Mataibo 18:11 - Northern Tepehuan Bible

¹¹ Dai kia gamamaakai Suxi ñoki go odami daidi potïtïdai ïgai, —Aanï ïr go otosadï Diuxi ix makïdï ïmo kïïrhi busai dai dibia aanï kïïgakïrï bubaida iñagaitai odami ix makïdï ïr kuga imiadï Diuxi bïïtarï—.

Tepehuan Northern: Diuusi ñiooquidʌ utuducami oodamicʌdʌ

¹¹ Dai aanʌ ismaacʌdʌ viaa ʌmo sʌʌlicami divia dai cʌʌgacʌrʌ vuvaida iñagai soimaasi ivuaadami ʌgai ʌrsibʌ iimiadʌ Diuusi vʌʌtarʌ.

Mataibo 18:11 ပူးပေါင်းရင်းမြစ်များ

Mataibo 10:6

—Iimibïrai kiikidïrï gïr aaduñi judidiu ix makïdï óídaga tami Israelïrï bhaiyoma. Ïgai tudu ix makïdï ka dagito Diuxi dai mos ïr kuga imiadï kañiñiru dukai— itïtïdai.

Mataibo 15:24

Dïï gia Suxi potïtïdai, —Diuxi gin otoi an saidi soiñana gïr aaduñi judidiu ix makïdï óídaga tami Israelïrï. Kuga iimïdami kañiñiru gïn dukami ïgai tudu. Dai maiti ïr sïïrhi xi soikïda aanï go oki. Maiti ïr Israelita gobai kaxkïdï. Ïmo xibhïadïrï oidakami gobai tudu— itïtïdai.

Mataibo 18:12

—Daiñi— itïtïdai. —Xi ïmo odami sosiakagi ïmo ciento kañiñiru dai ïmoko soigadï kuga imiagi, ¿Bhai ix mai dagitona ïgai go gaa bamioma muidu kañiñiru ix makïdï kïï daraka nobai ïmo gidana dai mïï gaagana ïgai go ïmadugakïdï ix makïdï ïkobai xibhï jii? Ïjï tudu.

Mataibo 9:12

Dai Suxi kaï daidi potïtïdai, —Daiñi, kïï maatï aapimï sai odami ix makïdï mai kokokoñi mai aagai duduadadami. Dïï gia ix makïdï kabami kokokoñi ïgai gia aagai gobai— itïtïdai Suxi go fariseos.

Lukas 15:24

Ka mukiadï ïrhiditadai aanï idi in maara di. Dai xibi tami duakakami kïïka. Xibhï imiadïkatadai gobai dai xibi ka tïï aatïmï ïpamu— itïtïdai go kïrhiodami go pipioñi daidi idui bagimi.

Lukas 15:32

Dïï gia xibi ka dibia gï sukurhi. Aatïmï ïmo mukiadï ïrhiditadai dai xibi ka duakatu. Xibhï imiadïkatadai ïgai dai xibi ka tïï aatïmï ïpamu. Kaxkïdï gï agai xi bagimituda aatïmï di— itïtïdai.

Lukas 19:10

Daiñi aanï ïr otosadï Diuxi ix makïdï ïmo kïïrhi busai dai dibia aanï gaaga iñagaitai odami ix makïdï ïr xibhï iimiadï Diuxi bïïtarï. Dai aapi Zakeo ïr ïmoko ix makïdï gaagaitadai aanï. Dibia aanï dai kïïgakïrï bubaida iñagai soimaaxi ibuadami tudu— itïtïdai.

Lukas 9:56

Daidi potïtïdai, —maiti gï agai xi soimaaxi daiturhiada óídakami podukai— itïtïdai. Dai bhaiyoma mos iji ïgai abhiadïrï dai xibhïadïrï iji ïmai kiikiïrï.

VUAANA 10:10

Daiñi, go bhaitï gukakami ïïxibogami mos soi buadana odami. Ïpïan buadana ïgai ïïxibogami ix makïdï gaïïxiada ïrhidi dai kodada ïrhidi kañiñiru. Dïï aanï mai podukai aatabuayi. Aanï gia dibia sai kïïgakïrï óídakana aapimï kïïga biakatai bïïxi ix tumaxi gï agadagi gïn iibhïdaga bïïtarï— itïtïdai.

VUAANA 12:47

—Aanï mai gïpiïrï surhiga iñagai odami dai dibia dai bhaiyoma dibia aanï dai kïïgakïrï bubaida iñagai odami. Kaxkïdï aanï mai aagaiña xorai biaka agaiña gïgïbidaragai maiti gin ïïgiditai.

VUAANA 3:17

Diuxi gin otoi oidigi daama mai xu sai aagana aanï ix tuma gïgïbituldaragai ajïga óídakami. Gin otoi ïgai bhaiyoma an sai kïïgakïrï bubaidana óídakami— itïtïdai Suxi.

1 Tomoteo 1:15

Daiñi, pokaitiña aatïmï sai dibia Suxi Kristo tami idi oidigi daama kïïgakïrï bubaida agaitai soimaaxi buadami dai kïïga ïr buaboi gobai. Kaxkïdï tudu bamioma ïr soimaaxi buadami aanï xi bhai toma xorai dai bïïxkïrï kïïgakïrï gin busaitu ïgai.