Mataibo 16:24 - Northern Tepehuan Bible

²⁴ Daidi bhodïrï Suxi potïtïdai mamaatïrdamigadï, —Gïn aagidamu aanï ix dukatai gï agai xi ibuadagi odami ix makïdï ipïrhiadagi saidi ïr gin mamaatïrdamigakagi. Gï agai xi dagitoagi ïgai ïïgi tïgibudadï. Ka maiti gï agai xi ibuadagi ïgai ïïgi ixtumaxi ipïrhiadagi ïgai tudu. Xorai gin oijada ïrhiada gï agai bhaiyoma xi bïïx tasai kusukan dukai imïdagi go kuruxi ixtukïdï gï muatuda aagai ïgai. Gobai itïiya ïrhidi sai gï agai xi bïïx tasai bhai gï dukagi ïgai ix soimaaxi taatagi dai asta sai gï muatudagi gin oiditai. Aidï gia bhaigakamu ïgai xi gin oijadagi daidi ïr gin mamaatïrdamigakagi. Ïma dukai gia cho— itïtïdai.

Tepehuan Northern: Diuusi ñiooquidʌ utuducami oodamicʌdʌ

²⁴ Amaasi ʌSuusi povʌrtʌtʌdai aatʌmʌ: ―Isʌmaadutai giñʌʌgiada ʌliada maitʌaagai isʌʌgi gʌtʌgitocagi dai gʌaagai isvʌʌs tasai baigʌducagi siʌduñiada gʌmuaatuda ʌgai giñvaavoitudaitai daida giñʌʌgiadagi.

Mataibo 16:24 ပူးပေါင်းရင်းမြစ်များ

Mataibo 10:38

—Daiñi, kïïga maatï aapimï ix tuma bïïtarï go kukuruxi, sai ami xixixai óídakami go soimaaxi ibuadami dai naana dukai soimaaxi buididiña ïgai ami kukuruxiana. Podukai aapimï ïpï gï agai xi bhai gïn dukagi ix soimaaxi taatagi xïxkadï soimaaxi ibuadami dukai gïn nïijadagi óídakami gin urabakatai aapimï. Ix mai bhai gïn dukagi aapimï xi soimaaxi taatagi podukai gin oiditai aidï gia maiti ïr gïn ajïakami aapimï xi gin urabakagi— itïtïdai.

Mataibo 27:32

Kaiyañdïrï iimïi ïgai dai ayi ïmo kïïrhi Sireniañdïrï oidakami, Ximuñi tïgidu ïgai. