Mataibo 21:5 - Northern Tepehuan Bible

⁵ Aagidabïrai go Jerusalenïrï óídakami sai ka bhodïrï iimïi Reygadï. Kïï tuiga ïgai dai mai gïdukïdï gï ïrhidi. Ïmo axñitu daama dai ïmadï ïmo axñitu maradï daama daitugai ïgai. Po duu oja go ñokituldiadamigadï Diuxi ïïki.

Tepehuan Northern: Diuusi ñiooquidʌ utuducami oodamicʌdʌ

⁵ Aagidavurai Jerusaleenʌrʌ oidacami dai potʌʌda: “Dañi bʌrimʌi gʌraí. Maigʌducʌdʌ gʌʌlidi goovai, ʌmo asñiitu mara daama daitugai”, astʌʌda. Asduucai ooja Diuusi ñiooquituldiadamigadʌ.

Mataibo 21:5 ပူးပေါင်းရင်းမြစ်များ

Miq 5:2

Diuxi ikaiti, —Chïkioma go Belen Efrataïrï óídakami xi bhai jaa kiikiïrï óídakami Judeïrï. Dïï tomax chïkidu ïgai bïïxkïrï abhaxdïrï kïkiba agai ïmo bhaitï kïakami ix makïdï tïanïda agai go Israelitas gin bïïtarï. Go ix makïdï kïkiba agai ïr pipiixaradï ka agai go ix makïdï ka bïïxkïrï abhiadïrï, toma xïï ïki gï tïgitokagi ïmoko, kia ïkioma abhiadïrï kaxi ïr oidakamikana ïgai— ikaiti Diuxi.

Mataibo 11:29

—Bhïibïrai go tïgibudagai ix makïdï gïn tïtïïgidamu aanï saidi podukai ïr gin mamaatïrdamigakagi aapimï. Aanï mai gïdukïdï gin ïrhidi buidïrï jaa dai kïï tuiga aanï tudu.

Mataibo 2:2

Daidi potïtïdaiña ïgai go óídakami, —¿Xako daja ïgai ix makïdï xibiapï busai dai ïr Reygadïka agai go Judidiu?— itïtïdaiña. —Tïï aatïmï ïmo xabugai amïï xarhi amakoga ix makïdï ïr ïmo maaxidaragai sai ka busai go Rey ix makïdï go Judidiu nïnïraka ix busiagi dai kaxkïdï dada aatïmï dai gaagai. Tïïgia rïrhidi dai iduña rïrhidi ïmo xadutudaragai ïgai bïïtarï tudu— ikaitiña go mamaatïkami.

Mataibo 21:6

Daidi iji go mamaatïrdami dai bïïxi idui ix dukatai aagiditadai Suxi.

Lukas 24:27

Dai bhodïrï Suxi gï aaga tïtïgidi ñoki ï goka kïkïïrhi. Aagidi ix tïiya ïrhidi ojadï go ñokituldiadamigadï Diuxi xako aagai ïgai go Suxi. Go Moises ojadïkïdï gï aaga ïgai dai bhodïrï aagidi ix tïiya ïrhidi ojadï bïïxi go gaa ñokituldiadamigadï Diuxi ïpï xako aagai ïgai go Suxi.

VUAANA 1:49

Dai Natanael itïtïdai aidï, —Gïr Mamaatïtuldiadamiga, aa gia ïr Diuxi Maradï aapi— itïtïdai. —Daidi ïr Reygadï aatïmï Israelitas— itïtïdai.

2 Korintios 10:1

Gin aaduñi, pokaitiña ïïmo odami sai xïïxkadï gïn ïmadï dakagi aanï sai kïï tuigakami dukai gïn mamaakaiña aanï ñoki maiti gïn bhagaiditai. Dai pokaitiña ïgai sai mosïkaxi xïïxkadï mïkaxi dakagi aanï dai gïn ojidagi sai aidï gia bhagaidadan kaitiña gin oja. Pokaitiña ïgai gin aagaitai aanï Pabora tudu ix makïdï ibuayi idi ojai. Dïï gia gïn aagidamu aanï ïmo ñoki dai gï agai sai maatïka aapimï sai ñokiturhimi aanï Suxi Kristo aagaitai idi ñoki. Daiñi, kïï tuiga Suxi dai kaxkïdï kïï bhai maaxkami dukai gïn maakimu aanï ñoki. Kïï bhai dukai gïn aagidimi aanï mïsai gin ïïgiada aapimï tudu ñokiturhitai aanï go Suxi Kristo.