Mataibo 22:8 - Northern Tepehuan Bible

⁸ Daidi bhodïrï potïtïdai go Rey go pipioñigadï, —Ka bhai gï duu bïïxi ixtumaxi go kunataragai bïïtarï dïï ïgai ix makïdï bapaidi aanï mai kïï idui dai ka mai bia oigaragai xi gïr urabagi— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁸ Amaasi ʌraí itʌtʌdai aa gʌpipiooñiga: “Quiaa baigʌduu gocunataragai dai giñvapaida camaiviaa sʌʌlicami isdadiagi.

Mataibo 22:8 ပူးပေါင်းရင်းမြစ်များ

Mataibo 22:7

Xi kaxkïdï bhamu go Rey dai otoi sandadarugadï dai bïïxi koi ïgai ix makïdï gakoitadai pipioñigadï. Bïïxi mïmïji ïgai go gïgïr kiikidї xako óídakatadai go gakodadami ïpï.

Mataibo 22:9

—Iimibïrai tudu no aipakoga kayana dai bapaida xorai tïïgiagi aapimï sai dadana go kunataragiana— itïtïdai.

Mataibo 9:15

Daidi potïtïdai Suxi, —Gïn aagidamu aanï ïmo maaxidaragai aatagi sai maatïkana aapimï ix tui. Daiñi, aanï ïr ïmo ontadami dukai ïmo kunataragïrï. Dai gin mamaatïrdamiga ïr bapaidarxikami dukai ami go kunataragïrï. Kaxkïdï gï agai sai kïïga bhai gïn ïrhiada ïgai dai gakuada gin ïmadï darakatai. Xadïrï soi gïn ïrhidiña ïgai dai maiti gakuadana kia ïmadï dakatai aanï tudu. Dïï gia ayimu ixtuigako maigobai gin baidakatudamu aanï dai aidï gia maiti gakuadamu ïgai ïïmo imidagai ïmo xadutudaragai dukai— itïtïdai.

Lukas 20:35

Dïï gia gokiïrï go gïmai oidigïrï ka mai pobuadamu óídakami. Ïgai ïr ix makïdï Diuxi maakai oigaragai xi duduakatudagi ïpamu dai xi óídakagi go gïmai oidigïrï. Ïgai ka mai gaïmadï bipiïyi dai tomarhi mai mamaakai maamaradï sai gaïmadï bipiïdagi ïpï.

Lukas 21:36

—Kïïga abïr nïnïasïrhiakami dukai óídaka bïïx tasai tudu. Dai bïïxkïrï abïr daanïda Diuxi sai podukai buiya aapimï gubukarhigai. Podukai kïïgakïrï bubuakimu aapimï go soi ïrhiaragaiñdïrï ix makïdï daibuña agai tami oidigi daama. Podukai kïïga mai xaïraitai gukakamu aapimï gin buitapi. Aanï in buitapi tudu ix makïdï ïr otosadï Diuxi dai ïmo kïïrhi busai— itïtïdai Suxi go mamaatïrdami gamaakaitai ñoki.

Hechos 13:46

Daidi go Pabora ïmadï Bernabe mai duduadimukatai aa noraidimi ñoki daidi ikaiti, —Gï agaitadai ix ïpïga gïn aagida aatïmï Diuxi ñokidï, aapimï judidiu tudu. Dïï mos aapimï maiti ipïrhidi xi buaboitudagi Diuxi ñokidï kaxkïdï ka mai bia aapimï sïïrhikami ix urabagi Diuxi bïïxkïrï bïïtarï. Ka mai buaboitu aapimï ix kaxkïdï xibi aituldamu aatïmï Diuxi ñokidï go ix makïdï maiti ïr judidiu bhaiyoma.

2 Tesalonicenses 1:5

Soimaaxi gïn taataturhi jaa tudu dïï ïgaikïdï maaxitudamu Diuxi xïï sïïrhi aatabuayi ïgai. Kaxkïdï tudu Diuxi gïgïbitulda aagai xorai ajïakagi gïgïbidaragai dai xorai mai ajïakagi gia cho. Podukai nïijadamu odami sai sïïrhi aatabuayi Diuxi. Daiñi, Diuxi ïgai daidi gïn tïanïi ix kaxkïdï gïn kïïdai go gaa dai soimaaxi gïn taatamiturhiña. Dai Diuxi ïgai daidi gïn darai sai biakana aapimï oigaragai ix gïn tïanïna ïgai.

Apokalipsis 22:14

Odami ix makïdï bapakoi yukuxidï dai ka bia oigaragai xi kukumiagi ibhiadï go uxi ixtukïdï kïïgakïrï óídaga odami, gobai gia bia ïmo gïdukami bhai ïrhiaragai. Bia ïgai oigaragai xi bapakïdagi go gïï utudui kiikiïrï tudu.

Apokalipsis 3:4

Dïï gia oidaga ïïmoko ami Sardixiana ix makïdï mai uurapïkïi go soimaaxkami dai ibhïadï ïpïan maaxi odami ix makïdï kïï buañixi yukuxidï. Dai ïgai bia sïïrhikami xi gïn aadagi yukuxi kïïga totoakami dai xi gin urabagi toma xakoga imïdagi aanï. Poduñimu ïgai tudu buañixikatai ïgai.