Mataibo 22:5 - Northern Tepehuan Bible

⁵ —Dai podui go pipioñi, mïï aagidi ïgai go odami dïï modukai go odami mai ïïgidi dai maiti ipïrhi xi iimiagi. Bhaiyoma mos oidi ïgai ixtumaxi ibuadatadai. Ïmoko jii dai mïï nïida agai ïxikami dai ïmai biakatadai ïma maaxi aaduindagai.

Tepehuan Northern: Diuusi ñiooquidʌ utuducami oodamicʌdʌ

⁵ Dai vapaidadʌ maitaʌʌgi. Ʌmoco mʌʌ nʌidamu gʌdʌvʌʌraga dai ʌmai viaacatadai ʌma maasi isnʌidagi.

Mataibo 22:5 ပူးပေါင်းရင်းမြစ်များ

Genesis 19:14

Dai go Lot kaïkatai gobai sai mïï aagidi ïgai go kïkïïrhi ix makïdï ka aagai sai ïmadï bii agai go maamaradï Lot. Daidi potïtïdai ïgai, —Otoma abïr boopoi. Ka xia duada agai Gïr Nukadakami idi bhaabhaki— itïtïdai. —Arhiï buiruga aapi dai kaiti— itïtïdai go kïkïïrhi dai mai buaboitu.

Genesis 25:34

Dai bhodïrï Jakobo oi lïïchi pan ïmadï bhabi. Bhodïrï mos gauu Esau dai gaii lïïchi iidagai dai oton bañi ïgai dai busai abhiadïrï. Bïï mai buamï ïrhidi Esau mos ïï lïïchikïdï gagaarakai ïgai sïïrhikamigadï. Dai gokiïrioma gaïxi Jakobo ïpï ïmai bhai ïrhiaradï Esau ïpï. Isaak maaki agaitadai ïmo bhai ïrhiaragai go Esau dai Jakobo baa xako dajatadai Isaak dai yaata. Esau gï dáí ïgai dai gaïxi bhai ïrhiaradï xïgidï tudu.

Mataibo 13:22

—Dai go ïxtokai ix makïdï basoi sïïxidakami saagida surhi ïr ïpïan dukami go odami ix makïdï kaïkana Diuxi ñokidï dïï mos apia maaxi óídaga dai buaboidaradï mai kabakaturïiña. Kabami buamï gïn ïrhidi ïgai gaagaitai tuminxi dai gaagaitai bhai ïrhiaradï ixtumaxiïrï oidaga tami idi oidigi daama. Dai kaxkïdï ïgai bïïtarï ka maiti ibuayi soiñi go ñoki ïpï ix makïdï kaïkana ïgai—.

Mataibo 22:4

Daidi otoi ïgai ïpï jaa pipioñigadï sai ïpamu aagidana ïgai go galbaaxi bapaidadї. —Mïïka abïr aagida go odami sai ka bhai gï duu go kuadagai. Aagidabïrai sai ka kodai aanï tuturu ïmadï jaa buxtaki gikoñikami dai sai otoma dadana go kunataragiana— itïtïdai go Rey.

Mataibo 22:6

Dai jaa bui go ojotosadï go Rey dai soi dodai dai koi.

VUAANA 2:16

Dai darakatadai gaagaradami tutugu ïpï dai Suxi bhagaidi ïgai daidi potïtïdai, —Bubaidabïrai gïn aaduindaga tabhiadïrï— itïtïdai. —Maiti abïr ïmo gagarakaru dukai nïida kiidï gin Oga— itïtïdai.

Hechos 2:13

Dai jaa mos parunai daidi ikaitiña, —Arhiï nabaakoñi gobai ïrhi aanï kaxkïdï pomaaxi ñokai— ikaitiña.

Hechos 24:25

Ga aagiditadai ixdukatai sïïrhi oidakagi dai ix dukatai nukadakagi gï tïgibudaga. Dai aagidi ïpï sai maatigian dukai ayi agai ixtuigako Diuxi aagada agai ix makïdï odami ïgai dai biakamu gïgïbidaragai. Dai duadimu go Felix kaïkatai aatagidï Pabora daidi itïtïdai aidï, —Kïïgadu xibi bïïtarï. Imïdañi. Ïpï daamïrï xudu biakagi aanï tasai gï otosdamu aanï ñoki pïx dibiagi— itïtïdai.

