Mataibo 20:22 - Northern Tepehuan Bible

²² Dai Suxi potïtïdai go maamaradï go oki, —Aapimï mai maatï ixtumaxi gin taanïi aapimï— itïtïdai. —Arhiï kabami soimaaxi taata iñagai aanï tudu. ¿Dai bhai ix ixtutuidïna aapimï xi gin ïpïan ïxi soimaaxi taatagi gin urabakatai aapimï?— itïtïdai. —Ïjï kïïga ixtutuidikïi aatïmï— ikaiti go maamaradï go oki.

Tepehuan Northern: Diuusi ñiooquidʌ utuducami oodamicʌdʌ

²² Taidʌ ʌSuusi aa noragi daidʌ itʌtʌdai: ―Aapimʌ maimaatʌ mʌstumaasi giñaagidi. ¿Baisistuidʌna aapimʌ issoimaa taatagi siʌʌ soimaa taata iñagai aanʌ? ―tʌtʌdai ʌSuusi. Tai ʌgai itʌtʌdai: ―Istutuidiatʌta ―tʌtʌdai ʌgai.

Mataibo 20:22 ပူးပေါင်းရင်းမြစ်များ

Mataibo 26:35

Daidi go Piduru kabamioma aagidi daidi potïtïdai, —Cho xadïrï— itïtïdai. —Tomaxi gï ïmadï muu xadïrï ïxtona aanï saidi gï maatï— itïtïdai. Dai go gaa mamaatïrdamigadï pokaititadai ïpï.

Mataibo 26:39

Bhodïrï ïpï lachi bhaitïki jii ïgai dai ami kupurhi boi ïgai dïbïrapi. Kaxi miadaimitadai go kaduku xi taata agai ïgai ïmo gïïdukami soi ïrhiaragai tudu dai kaxkïdï gadaanïi ïgai Diuxi saidi maigobai dasana. Daidi potïtïdai ïgai Diuxi, —Gin Oga, gin oigïdakai gin maaka oigaragai ix mai soimaaxi taatagi aanï idi soi ïrhiaragai ix oidakagi ïma dukai ix dukatai kïïgakïrï bubiadagi óídakami— itïtïdai. —Dïï aanï aagai sai gin duiñtuldana ixdukatai aapi bhai ïrhidi dai mai xu xi ixdukatai aanï bhai ïrhidi toma xïï soimaaxi taadakagi aanï— itïtïdai.

Mataibo 26:42

Dai maigo jii Suxi ïpamu dai aataga agai Diuxi ïmadï. Daidi potïtïdai ïgai, —Gin Oga, ix gï agadagi xi soimaaxi taatagi aanï, bhai aagai aanï sai pogïduna ix dukatai aapi bhai ïrhidi— itïtïdai.

Mataibo 26:56

Dïï gia gï aagai sai gin duiñtuldagi bïïxi ix dukatai oja go ñiñokituldiadamigadï Diuxi ïïki, kaxkïdï gï agaitadai xi ïmo ïïxibogami dukai gin nïijada aapimï— itïtïdai Suxi. Mos potïi Suxi taidi bïïxi dïgabuna boopoi mamaatïrdamigadï dai ïïgi bia ïgai go Suxi.

Markos 14:36

Daidi potïtïdai ïgai Diuxi, —Gin oga, aapi bïïxi aïkatai ixtutuidikïi xi duñagi di. Kaxkïdï xibi maiti dagito xi soimaaxi taata aanï— itïtïdai. —Dïï aanï bhai aagai xi gin duiñdagi ixdukatai aapi ipïrhidi dai mai xu ixdukatai aanï ipïrhidi tomaxi kabami soi taadakagi— itïtïdai.

Lukas 12:50

Dïï mai bhaiga kia. Gï agai xi kabami soimaaxi taatagi aanï kia dai bïïtïkan taadaga gin bïïtarï nïnïrakatai ix bïïxi naato taatagi aanï go soi ïrhiaragai ix makïdï bia aanï xi taatagi kia— itïtïdai.

Lukas 22:42

Dai potïtïdai, —Gin Oga— itïtïdai. —Ix ipïrhiadagi aapi, maiti gin dagito xi soimaaxi taatagi aanï xibi. Dïï gia gï duna ix dukatai aapi ipïrhidi dai mai xu xi ixdukatai aanï ipïrhidi— itïtïdai.

VUAANA 18:11

Baidi Suxi daidi go Piduru daidi itïtïdai. —Bhai itïïka go maxtai— itïtïdai. —¿Maiti pïx tudu maatï sai gï agai ix taata aanï go soi ïrhiaragai ix makïdï gin aagidi gin Oga sai gï agai ix taata aanï?— itïtïdai.

Romanos 8:26

Daidi Diuxi Ibhïadï gïr soikïi ïpï xïïxkdï mai gubuakagi aatïmï. Ïïmo imidagai mai tïtïgai aatïmï ix tïiyagi aatagaitai Diuxi ïmadï. Dïï gia Diuxi Ibhïadï aijiïgïi daanïitai Diuxi gïr bïïtarï. Aagai ïgai naana maaxi ix makïdï mai tipu ñoki ixtukïdï aagagi ïmoko.

Santiago 4:3

Dai tomax dukai xadïrï gïn maakana Diuxi ixtumaxi tanïdagi aapimï. Soimaaxi gïn tïgibudaga gataanïitai aapimï tudu. Ïïgi gïn bïïtarï xia duada ïrhidiña aapimï ixtumaxi gïn maakadagi ïgai kaxkïdï.