Mataibo 18:35 - Northern Tepehuan Bible

³⁵ Dai potïtïdai ïgai ïpï sai, —Gï agai sai maatïkagi aapimï sai gin Oga ix makïdï tïbagiana daja podukai gïn duñimu aapimï ixdukai iduñi go rey go pioñi galtuigakïdï ix mai buaboikïdï oigïldadagi aapimï gïn aaduñi buaboitudadami xïxkadï soi gïn buidadagi ïgai— itïtïdai.

Tepehuan Northern: Diuusi ñiooquidʌ utuducami oodamicʌdʌ

³⁵ Cuugatʌrʌ povʌrtʌtʌdai ʌSuusi: ―Poduucai iduñia agai gʌrooga tʌvaagiʌrʌ aapimʌcʌdʌ issʌʌlicʌdʌ maitʌnoigʌliada aapimʌ aipacoga ―gʌrtʌtʌdai.

Mataibo 18:35 ပူးပေါင်းရင်းမြစ်များ

Mataibo 18:34

Dai kabami bhamu go rey dai gatïjai maixaragai dai aagidi ïgai go nukadakami ami maixakaruana sai kabami soimaaxi taatatuldana ïgai go pioñi galtuigakïdï asta xïïxkadï ukami bïïxi naato aa namïidagi ix makïdï buaturhi— Potïtïdai Suxi go mamaatïrdamigadï aagiditai ïmo maaxidaragai ñoki.

Mataibo 6:12

Dai gïr oigïldañi xïïxkadï soimaaxi ibuadagi aatïmï. Gïr oigïldañi ix dukatai oigïrhiña aatïmï jaa xïxkadï soi gïr buidadagi ïgai.

Markos 11:25

Xudu aataga agadagi aapimï ïmadï Diuxi dai gïn tïgitoagi xi ïmadutai soi gïn buididi abïr oigïlda tomax tuma soi gïn buididi ïgai. Aidï gia kïïgadu ix aatagada aapimï ïmadï Diuxi.

Markos 11:26

Ïma dukai gïn oga tïbagiïrï oidakïdï maitï gïn oigïldamu aapimï ïpï— itïtïdai.

Lukas 16:15

Daidi Suxi potïtïdai, —Aapimï fariseos naana maaxi aaduindagai ibuadana ix makïdï buañixikami maaxi odami buitapi ipïrhiditai sai odami buañixikami ïrhiadagi gïn iibhïdaga gïn nïiditai. Dïï gia Diuxi kïïga nïidi ix maaxi gïn iibhïdaga dai mai xu xi mosïkaxi nïidi ïgai ixtuma buadagi aapimï. Kïïga gï maatï tudu sai Diuxi tukuragai dukai nïidi naana maaxi ixtumaxi ix makïdï odami buañixikami dai namïakami aagai— itïtïdai.

Santiago 2:13

Diuxi aagada agai ix bhai kïïga idui aatïmï tudu. Dai gïn maakimu ïgai gïgïbidaragai ix mai soi ïlda nïijadagi aapimï jaa dai mai oigïldagi aapimï. Dïï gia ix soi ïlda nïijadagi aapimï jaa dai oigïldagi aapimï aidï gia mai biakamu aapimï ixtukïdï duduadikudagi xïïxkadï aagagi Diuxi ix bhai kïïga dui aapimï. Soi ïlda gïn nïijadamu ïgai aapimï ïpï tudu dai gïn oigïldamu.

Santiago 3:14

Dïï gia ix koimudadï tutiakagi aapimï dai mosïkaxi buamï gïn ïrhiadagi aapimï ïïgi gïn bïïtarï aidï gia mai kïïgadu gïn tïgibudaga. Ix po maaxkagi aapimï aidï gia maiti abïr pokaitada sai kïïgadu gïn tïgubudaga. Yaatagi gobai tudu.

Santiago 4:8

Kïïga abïr uraba Diuxi tudu dai kïïga ïïmada baidi ïgai aadïrï gïn ïïmadamu ïpï ïmo gïn aadunumï dukai. Aapimï ix makïdï soimaaxi ibuayi, dagitobïrai gïn soimaaxkamiga tudu. Mai kïï maatï aapimï ix bhai kïïgakïrï oijadagi Diuxi tïgibudadï xiïpï xi oijadagi go tami oidigi daama óídakami tïgibudadï. Gobai maiti ïr tïgibudadï Diuxi tudu. Mosïkaxi Diuxi tïgibudadï abïr oijada bhaiyoma.

Apokalipsis 2:23

Dai kodamu aanï ix makïdï ïïgidi aatagidï ïpï. Aidï gia bïïxi go buaboitudadami ix makïdï aipakoga gïn ïmpaidiña maatï nïijadamu sai aanï bïïxi maatï ixtumaxi tïtïitoi odami dai ixtumaxi ibuada ïrhidiña ïpï. Dai maatïkamu ïgai xi aanï maakimu ixtumaxi ajïakagi bïïxi odami. Gobai ïr go ñoki ix makïdï bia aanï go soimaaxi ibuadami bïïtarï.