Mataibo 23:24 - Northern Tepehuan Bible

²⁴ Kabami buamï gïn ïrhidi aapimï bïïtarï ixtumaxi mai xii gï agai tudu. Dai ixtumaxikïdï gia gï agaitadai xi buamï ïrhiadagi aapimï gokïdï gia mai buamï gïn ïrhidi aapimï. Agia ïr mai nïadami dukai aapimï dai bïïxkïrï gatïïgida ïrhidi aapimï boi jaa bïïtarï. Ga tïtïïgidiña aapimï ñoki jaa mai maatïkatai aapimï ixtumaxi ïr buaboi tudu— itïtïdai Suxi.

Tepehuan Northern: Diuusi ñiooquidʌ utuducami oodamicʌdʌ

²⁴ Aapimʌ ʌrʌpan ducami mainʌnʌaadami ismaacʌdʌ vaidaquia ʌlidi oodami ʌmapʌcʌrʌ. Aapimʌ ivueeyi istumaasi maisi gʌaagai dai maitivueeyi istumaasi vaamioma gʌaagai.

Mataibo 23:24 ပူးပေါင်းရင်းမြစ်များ

Mataibo 15:14

Daiñi, maiti abïr buamï gïn ïrhiada go fariseoskïdï. Mai maatïtai gamamaakai ïgai ñoki tudu mai maatïkatai ïgai ixtumaxi ïr buaboi. Ïpïan dukami ïgai ïmo mai nïayi ix makïdï bapaidi jaa ix mai nïadami ïpï sai oijadana. Baidatikan kaiti xako kïïgadu dïï ïgai ïmadï go ix makïdï oijadagi bïïxkatai ïmo gïï dïgakana surhigian dukai iduñimu bhaiyoma— itïtïdai.

Mataibo 19:24

Bamioma mai xijaiga xi ïmo kameyo ïmo oyi dïgadïana sïïrhi daibuñagi ix bhai xi ïmo gï bidakami bakiagi xako gatïanïi Diuxi— itïtïdai.

Mataibo 23:16

—Aapimï tïtïïgiadami sïïrhikami ïmadï fariseos kabami soimaaxi taata agai tudu— itïtïdai. —Daiñi, pupuiruga aapimï mai maatïkatai ixtumaxi ïr buaboi. Mai nïadami dukai aapimï dai bïïxkïrï gatïïgida ïrhidi aapimï boiyi jaa. Buirudagai gobai tudu. Pokaitiña aapimï sai xïxkadï ïmo odami aagadagi saidi iduña agai ixtumaxi dai gokiïrï maiti ibuadagi, pokaitiña aapimï sai maiti ïr soimaaxi gobai. Pokaitiña aapimï sai mai xudu gobai tomaxi gï bapasadagi ïgai aagaitai sai go gïï kiupai Jerusalenïrï ïr nïijadami saidi iduña agai. Dïï gia pokaiti aapimï saidi xi gï bapasadagi ïgai potïkai sai go oro ix makïdï ami kiupiïrï daja ïr nïijadami sai aidï gia bia ïgai xi iduñagi ixtumaxi agaitadai ïgai.

Mataibo 7:4

—¿Bhai ix kïïgadu xi aagidagi aapi ïmo gï aaduñi sai maigobai dasa agai aapi ïmo arhi tukuragai bujidïañdïrï ïïgi biakatai aapi ïmo gïï uxi ïïgi gï bujiïrï? Xadïrï.

VUAANA 18:28

Daidi ïki kiamoko go judidiu sandadarugadï baidaja go Suxi kiidïrï go kaigi dai ami go kaigi buidïrï kïsa agai. Pilato tïgidukatadai go kaigi. Dïï aidïpïrï ka miadimitadai go Kïïgakïrï Bubaidaragai Bagimi dai go judidiu bïïtarï daidarxikatadai ix bapakïda ami kiidïrï go kaigi mai judiukatai go kaigi. Ix baakiagi ïmo judiu podukai kiidïrï ïmo ix makïdï maiti ïr judiu saidi as tukurakami dukai bipiïyiña dai ka maiti ixtutuidiña ix kuadagi go bagimiïrï kuadagai. Dai kaxkïdï mai baapa ïrhiditadai go sandadaru ami kiidïrï go kaigi.

VUAANA 18:40

Daidi kaïkai go odami bïïxkatai ijiña daidi ikaitimi, —¡Cho! ¡Gobai gia cho!— ikaiti —¡Dagitoñi bhaiyoma go Barabás!— ikaiti. Dai go Barabás gia ïr ïmo omarhigamikatadai.

Apokalipsis 12:16

Dïï gia go oidigi soi go oki dai gïï tapai xi ami baa go sudagi ix makïdï busaitadai go gïï kooyi tïñidïañdïrï.