Romanos 2:4

Diuxi gia kïï tuiga. Mai otoma bhamukui ïgai gïn bui tudu dai tomarhi mai otoma daitudai gïgïbidaragai gïn abhana tomaxi gïn ajïakatadai xi taatagi gïgïbidaragai. Dïï aapimï tomarhi mai buamï gïn ïrhidi. Bhaiyoma soi dukai nïidi aapimï Diuxi poïrhiditai sai ïgai mai oton gïgïbitulda agai. Buabi tudu sai kïï tuiga ïgai gïn bïïtarï. Ipïrhidi ïgai sai ïma dukai gïn tïtïgitokagi aapimï kaxkïdï mai oton gïgïbituldai ïgai.

Romanos 8:6

Gïr ïkidadï tïgibudagai go ïï mukigami gïr buapai xïxkadï gïr tïgito ajiopada aatïmï gobai. Dïï gia xïxkadï gïr tïgito ajiopada aatïmï ixtumaxi Diuxi Ibhïadï ipïrhidi aidï gia kïïgakïrï óídakana aatïmï dai kïïga ibhïxtakan taadakana.

2 Timoteo 3:4

Aidï óídakami tïtïgiada agai asta ïïgi aaduñdï sasayudï. Dai mai buamï ïrhiditai soimaaxi ibuadamu mos ïï namïakami gïn ïrhiditai ïïgi. Mai oigïdadamu ïgai Diuxi dai bhaiyoma ojoidadamu xi adaimuagi ïïgi bhai ïrhiaradï.

Hebreos 2:3

Dïï gia go utudui ñoki aagaitai go kïïgakïrï bubaidaragai bamioma namïga xi bhai go sïïrhikami ïkidadï. Gïr Nukadakami ix makïdï adaama namïga ïgai dai gïr aiturhi go utudui ñoki tudu dai mai xu xi go tïtïañikarudï ïgai dai gïr aiturhi gobai. Kaxkïdï bamioma namïga go utudui ñoki xi bhai go sïïrhikami ïïkidadï. Diuxi Maradï ïgai dai xibiapioma gïr aiturhi go utudui aatagi tudu aagaitai go kïïgakïrï bubaidaragai. Dai naana maaxi oidaga maaxidaragai saidi ïr buaboi aatagidï Suxi Kristo. Daiñi, kaxi gïr aagidakai ïgai go utudui aatagi bai go odami ix makïdï kaïkana kïïga gïr aagidiña ïpï saidi ïr buaboi gobai. Dai Diuxi ibuadana naana maaxi maaxidaragai ïpï sai podukai ïpï maatïkana aatïmï saidi ïr buaboi go utudui aatagi. Dai ïkobïrakoga xïïxkadï ipïrhiadagi Diuxi gamamaakai ïgai naana maaxi gubukarhigai go odami ix makïdï buaboitudai go aatagi ïpï. Diuxi Ibhïadï ïgai dai mamaakai go naana maaxi gubukarhigai buaboitudadami tudu. Dai nïiditai aatïmï sai go buaboitudadami biakana gubukarhigai Diuxi amadïrï saidi ibuada ïgai naana maaxi aaduindagai, gokïdï maatï aatïmï saidi ïr buaboi go aatagi ix makïdï buaboitudai ïgai ïpï. Naana maaxikïdï gï maatï saidi ïr buaboi go aatagi tudu. Sïïrhikïdï namïga go ñoki aagaitai go kïïgakïrï bubaidaragai tudu. ¿Kaxkïdï dukatai kïïgakïrï bubuakïna aatïmï ix mai buaboitudagi aatïmï? Gïr Nukadakami ïgai dai gïr aiturhi gobai di.

2 Pedro 2:3

Koimudadï tutiaka agai go tïtïïgiadami ñoki ïgai tudu dai gïn bupuirumadamu ïgai muidutai aapimï aatagidïkïdï gïn popoida ïrhiditai gïn tuminxiga. Dïï gia ka aagai Diuxi ïïki sai gïgïbitulda agai ïgai dai otoma ayimu gïgïbidaradï.