Mataibo 18:31 - Northern Tepehuan Bible

³¹ Dai go gaa pipioñi kabami soi gïn ïjïrhi nïiditai ixtumaxi idui ïgai dai mïï aagidi go rey ix dukatai pogïduitadai.

Tepehuan Northern: Diuusi ñiooquidʌ utuducami oodamicʌdʌ

³¹ Amaasi ʌgaa pipiooñigadʌ ʌgʌʌ tʌaanʌdami tʌʌ gomaasi dai sʌʌlicʌdʌ soigʌnʌʌli dai iji dai mʌʌ aagidi ʌtʌaanʌdami vʌʌsi istumaasi ʌpʌdui.

Mataibo 18:31 ပူးပေါင်းရင်းမြစ်များ

Genesis 37:2

Idi ojai aagai aaduñdï go Jakobo. Ïmadutai go oki ix makïdï Jakobo ïmadï dakatadai Bhilka tïgidu dai ïmai Silpa. Maamaradï go Bhilka ïmadï Silpa nukadakana Jakobo sosoigadï kañiñiru dai Jose soikïiña. Go Jose ïr maradï go oki Rakel tïgidukïdï ix makïdï ïmadï dajatadai go Jakobo ïpï. Aidï go Jose biakatadai bhaibuxtama dan kubarakami umigi. Dai xudu mai kïï buadana xixïgidï sai Jose mïï aagidiña ogadï.

Mataibo 14:9

Daidi go rey sïïrhikïdï soi gï ïrhi. Dïï kaxi gï baitadai ïgai buidïrï go bapaidadї dai kaxkïdï biakatadai ix maakiagi.

Mataibo 18:28

Dïï gia sïïrhikïdï galtuigakatadai go pioñi dai jii ïgai abhiadïrï dai maigobai tïï ïmai pioñi ix makïdï buaturhitadai chïki tuminxi. Dai kuxiboana bhïiyi dai karhioga burhiji daidi potïtïdai, —Gin aa namïidañi xïïxi gin buaturhi aapi— itïtïdai.

Mataibo 18:30

Dïï go pioñi galtuigakïdï maiti ipïrhi dai bhaiyoma gatïjai maixaragai asta xïïxkadï bïïxi aa namïidagi ïgai.

Mataibo 18:32

Daidi go rey báí go ix makïdï mai kïï iduitadai daidi potïtïdai, —Agia galtuiga aapi pioñi— itïtïdai. —Gin daanïitadai aapi dai kaxkïdï soi gïrhi aanï aapikïdï dai gï oigïrhi aanï bïïxi pïx makïdï gin buaturhi aapi— itïtïdai.

Markos 3:5

Baidi go Suxi kabami nïnïidi bhaamudakïdï dai soi gï ïrhi nïiditai xïï ïr kaapakami iibïadï ïgai. Dai potïtïdai ïgai go kokoadï aidï, —Sïïrhiñañi gï ïka— itïtïdai. Tai ïgai sïïrhi dai ka duadixikami bii.

Lukas 14:21

Daidi go pioñi mïï aagidi amudï ix tïtïdai go gaa. Daidi bhamutu go ga amu dai potïtïdai ïgai pioñigadï, —Imiñi otoma aipakoga amïï kayana dai plasana dai bhaigobai buapa bïïxi go soititigami dai ix makïdï mai bhaiga aaduindagai. Bhaigobai buapa ix makïdï maiti ixtutuidikïi ix ajiopadagi dai ix makïdï mai nïayi tudu— itïtïdai.

Lukas 19:41

Daidi bhodïrï ka miadïrï aijimi go Suxi Jerusalenïrï dai suakimi ïgai nïiditai

Romanos 12:15

Xïïxkadï bhai gïn ïrhiadagi gïn aaduñi Diuxiamadïrï, aapimï abïr bhai gïn ïrhiada ïpï. Dai xudu soi gïn ïrhiadagi ïgai, aapimï abïr soi gïn ïrhiada ïpï ïgai ïmadï.

2 Korintios 11:21

¿Ipïrhidi mïxi ix podukai kabami gïn tïanïdagi aatïmï ïpï? ¿Po gïn ïrhidi mïxi ïpï sai mai kïïga ibuayi aatïmï mai kabami gïn tïanïitai ix dukai ibuayi go gaa? Daiñi, ïgai ix makïdï gin bui ñokaiña mai xaïraitai gïgïrdukïdï gïn aagaiña ïïgi. Naana maaxi aagaiña ïgai maaxituda ïrhiditai saidi bia ïmo kabami namïakami sïïrhikami tudu. Dïï gia aanï aagai sai kïïga ixtutuidi aanï xi naana maaxi aagagi podukai ïpï mai xaïraitai.

Hebreos 13:17

Gin aaduñi, ïïgiadabïrai gïn bhaitï gukakamiga Diuxi amadïrï. Kaxkïdï tudu gïn nukadai ïgai sai kïïga imïna gïn buaboidaraga. Dai biakamu ïgai ix Diuxi buitapi gukibagi dai aagadagi ixtuma dui ïgai gïn nukadatai. Kïïga abïr ibuada tudu sai ïgai bhai gïn ïrhidiña gïn nukadatai dai maiti abïr ibuada ixtumaxi ixtukïdï soi gïn ïrhiadagi ïgai.

Hebreos 13:3

Gï agai ïpï xi gïn tïgitokagi dai buamï gïn ïrhiadagi bïïtarï gïn aaduñi Diuxi amadïrï ix makïdï gïn maamaixatu buaboidaradïkïdï. Gï agai xi ïpïan taadakagi aapimï sai maamaixapikamudai ïmadï. Dai podukai ïpï gï agai xi buamï gïn ïrhiadagi aapimï bïïtarï gïn aaduñi ix makïdï soimaaxi taatamaimi soimaaxi buididitai jaa. Buamï abïr gïn ïrhiada ïpïan dukai sai aapimï gïn soi buidadamudai jaa ïpï. Po kaxi abïr oigïdada gïn aaduñi tudu.