Mataibo 2:13 - Northern Tepehuan Bible

¹³ Dai iji go mamaatïkami abhiadïrï. Dai bhodïrï tïïtïkimi go Jose ïpamu dai ïpamu tïï ïgai go tïañikarudï Diuxi ix makïdï ïr otosadï Diuxi Gïr Nukadakami. Dai go tïañikarudï Diuxi potïtïdai, —Bañigiñi otoma— itïtïdai. —Aapi ïmadï dïïdï go arhi odami abïr bhïkai go arhi odami dai dïgabuna boopoi Ejiptuamu. Dai ami Ejipituana abïr bii asta xïïxkadï ukami gïn aagidagi aanï. Go Rey Herodes gaaga agai go arhi odami tudu mua ïrhiditai— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹³ Dai aidʌsi canoonora ʌcʌcʌʌli, ʌmo Diuusi tʌaañicarudʌ gʌmaasitu coosigadʌrʌ ʌOsee daidʌ itʌtʌdai: ―Vañigiñi dai vaidacai goali siʌʌñi ʌʌmadu godʌʌdʌ voopoivurai Ejiipituamu dai momʌʌca avʌr daraaja asta siʌʌscadʌ gʌnaagida aanʌ. ɅEroodʌsi gaaga agai goali siʌʌñi dai muaa ʌlidi ―astʌtʌdai ʌDiuusi tʌaañicarudʌ.

Mataibo 2:13 ပူးပေါင်းရင်းမြစ်များ

Exodo 1:22

Dïï go Rey apia kia koda ïrhiditadai go aarhi gïgïrhi dai itïtïdai bïïxi go Ejipituana óídakami, —Xudu kïkïïrhi mamaatagi go Hebreos abïr gïï akiana surhiga. Dïï gia xi ïr okikagi abïr dagito— itïtïdai.

Mataibo 1:20

Kia poïrhiditadai go Jose ix dagitoagi go Maria dai ïmo imidagai ïmo tïïtïkiïrï tïï ïgai ïmo tïañikarudï Diuxi Gïr Nukadakami. Daidi potïtïdai ïgai go Jose, —Aapi Jose ix makïdï ïr pipiixaradï go Dabidkaru, maiti buamï ïrhiada aapi. Ka bhaiga aapi ix ïmadï biiyagi go Maria. Diuxi Ibhïadïkïdï nonoakami bii ïgai tudu dai mai xu ïmo kïïrhikïdï— itïtïdai.

Mataibo 10:23

—Gïn aagidamu aanï ix dukatai ibuadagi xïïxkadï soi gïn buidadagi óídakami. Daiñi, xïïxkadï aituldagi aapimï ñoki no xibhïkai ïmo kiikiïrï gin aagaitai aanï dai xi ami óídakami soi gïn buidadagi gin buaboitudaitai aapimï aidï gia iimibïrai abhiadïrï dai ïmai kiikiïrï abïr aitulda gin ñoki. Mai kia bïïxi kiikiïrï nato aituldamu aapimï gin ñoki tami Israelïrï xi ka dibimu aanï ïpamu tudu. Ka podukai aagai aanï ix makïdï ïr Diuxi otosadï dai ïmo kïïrhi busai tudu— itïtïdai Suxi.

Mataibo 2:12

Dai bhodïrï bui ïgai boi ïpamu dai aa surhi. Dïï ka aagiditadai Diuxi sai mai iimïna ïpamu gamo xako daja go Rey Herodes xi kaxkïdï ïmai boi bui ïgai xibi dai mai iji Jerusalenamu xako nïiditadai ïgai go Herodes.

Mataibo 2:14

Dai go Jose ïïgidi go tïañikarudï Diuxi dai otoma bañi dai apia dukai mai kia maaxikai oidagi bhïiyi boi dai Ejiptuamu dai baidaja go arhi odami ïmadï modukai dïïdï.

Mataibo 2:16

Daidi go Herodes máí sai go mamaatïkami buirumagi mai aagidakai ïgai xako daja go Suxi xi kaxkïdï bhamu go Herodes. Dai gatïjai ïgai kodaragai bïïxi go aarhi gïgïrhi goka umigi biakami koidamakoga ami Belenïrï dai ix makïdï maigobai miadïrï óídaga ïpï. Go mamaatïkami aagiditadai sai ka parï goka umigi ïpïduitadai aidïxi abhiadïrï busaitadai go Suxi tudu.

