Mataibo 21:39 - Northern Tepehuan Bible

³⁹ Dai bhïiyi ïgai dai maigo busaitu ïxikamiañdïrï dai mua—.

Tepehuan Northern: Diuusi ñiooquidʌ utuducami oodamicʌdʌ

³⁹ Dai bʌi dai dʌjoi ugidiana vuusaitu dai muaa ―tʌtʌdai ʌSuusi.

Mataibo 21:39 ပူးပေါင်းရင်းမြစ်များ

Mataibo 21:38

Dïï gia aidïxi go nunukadakami go ïxikami tïï go maradï ix ka bhodïrï imïi saidi pobai gïn tïtïdai ïgai aipakoga, —Gobai bïïtarï bii agai buxtuidadï ogadï— ikaiti. —Gï agai tïx muagi sai podukai aatïmï gïr bïïtarï biiyagi gobai— ikaiti.

Mataibo 21:40

Dai bhodïrï potïtïdai Suxi go dudunukami, —¿Ix ïrhidi aapimï? ¿Xïïxkadï mïkaxdïrï dibiagi go tuidakami go ïxikami ix duñimu ïgai go ix makïdï tajukamikïdï aataduitadai?— itïtïdai.

Mataibo 26:50

Daidi Suxi potïtïdai, —Iduñi tudu ix makïdï iduña agai aapi dai dibia, aapi gin aduñi— itïtïdai. Mïtai oton bhïiyi go Suxi.

Mataibo 26:57

Dai ix makïdï bhïiyi go Suxi baidaja kiidïrï Kaifas. Ïgai bïïxi adaama ïr tïanïdamigadïkatadai go dadaxdadami aidï. Ami kaxi gïn ïmpagitadai go tïtïïgiadami sïïrhikami ïmadï jaa bhaitï gukakamigadï go judidiu.

VUAANA 18:12

Dai bhodïrï go sandadaru Romanos ïmadï komandantegadï dai ïmadï jaa ix makïdï ïr bhaitï gukakamigadï go judidiu bïïxkatai ïmapai bhïiyi go Suxi dai buu ïkadï.

VUAANA 18:24

Dai bhodïrï go Anás gatïjai mïsai bupurana ïkadï go Suxi ïpamu dai sai baidakana dai mïï Kaifas buidïrï kïïsana. Go Kaifas tudu ïr bhaitï kïakïdï daxdadamikatadai aidï.

Hechos 2:23

Dïï bïïxkïrï aapimï bhïiyi go Suxi dai kïkïïrhi mai xadutuadami Diuxi buitapi kïi aapimï dai gatïjai sai kuruxiana xixana. Podukai gatïjai aapimï muaragai go Suxi. Diuxi ka ïkiaxdïrï maatïkatadai xi pomaaxi pogïduña agaitadai. Ka pomaaxi gï tïgito ïgai ïïki abhiadïrï sai podukai ïpïduna aidï.

Hechos 4:10

Dai xibi aanï maaxiko aagai tami gïn buitapi dai bïïxi Israelïrï oidakami buitapi ïpï sai Suxi Kristo gubukadadïkïdï duayi idi kïïrhi ix makïdï tami kïïka gïn buitapi. Go Suxi ïr ïgai baaxi Nasaretañdïrï oidakami ix makïdï xixa aapimï kuruxiana dai mua dai ix makïdï Diuxi duakatu.

Hechos 5:30

Daiñi, aapimï gatïjai kuruxiana xixaragai go Suxi dai podukai mua. Dai gïr Diuxi ix makïdï gïr ïïki aduñi xadutudaiña ïpamu duakaturhi ïgai.

Hechos 7:52

Daiñi, go ñiñokituldiadamgadï Diuxi ïïki pokaitiña sai dibiagai Diuxi otosadï ix makïdï gia kïïga ïïgidi Diuxi. Dai gïn aaduñikaru soimaaxi taataturhi go ñiñokituldiadamgadï Diuxi ïgai bïïxkatai dai asta koi. Dai dibiakai Diuxi otosadï aapimï mos gatïïgi mïsai muana.

Santiago 5:6

Daiñi, baan tutusaiña aapimï odami dudunukamiana mai biakatai ixtukïdï dai gataanïiña kodagi ïgai tomaxi maiti ïr soimaaxi ibuadamikana. Dai mai biakatadai ïgai ix dukatai ïïgi gïn soiñagi gïpiïrï bupaitai aapimï. Agia soimaaxi taata agai aapimï gïn bipidakami soimaaxi buididitai aapimï go soititigami tudu.