Mataibo 17:20 - Northern Tepehuan Bible

²⁰ Dai Suxi potïtïdai, —Mai kïïga buaboitudai aapimï kaxkïdï. Daiñi, tomaxi mosïkaxi palïpi buaboitudamudai aapimï bhaigakamudai aapimï xi potïdagi ïmo tubidaki sai maigobai kïkibana dai otoma gïn ïïgiadamudai go tubidaki dai maigobai imimudai. Mai tipukamudai ixtumaxi gïn sobhidagi tomaxi mosïkaxi palïpi buaboitudadamudai aapimï tudu.

Tepehuan Northern: Diuusi ñiooquidʌ utuducami oodamicʌdʌ

²⁰ Taidʌ ʌSuusi povʌrtʌtʌdai: ―Aapimʌ maicʌʌga giñvaavoitudai cascʌdʌ. Ismaacʌdʌ gʌnaagidi aanʌ ʌrvaavoi. Sai iscʌʌga giñvaavoitudadamudai aapimʌ aidʌ gia istutiadamudai aapimʌ isivuaadagi istumaasi tomasi sʌʌlicʌdʌ sijaiga.

Mataibo 17:20 ပူးပေါင်းရင်းမြစ်များ

Mataibo 13:31

Daidi Suxi aagai ïmo maaxidaragai aatagi daidi potïtïdai ïgai go odami, —Gïn aagidamu aanï ix dukatai aatabuayi Diuxi gatïanïitai ïgai. Daiñi, xïïxkadï gatïanïdagi Diuxi, gobai ïpïan ibuayi ïmo uxi kaidï kïïga arhidukami ix makïdï ïsadagi ïmo kïïrhi dïbïradïana.

Mataibo 14:29

—Gimi tudu— itïtïdai Suxi. Daidi busai go Piduru go barkoañdïrï dai aimïraitadai sudagi daama dai mïï buidïrï aji agai Suxi.

Mataibo 17:17

Daidi itïi Suxi aidï, —Aapimï óídakami xibi sïïrhikïdï mai kïïga buaboitudai dai sïïrhikïdï ïr soimaaxi ibuadami. Ka mui naana maaxi maaxidaragai ibuadana aanï dai modukai maiti gin buaboitudai aapimï tudu. ¿Bïï tïbïpi ukami gï agadamu xi gïn ïmadï dakagi aanï kia dai ibuadagi maaxidaragai ipïrhiditai sai gin buaboitudada aapimï?— itïtïdai. Dai bhodïrï potïtïdai, —Bhaigobai abïr buapa go kokoadï tudu— itïtïdai.

Mataibo 17:19

Dai gokiïrï go mamaatïrdami ïkobai aataga ïmadï Suxi daidi potïtïdai, —¿Ix tuixi aatïmï maiti ixtui ix busaidagi go tïañikarudï go diabora go gïïrhiañdïrï?— itïtïdai.

Mataibo 17:9

Bhodïrï aidïxi ka tïapañimitadai ïgai tubidakiañdïrï saidi Suxi potïtïdai ix makïdï oiditadai, —Xibi abïr mai kia aagada ix tuma tïï aapimï tubidakïrï— itïtïdai. —Dïï gia mukukai aanï ix makïdï ïr Diuxi otosadï dai gokiïrï gin duakatudakai aanï ïpamu aidï gia abïr aagada ix tuma tïï aapimï xibi— itïtïdai.

Mataibo 21:21

Dai Suxi potïtïdai, —Gin tïgito abïr kaï ixtumaxi gïn aagidamu aanï. Kïïga ïr buaboi gobai tudu. Daiñi, xi kïïga buaboitudagi aapimï aidï gia bhaigakamu aapimï xi ibuadagi ixdukai idui aanï go igoxi dïïdïkïdï ïpï. Dïï gia maiti gï agai sai po gïn ïrhiadagi sai mai kïïga maatï aapimï ix bhai ïr buaboi sai ixtutuidikïi Diuxi ix ibuadagi ixtumaxi tanïdagi aapimï. Ix kïïga buaboitudagi aapimï aidï gia asta bhaigakamu aapimï xi potïdagi ïmo tubidaki sai maigobai imïna dai sai go gïï sudagiïrï gïsïna tudu dai gobai gïn ïïgiadamu— itïtïdai.

