Mataibo 22:42 - Northern Tepehuan Bible

⁴² —Gin aagidabïrai, ¿Xorai pipiixaradï ïrhidi aapimï go Tïanïdami ix makïdï ïr Diuxi otosadï dai ix makïdï nïnïraka go judidiu?— itïtïdai. Dai go fariseos potïtïdai, —Go gïï Rey Dabidkaru pipiixaradïka agai ïgai— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁴² taidʌ ʌSuusi tʌcacai daidʌ itʌtʌdai: ―¿Ducatai tʌtʌgitoi aapimʌ voorʌ cajiudadʌ ʌCristo? ―tʌtʌdai ʌSuusi. Tai ʌgai itʌtʌdai: ―Davicaru cajiudadʌava ―tʌtʌdai ʌgai.

Mataibo 22:42 ပူးပေါင်းရင်းမြစ်များ

Mataibo 1:1

Tami ojixi ix tïtïgidu ïïkidadï aaduñdï Suxi Kristo. Sai Suxi Kristo ïr pipiixaradï go Rey Dabidkaru tudu. Dai go Dabidkaru ïr pipiixaradïkatadai go Abraamkaru. Tami bhaitïki aagai ix dukatai pogïdui gobai.

Mataibo 14:33

Daidi bïïxkatai ix makïdï barkoïrï iimïitadai aagidi xadutudaragai ñoki Suxi nïiditai ix dukatai pogïduitadai. Daidi ikaiti ïgai, —Aa gia ïr buaboi saidi ïr Diuxi Maradï aapi— itïtïdai ïgai bïïxkatai.

Mataibo 21:9

Mui óídakami bhaitï iimïitadai dai jaa mui oiditadai dai Suxi ïran ïxi imïitadai. Dai gïgïr iñakimi go óídakami bhai gïn ïrhiarakïdï daidi ikaitimi ïgai, Sïïrhikïdï gï agai sai oigïda ñokada óídakami gobai bïïtarï. Gobai ïr go Pipiixaradï go Dabidkaru ix makïdï nïnïrakatadai aatïmï ïïki abhiadïrï tudu. Ipïrhidi aatïmï sai Diuxi maakana bhai ïrhiaragai go otosadï ix makïdï bia ïmo sïïrhikami Diuxiamadïrï. Agia gï agai sai kïïga oigïda ñokada óídakami gobai bïïtarï, ikaitimi go odami.

Mataibo 22:43

Daidi Suxi potïtïdai, —Ïjï tudu. Dai mai xu xi mosïkaxi pipiixaradï ïgai go Dabidkaru ïpïan dukai jaa mui odami. Daiñi, go Dabidkaru ño ïïki gubukarhigadïkïdï Diuxi Ibhïadï dai Tïanïdamigadï aagai ïgai go otosadï Diuxi ix makïdï nïnïrakatadai ïgai. Dai ka aagai aatïmï saidi go otosadï Diuxi ix makïdï nïnïraka go judidiu ïr pipiixaradï go Dabid ix makïdï itïiya ïrhidi sai go Dabid bamioma gatïanïi xi ïgai. Dïï gia go Dabid Tïanïdami aagai Diuxi otosadï ix makïdï itïiya ïrhidi sai go otosadï Diuxi bamioma gaa tïanïi xi go Dabid. Gin aagidabïrai tudu ix dukatai maaxi gobai— itïtïdai Suxi. Go Dabidkaru oja ïmo ñoki ïïki tudu ix makïdï ikaiti sai,

Mataibo 9:27

Dai bhodïrï jii Suxi abhiadïrï dai no boiyamu iimïi ïgai daidi goka kïkïïrhi mai nïadami oiditadai. Daidi gïgïr iñakimi go kïkïïrhi daidi ikaitimi, —Aapi Suxi, aapi ïr pipiixaradï go rey Dabidkaru. Soi gïlda aatïmïkïdï dai gïr soiña— ikaitimi.

VUAANA 1:49

Dai Natanael itïtïdai aidï, —Gïr Mamaatïtuldiadamiga, aa gia ïr Diuxi Maradï aapi— itïtïdai. —Daidi ïr Reygadï aatïmï Israelitas— itïtïdai.

VUAANA 20:28

Dai aidï gia go Tomás itïtïdai, —Gia ïr buaboi ix aapi ïr gin Tïanïdmiga dai ïr gin Diuxiga— itïtïdai.

Kolosenses 3:11

Dai xibi ka utudukatai aatïmï buaboitudadami ka mai xudu xi ïr judidiu aapimï xi ïpï ix maiti ïr judidiu. Xiïpï xi circuncidaduga aatïmï ix mai circuncidaduga ïpï. Mai xudu ix ïr mïkaxdïrï oidakamikagi ïmoko xiïpï asta xi ïr oidigana oidakamikagi ïpï. Xibi bïïxi gobai ka maiti ïr ixtumaxi gïr bïïtarï ix makïdï ïr buaboitudadami. Ka utudui bubuaka aatïmï dai ka mai buamï rïrhidi aatïmï xoraitadai aatïmï. Xibi Suxi Kristo gïr ïmadï daja bïïxkatai aatïmï buaboitudadami kaxkïdï. Dai mosïkaxi Suxi Kristo ïgai dai namïga gïr bïïtarï xibi.