Mataibo 21:44 - Northern Tepehuan Bible

⁴⁴ —Daiñi, Aanï ïr go odai duu ix makïdï aagai Diuxi ñokidïrï. Diuxi otosadï Tïanïdami aanï tudu. Dai xorai maiti gin buaboitudagi ïr ïpïan dukami xi utubagi ïgai go odiana xiïpï xi go odai gïxiagi daama. Dai ix makïdï utubagi ami xia gïn duñimu. Dïï gia xi go odai gïxiagi ïgai daama ïgai gia bïïxi naato boixa agai gobai— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁴⁴ Dai sioorʌ giñvui vʌʌtʌcagi soimaa taatamu dai aanʌ vui caatʌcamu ʌgai aidʌ gia iimimu ʌgai ʌDiaavora ʌʌmadu ―tʌtʌdai ʌSuusi.

Mataibo 21:44 ပူးပေါင်းရင်းမြစ်များ

Mataibo 21:43

—Daiñi— itïtïdai. —Ka maiti ipïrhi aapimï xi buaboitudagi sai aanï ïr go otosadï Diuxi dai saidi aanï ïr gïn Tïanïdamiga. Dai kaxkïdï ka maiti gïn ajïga xi gïn tïanïdagi Diuxi. Dai bhaiyoma xibi jaa odami ayimu gobai. Dai ïgaikamu ix makïdï tïanïda agai Diuxi. Ïgai gia iduñimu ixtumaxi Diuxi ipïrhidi— itïtïdai.

Mataibo 21:45

Daidi bhakoi go tïtïanïdamigadï go dadaxdadami dai go fariseos kaïkatai aatagidï Suxi. Kïïga máí ïgai sai galtutiakami aagai Suxi ïgai aagaitai go ix makïdï tajukamikïdï nukadatadai ïxikami. Mai bhai ïrhi ïgai kaïkatai go aatagi tudu.

Mataibo 26:24

—Aanï ïr Diuxi otosadï ix makïdï ïmo kïïrhi busai tudu dai gï aagai xi podukai gin duiñtuldagi ix dukai ka ojixi ïïki abhiadïrï. Gï aagai ix mukiagi aanï tudu. Dïï gia sogigi gobai ix makïdï gin tïïgida agai. Gïïpi biakamu ïgai soi ïrhiaragai tudu. Kaxkïdï xioma ïr kïïgadukamudai ïgai bïïtarï xi bhaiyoma mai busaimudai ïgai oidigi daama— itïtïdai Suxi.

Mataibo 27:25

Daidi go odami potïtïdai, —Kïïgaduaba. Aatïmï ïmadï gïr maamara ïr duñidїka agai gï aaxtakai ïradï gobai— itïtïdai.

Lukas 2:34

Daidi Ximuñi aagai ïmo bhai ïrhiaragai ïgai bïïtarï daidi potïtïdai ïgai go Maria, —Diuxi ka ïkobai busaitu idi xïïñi sai kïïgakïrï bubaidana gobai mui Israelitas. Mui kïïgakïrï bubuakimu idikïdï tudu dïï gia mui gïpiïrï surhigimu idikïdï ïpï— itïtïdai. —Kaxkïdï tudu mui odami bui surhigimu idi.

Lukas 20:18

—Daiñi— itïtïdai. —Aanï ïr Diuxi otosadï gabhaitïkïakami dai aanï ïr go odai duu ix makïdï aagai go ojai. Dai xorai maiti gin buaboitudagi ïr ïpïan dukami ïmo odami ix makïdï utubagi go odiana dai bïïxi laalachi bii gïsïkai. Dai ïpïamaaxi ïgai odami ix makïdï go odai gïxiagi daama dai boixagi ïpï. Pomaaxi odami ix makïdï maiti in buaboitudai. Diuxi otosadï aanï tudu kaxkïdï— itïtïdai.

VUAANA 19:11

Daidi go Suxi itïtïdai, —Diuxi ïgai dai gï maa ïmo sïïrhikami ix kaxkïdï bhaiga aapi ix gin tïañiagi muaragai. Ix mai maakimudai Diuxi sïïrhikami xadïrï ixtutuidimudai aapi. Dïï gia ix makïdï tami gï buitapi gin kïsatu mos ïgikïdï gin tañia ïrhidi muaragai mai biakatai sïïrhikami. Kaxkïdï ïgai gïïpi bamioma soimaaxi ibuayi ix bhai aapi— itïtïdai.

Romanos 9:33

Podukai tudu ojixi Diuxi ñokidïrï. Ami Diuxi ikaiti, Kïïga abïr gïn tïgito nïida. Daiñi, Israelïrï dasai aanï ïmo odai xako utuba agai mui odami mai buaboidakai ïgai. Dïï gia toma lïïchi mai xaïrogidamu tomarhi ïmo odami ix makïdï gia buaboitudagi ïgai, ikaiti Diuxi.

1Tesalonicenses 2:16

Dai kaxkïdï gïr sobhida ïrhidiña ïgai ix mai aituldada aatïmï go bhai ïrhiaragai aatagi go odami ix makïdï maiti ïr judidiu. Maiti ipïrhidi ix kïïgakïrï bubuakiagi ïgai kaxkïdï. Sobhikïiña ïgai jaa ix mai buaboitudagi tudu. Podukai adaimïiña ïgai go soimaaxkami tudu. Dïï gia Diuxi ka mai dagitomu ix apia sobhidagi ïgai jaa ix buaboitudagi. Xibi ka ayi ïmo gïdukami gïgïbidaragai Diuxiañdïrï go sobhidakami bïïtarï tudu.

1 Pedro 2:8

Daidi ikaiti go ojai ïpï sai, Suxi Kristo ïr ïmo odai dukai xako utubai odami mai buaboitudaitai ïgai. Dai ix makïdï mai buaboitudai gïpiïrï surhigïi, ikaiti go ojai. Mui odami gïpiïrï surhigïï mai ïïgiditai ïgai Diuxi ñokidï ix makïdï aagai go Suxi Kristo tudu. Dai Diuxi ka podukai dáí sai taatana ïgai gïgïbidaragai.