Mataibo 8:26

Dai Suxi potïtïdai, —¿Ix tuixi duduadimuka aapimï? Sïïrhikïdï mai kïïga gin buaboitudai aapimï xorai aanï tudu— itïtïdai. Dai bhodïrï bañi go Suxi dai ñokidi ïgai go ïbïrhi ïmadï sudagi dai otoma dodorhi bii gobai.

Markos 11:22

Dai Suxi potïtïdai, —Gï agai mïx buaboitudadagi Diuxi— itïtïdai.

Markos 11:23

Daiñi, xi ïmadutai kïï buaboitudadagi dai tïdagi ïmo gidi, —Imïdañi marïrï dai mïï gïxi, mos pobï duñimu gobai, ix ïmadutai kïïgakïrï buaboitudada tudu.

Markos 4:31

—Gïn aagidamu aanï ix maaxi gobai. Oidaga ïmo ïxikami kaidï ix makïdï ïpïamaaxi go korabi kaidï dïï mos arhidioma ïgai xi tomax tuma kaidï.

Markos 9:23

—¿Dukatai gin tïkakai aapi sa bhai ixtutuidikïi aanï?— ikaiti Suxi. —Daiñi, ix makïdï buaboitudai bïïtarï mai tipu ixtumaxi mai bhaiga, kïï bhaiga bïïxi aïkatai— ikaiti Suxi.

Lukas 1:37

Mai tipu xijiakami Diuxi bïïtarï di— itïtïdai.

Lukas 17:6

Daidi Suxi potïtïdai, —Daiñi— astïdai. —Tomaxi mosïkaxi ïpïan ïxi buaboitudagi aapimï ix xïiduru ïmo korabi kaidï. Tomaxi pokaxi buaboitu aapimï bhaigakamu aapimï xi potïdagi ïmo gïï uxi sai ïïgi gï takopigana dai go gïï sudagiïrï gïsïna bai go uxi gïn ïïgidamu— itïtïdai.

Lukas 18:27

Dai Suxi potïtïdai, —Buaboi aba sai óídakami mai bhaiga xi kïïgakïrï gïn bubiadagi ïïgi ïgai. Dïï gia Diuxi kïïga ixtutuidikïi xi kïïgakïrï bubiadagi— itïtïdai.

VUAANA 11:40

Daidi go Suxi itïtïdai, —¿Maiti ix gï aagidi aanï sai nïidamu aapi xïïxi ïr gïdukami Diuxi buaboitudakai aapi?— itïtïdai.

1 Korintios 12:9

Dai jaa mamaakai ïgai gubukarhigai saidi kïïga buaboitudaiña ïgai Diuxi bïïxi aïkatïrï. Dai jaa mamaakai ïgai gubukarhigai sai duduadaiña kokokoñiadï. Naana maaxi gubukarhigai bia buaboitudadami tudu dai Diuxi Ibhïadï ïgai dai maakai.

1 Korintios 13:2

Tomaxi bhaigakagi ïmoko ix naana maaxi ibuadagi dïï ix mai oigïdadagi ïmoko jaa gobai ix makïdï ibuadagi ïmoko maiti ïr soiñi. Daiñi, tomaxi ïr ïmo Diuxi ñokituldiadamigadïkagi ïmoko dai maatïkagi bïïxi Diuxi tïgibudadï ix makïdï maiti gïr aagidi kia dai tomaxi maatïkagi ïmoko bïïxi aïkatai dai tomaxi kïï gubuakagi buaboidaradï dai asta bhaigakagi aagidagi ïmo tubidaki sai maigobai imïna dai go tubidaki kïïga ïïgidagi ¿Tumaxi ïr soiñi gobai ix mai oigïdadagi ïmoko jaa?

Hebreos 3:19

Mai buaboitu ïgai tudu dai kaxkïdï ka maiti ixtui ïgai bapakiagi dïbïradïrï xako biaka agaitadai ïgai ibhïxtaragai.