Mataibo 17:10 - Northern Tepehuan Bible

¹⁰ Daidi go baika mamaatïrdamigadï ix makïdï oiditadai potïtïdai go Suxi, —Kïïga maatï aatïmï sai aapi Suxi ïr go otosadï Diuxi ix makïdï nïnïrakatadai aatïmï judidiu ïïki abhiadïrï. Dïï gia pokaitiña go tïtïïgiadami sïïrhikami sai gï agaitadai xi dibiagi go Elias ïpïgioma xi aapi. ¿Ix tuixi pokaiti ïgai?— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹⁰ Amaasi ʌmamaatʌrdamigadʌ tʌcacai ʌSuusi daidʌ itʌtʌdai: ―¿Tuisidʌ icaiti ʌmamaatʌtuldiadami Diuusi sʌʌlicamigadʌ saidʌ ʌEliiasicaru viaacatadai isdiviagi ʌʌpʌga isaapi? ―astʌtʌdai ʌmamaatʌrdamigadʌ.

Mataibo 17:10 ပူးပေါင်းရင်းမြစ်များ

Mataibo 11:14

Dai xibi gï agai sai buaboitudagi aapimï ixtumaxi gïn aagidamu aanï. Daiñi, aanï aagai sai go Juan ïr go Eliaskaru gï dukami ibuadatai ïgai go Elias aaduindadï. Go Juan ïr go ñokituldiadamigadï Diuxi ix makïdï gï agaitadai sai dibiagi tudu. Dibia ïgai bhai buada agaitai iibhïadï óídakami saidi gin buaboitudaiña ïgai. Saidi gin buaboitudaiña ïgai aanï ix makïdï ïr Diuxi otosadï dai ïr gatïanïdami tudu.

Mataibo 16:14

Dai mamaatïrdamigadï potïtïdai, —Ïïmoko pokaitiña pïsaidi ïr go Juankaru ix makïdï bapakonaiña odami dai jaa pokaiti pïsaidi ïr go Eliaskaru, dai jaa pokaiti pïsaidi ïr go Jeremiaskaru xiïpï ïmai ñokituldiadamigadï Diuxi— itïtïdai.

Mataibo 17:11

Daidi Suxi potïtïdai, —Buaboi aba sai gï agaitadai sai ïpïgioma dibiagi go Elias dai bhai duñagi bïïxi ix tumaxi dai bhodïrï ïpamu dibiamu aanï ix makïdï ïr go Kristo gatïanïda iñagaitai. Aanï ïr go otosadï Diuxi ix makïdï ïmo kïïrhi busai tudu. Dai aanï aagai saidi ka dibia go kïïrhi Elias ix makïdï gï agaitadai xi gin bhaitïki dibiagi. Dïï gia go óídakami mai máí dai soi buididi mai biakatai ix tuixi podukai buidadagi. Dai aanï bia xi naana maaxi soimaaxi taatagi ïpï soi gin buididitai óídakami ïpï— itïtïdai.

Markos 9:11

Daidi gatïkakai ïgai go Suxi, —Tuixidï ikaiti go maatïtuldiadami sïïrhikami saidi Elias ïpïga biakatadai ix dibiagi xi aapi— itïtïdai go ix makïdï oiditadai.

VUAANA 1:21

Daidi ix makïdï Jerusalenañdïrï dada dai gatïkakaimi itïtïdai aidï, —¿Borai aapi aidï?— itïtïdai. ¿Aapi pïxi ïr go Eliaskaru?— itïtïdai. —Cho— itïtïdai Juan. —¿Aapi pïxi ïr go aagadami Diuxi ñokidï ix makïdï nïnïraka aatïmï judidiu?— itïtïdai go gaa. —Cho— itïtïdai Juan. —Aanï maiti ïr ïgai— itïtïdai.

VUAANA 1:25

Daidi gatïkaka ïgai go Juan daidi itïtïdai aidï, —¿Ix aapi maiti ïr go Ga Tïanïdami ix makïdï Diuxi otosa agai tuixi gabapakonai aidï odami?— itïtïdai. —Dai pokaiti aapi sai maiti ïr go Eliaskaru dai tomarhi maiti ïr go aagadami Diuxi ñokidï ïpï ix makïdï nïnïraka aatïmï judidiu. ¿Ix tuixidï gabapakonai aapi odami?— itïtïdai.