Mataibo 17:18 - Northern Tepehuan Bible

¹⁸ Dai bhagaidi Suxi go tïañikarudï go diabora ix makïdï ïrana dakatadai go gïïrhi dai otoma busai ïgai dai ka duadixikami bii go kokoadï.

Tepehuan Northern: Diuusi ñiooquidʌ utuducami oodamicʌdʌ

¹⁸ Dʌmos ʌSuusi aagidi ʌDiaavora tʌaañicarudʌ sai dagitona ʌali gʌʌli dai camaiʌʌmadu daacana. Tai ʌgai vuusai ʌali gʌʌliaiñdʌrʌ, tai ʌali gʌʌli todian duucai duaadicami vii.

Mataibo 17:18 ပူးပေါင်းရင်းမြစ်များ

Mataibo 12:22

Ïmo imidagai go óídakami buapi Suxi ïmo kïïrhi biakami ïmo tïañikarudï go diabora ïrana. Go kïïrhi mai nïadatadai dai mai bhaigakatadai ñokadagi ïpï. Dai Suxi duadi ïgai dai kïïga ño ïpamu dai kïïga nïnïaba.

Mataibo 15:28

Daidi Suxi potïtïdai, —Agia kïïga aagai aapi oki. Kïïga buaboitudai aapi tudu— itïtïdai. —Ka busaimu go Diabora tïañikarudï ix makïdï gï maara ïrana dajatadai— itïtïdai. Dai aidïpïrï ka kïïga duayi maradï go oki.

Mataibo 17:17

Daidi itïi Suxi aidï, —Aapimï óídakami xibi sïïrhikïdï mai kïïga buaboitudai dai sïïrhikïdï ïr soimaaxi ibuadami. Ka mui naana maaxi maaxidaragai ibuadana aanï dai modukai maiti gin buaboitudai aapimï tudu. ¿Bïï tïbïpi ukami gï agadamu xi gïn ïmadï dakagi aanï kia dai ibuadagi maaxidaragai ipïrhiditai sai gin buaboitudada aapimï?— itïtïdai. Dai bhodïrï potïtïdai, —Bhaigobai abïr buapa go kokoadï tudu— itïtïdai.

Mataibo 17:19

Dai gokiïrï go mamaatïrdami ïkobai aataga ïmadï Suxi daidi potïtïdai, —¿Ix tuixi aatïmï maiti ixtui ix busaidagi go tïañikarudï go diabora go gïïrhiañdïrï?— itïtïdai.

Mataibo 9:22

Dai gokiamako nïnïaba go Suxi daidi potïtïdai, —Bhai gï ïrhiada aapi oki. Ka kïïga buaboitu aapi dai kaxkïdï ka duayi aapi— itïtïdai. Dai mos potïkai Suxi otoma duayi go oki.

Markos 1:34

Dai Suxi duduadi mui naana maaxi kokodagai bipiakami dai bubaitu odamiañdïrï mui Diabora tïtïañikarudï. Go Diabora tïtïañikarudï kïï maatï go Suxi dïï ïgai mai daadagitoiña ix ñokada ïgai xi mai maaxiko buajana odami buitapi xorai ïgai.

Lukas 4:41

Dai mui bubaitu ïgai diabora tïtïañikarudï odamiañdïrï ïpï. Dai go diabora tïtïañikaru gïgïrï ñokaiña aidï daidi ikaitiña, —Aapi Suxi ïr Diuxi Maradï— ikaitiña. Dïï gia Suxi bhagaidiña ïgai dai aagidiña sai mai aagaiña xorai ïgai. Kïïga maatïkatadai go diabora tïtïañikarudï saidi ïr Diuxi Otosadï go Suxi tudu.

Lukas 9:42

Daidi kia miadïrï imïitadai go gïrhi xako daja go Suxi bai go diabora tïañikarudï dïbïriana daitu ïpamu dai suikiturhi. Dai Suxi bhagakarai go diabora tïañikarudï dai aagidi sai dagitona bai go gïrhi duayi. Dai bhodïrï Suxi tïïgi go gïrhi ïpamu ogadï.

Hechos 16:18

Mui tasai mos pobuayi ïgai dai tïbïpikïdï ojogi Pabora mos kaïkatai dai ajako kïkiba daidi bhagaimi go diabora tïañikarudï ix makïdï arhi oki ïrana dakatadai, —Suxi Kristo gubukadadïkïdï an gï aagidi pïsai busaiña go okiañdïrï— itïtïdai. Mos potïi ïgai dai otoma busai go diabora tïañikarudï.