Mataibo 20:34 - Northern Tepehuan Bible

³⁴ Dai soi gïlda tïï Suxi go kïkïïrhi dai taata bupuidï dai bhobaxdïrï ka nïnïabatu ïgai bïï gokatai dai ïmodïrï oi ïgai go Suxi.

Tepehuan Northern: Diuusi ñiooquidʌ utuducami oodamicʌdʌ

³⁴ Amaasi ʌSuusi soigʌʌli ʌgaicʌdʌ dai taata vuupuidʌ. Tai bovasdʌrʌ ʌismaacʌdʌ mainʌnʌaitadai istui isnʌnʌavagi dai oí ʌSuusi.

Mataibo 20:34 ပူးပေါင်းရင်းမြစ်များ

Mataibo 14:14

Dai aidïxi tïbai go Suxi barkoañdïrï kïïga mui odami ka darakatadai ami dai Suxi duduadi ix makïdï kokokoñikatadai soi gï ïldakai tïïgakai ïgai.

Mataibo 15:32

Dai bhodïrï báí Suxi go mamaatïrdamigadï sai miadïrï gukibana daidi potïtïdai ïgai, —Soi gin ïrhidi go odami bïïtarï— itïtïdai. —Ka ayi baika tasai ix tami gin ïmadï daraka ïgai dai mai bia ixtuma ugiagi. Mai otosa in ïrhidi sai nonoigïna ïgai apia dukai mai kia ugakai. Susuikitu antaada boiyamu tudu— itïtïdai.

Mataibo 20:33

Dai go kïkïïrhi potïtïdai, —Gïr Nukadakami, ipïrhidi aatïmï xi gïr nïadatuda aapi— itïtïdai.

Mataibo 21:1

Suxi ïmadï jaa odami ix makïdï oiditadai ka miadïrï iimïitadai Jerusalenana dai ayi ïgai go Olibo tïgidukïdï gidiana ix makïdï miadïrï bipiïyi go arhi kiiki Betpage tïgidukami. Dai abhiadïrï bhaitïki otoi Suxi goka mamaatïrdamigadï.

Mataibo 8:15

Dai taata Suxi ïkadï go kokoadï dai otoma dagito go toiñdagai. Daidi bañi ïgai dai bhii ïgai go Suxi.

Mataibo 9:29

Daidi taata Suxi bupuidï go kïkïïrhi daidi potïtïdai, —Po gï duñimu ixdukatai buaboitudai aapimï— itïtïdai.

Mataibo 9:36

Dai mui óídakami aïjïiña xako dakagi Suxi dai Suxi soi gï ïrhi go óídakami bïïtarï. Nïidi ïgai sai go óídakami mai tïtïgaitadai ix dukatai iduñagi dai kïïgakïrï óídakagi dai sai mai biakatadai ïgai xorai soiñagi tudu. Nïidi ïgai sai go óídakami ïpïan maaxkana kañiñiru ix makïdï mai biakana nukadakamigadï tudu.

Markos 7:33

Taidi go Suxi ïkobai baidaja go kokoadï xako ïjïgika ïgai dai bhodïrï naanakadï ïrana baapa gï mamaspiga dai xixibi dai nïnïdïana toidi gï xixibi.

Lukas 18:43

Dai mos po tïkai Suxi go ix makïdï mai nïadatadai ka nïnïaba bii. Dai oi ïgai go Suxi dai aagaimi xïïxi ïr gïdukami Diuxi. Dai jaa mui odami aagaimi ïpï xïïxi ïr gïdukami Diuxi tïïgakai go ix ka nïayi go kïïrhi.

Lukas 22:51

Dai Suxi potïtïdai, —Dagitobïrai, maiti abïr pobuada— itïtïdai. Dai Suxi mïï taata naakadï go pioñi dai mos taatakai duayi gobai.

Lukas 7:13

Dai soi gïlda tïï Suxi go oki aidï daidi potïtïdai, —Aapi oki, maiti suakada— itïtïdai.

Hechos 26:18

Dai tïïgidamu aapi ixtumaxi ïr buaboi bai ïgai dagitona go soimaaxkïdï tïgibudagai tukamukïdï dai oijadana go kïïgadukïdï tïgibudagai ix makïdï ïr kudagi tudu. Sai ka maiti gïn tïanïna go diabora dai Diuxi gïn tïanïna bhaiyoma. Daidi oigïrhixikami bimu soimaaxkamigadï gin buaboitudaitai ïgai dai uraba bimu ïgai Diuxi ïko bubaidadï— gin tïtïdai Suxi— itïtïdai Pabora.

Hebreos 2:17

Suxi dibia go Ga bhaitïkïakami Dadaxdadami dukai bhai duña agaitai gïr soimaaxkamiga bïïtarï. Dibia ïgai dai gï muatu adaama kïïgadukïdï daxdaragai dukai gïr bïïtarï tudu. Podukai bïïxi naato aa namïki ïgai gïr soimaaxkamiga ixtukïdï buatulda dukai bitadai aatïmï Diuxi bïïtarï. Dai ïmo kïïgadukami gabhaitïkïakami dadaxdadami bia xi soi gï ïlda nïijada odami. Ïma dukai dukatai kïïga ibuadana ïgai aaduindadï bhai buadatai ïgai odami bïïtarï buitapi Diuxi Kaxkïdï gï agaitadai sai odami busiagi Suxi sai podukai ïmo kïïrhikatai kïïga maatïkagi ïgai ix taadakana aatïmï. Podukai soi gï ïrhi Suxi gïr bïïtarï dai kïïga idui aaduindadï gïr bïïtarï Diuxi buitapi.

1 Pedro 3:8

Gïn maakimu aanï ïpï ïmo ñoki gin aaduñi. Gï agai sai kïï xioma gïn urapïkïda aapimï aipakoga ïmo tïgibudagai biakatai aapimï bïïxkatai. Soigabïr gïn ïrhiada ïmadï gïn aaduñi Diuxi amadïrï xïïxkadï soi gïn ïrhiadagi ïgai. Gïn oigïadabïrai aipakoga tudu ïmo xixïgïmï dukai. Dai kïïga abïr tutiaka jaa bïïtarï mai gïgïrdukïdï gïn ïrhiditai aapimï.