Mataibo 2:22

Dïï gia xibi ïmo maradï go Herodes Arkileo tïgidukami gatïanïitadai Judea munisipiïrï ami Israelïrï. Bhïitadai ïgai go sïïrhikamigadï go Herodes maradïkatai ïgai tudu. Dai kajioma go Jose ix gatïanïi ïgai dai duadimu ix imiagi gamoko. Dai tïïtïkidïrï kaï ïgai ïmo ñoki Diuxiañdïrï ïpï ix makïdï aagidi sai mai imïna Judeamu. Dai dïgabusai ïgai dai iji Galilea munisipiamu bhaiyoma.

Hechos 10:22

Daidi go kïkïïrhi itïtïdai aidï, —Ojotosadï aatïmï go kapitañi Kornelio— itïtïdai. —Go Kornelio kïï xadutudai Diuxi. Dai bïïxi go judidiu kïï tuigakami aagai ïgai— itïtïdai. —Dai ïmo Diuxi tïañikarudï aagidi go Kornelio sai gï baidana pïsai imïna kiidïrï dai maakana aapi ñoki— itïtïdai kïkïïrhi.

Hechos 10:7

Daidi ka imïkai go Diuxi tïañikarudï taidi báí go Kornelio goka pipioñigadï dai ïmoko sandarugadï ix makïdï kïïga ïmagi ïgai dai ix makïdï kïïga xadutudai Diuxi.

Hechos 12:11

Dai aidï gia máí go Piduru xi ïr buaboi daidi ikaiti, —Xibi gia ka máí aanï xi ïr buaboi ix Diuxi otoi gï tïañikarui dai ïgai kïïgakïrï gin busaitu xi ka mai soi gin buidadagi go Erodïxi dai ix ka mai biakagi aanï ix soimaaxi taatakagi go soimaaxkami ix makïdï gin duña agaitadai go judidiu— ikaiti Piduru.

Hechos 12:7

Daidi todian dukai ami gï maaxitu ïmo Diuxi tïañikarudï dai kïïga kudidikami bii go maixakarui. Daidi Diuxi tïañikarudï taata go Piduru kotabadï ïmo padïrï dai nïñitu daidi potïtïdai, —Otoma bañigi— itïtïdai. Tai otoma upai go kadena ixtukïdï burhikatadai Piduru ïïkadï.

Hechos 16:36

Daidi go nukadakami maixakarui potïtïdai go Pabora aidï, —Go dudunukami kaxi gin otoi ñoki ansaidi gïn dagitona. Imibïrai tudu dai maiti abïr ñokada aidï— itïtïdai.

Hechos 5:19

Dïï aidï tukarï dibia ïmo Diuxi tïañikarudï dai kukupioka kuukuparagadï go maixakarui dai bubaitu go ojotoxikami daidi itïtïdai,

Hechos 7:19

Dai idi Faraon naana dukai bupuirumada ïrhiditadai gïr aduñi dai sïïrhikïdï soimaaxi buididitadai. Gatïjai ïgai gïr aaduñi xi ïgai kiidana dagitona gïn maamara sai ïgai kona, ix makïdï ïr kïkïïrhi utudama bubuakiadï— ikaiti Tibañi.

Apokalipsis 12:14

Dïï gia Diuxi aanatu go oki ïmo gïï bhagai dukai dai daa ïgai dai daibuna jii oidigamu. Ami ayi ïgai ïmapïkïrï xako bhaiduitadai Diuxi ïgai bïïtarï. Dai ami nukagi Diuxi baika umigi dan tajukami. Mai bhaigakatadai go gïï kïixi kooyi maaxkami xi aiyagi ami.

Apokalipsis 12:4

Dai nïidi aanï xi bhajidïkïdï bui ïgai bhaitoma tajukami go xixabugai tïbagiana dai oidigi daama surhi. Dai bhodïrï buidïrï kïkiba ïgai go oki nonoakïdï. Nïnïraka ix busiagi go arhi odami dai ugiagai.

Apokalipsis 12:6

Daidi go oki daibuna mïï oidigamu dai ayi ïmapïkïrï xako ka bhaiduitadai Diuxi ïgai bïïtarï sai ami nukadakana Diuxi baika umigi dan tajukami.