiti ipïrhi aapimï dai kaxkïdï ayimu ixtuigako gïn xikorhimada agai gïn buidïrï bïïtïkamiga. Kïïsamu ïgai ïmo gïï kurarai bïï xikorhi gïn kiiki sai ka mai bhaigakamu aapimï ix bubuakiagi abhiadïrï xako óídaga aapimï Jerusalenïrï. Bïïxi aipadïrï gïn bui surhigimu ïgai tudu dai bïïxi naato surhigimu ïgai gïn kiiki dai gïn kodamu. Bïï naato xia duadamu ïgai go Jerusalen tudu. Maiti ipïrhi aapimï xi buaboitudagi Diuxi gïn dibidakai ïgai kïïgakïrï gïn bubaida agaitai kaxkïdï— itïtïdai.

Lukas 21:20

Dai Suxi oi aatagidï daidi potïtïdai mamaatïrdamigadï, —Ïpï ïmo ixtumaxi gïn aagidamu aanï. Daiñi, xïxkadï nïijadagi aapimï mui sandadaru xi bïï xikorhi gukagi go Jerusalen bui surhigi agaitai, aidï gï agai xi maatïkagi aapimï sai ka aijimi xi xia gï duñagi go Jerusalen.

VUAANA 11:48

—Maiti gï agai ix mos dagito aatïmï ix apia pobuadagi gobai. Daiñi ix apia buadagi gobai maaxidaragai podukai aidï gia bïïxi óídakami buaboituda antaada dai asta Reyïrï dasa gï ïrhiadagi pobïnïrhiditai ix gobai ïr ix makïdï nïnïra ïgai ïïki abhiadïrï. Ix Reyïrï dasagi ïgai aidï gia bhamu antaada go gïï dunukamigadï go romanos dai otosa antaada sandadarugadï ix ïgai xia duadamu gïr kiupaiga dai kodamu bïïxi gïr aaduñi— ikaiti.

Hechos 21:28

Daidi bhïiyi ïgai go Pabora dai bhodïrï mos gïïgïrï ijiña bhakoikatai daidi ikaitimi, —Aapimï judidiu, gïr soiñabïrai daidi maakia aatïmï ïmo gïgïbidaragai idi kïïrhi— ikaitimi. —Mos bïï aipako aimïraiña gobai dai gamaamakaiña ñoki odami, bui ñokaitai ïgai gïr aaduñi ïmadï go Moiseskaru sïïrhikamigadï dai idi gïï kiupai ïpï. Dai ïkobïrakoga bua ïgai kïkïïrhi ix makïdï maiti ïr judidiu dai tami Jerusalenïrï kiupiïrï baapa dai podukai mai xadutudai ïgai idi gïï kiupai ix makïdï ïr ïko busaidadï Diuxi— ikaiti go judidiu ïgai gïpiïrï bupaitai go Pabora.

Hechos 6:13

Dai ami báí ïgai jaa yaatabogami ïpï saidi ïgai itïïna aidï, —Go Tibañi bïïxkïrï bui ñokaiña go gïï kiupai xako xadutudai aatïmï Diuxi. Dai bïïxkïrï buidïrï kaatïkana sïïrhikamigadï Moiseskaru ïpï.

Hebreos 2:1

Daiñi gin aaduñi, kaxi gïn aagidi aanï sai Diuxi maradï ïgai dai gïr aiturhi ñokidï Diuxi. Dai xibi aanï aagai sai bïïxi ix makïdï ojixi tami aagaitai Diuxi Maradï ïr buaboi. Kaxkïdï gï agai xi kïïga ïïgiada aatïmï go ñoki ix makïdï kaïkana aatïmï ix makïdï aagai Diuxi Maradï, tadu dagito aatïmï ix tumaxi ïr buaboi.

Apokalipsis 1:3

Dai otoma pomaaxi daibuña agai ixdukatai aagai idi libro xi kaxkïdï gï agai xi aagagi ix kaiti bïïxi go buaboitudadami buitapi sai ïgai kaïkana dai ïïgidiña. Dai Diuxi maakimu bhai ïrhiaragai xorai nïidagi ojadï idi libro dai aagagi ix kaiti dai Diuxi maakimu bhai ïrhiaragai xorai ïïgiadagi kaïkatai ïpï.

Apokalipsis 3:22

Gobai ïr go ñoki ix makïdï aagidi Diuxi Ibhïadï bïïxi go buaboitudadami ix makïdï aipakoga ïmpaidi. Kïïga abïr gïn tïgito kaïka tudu—.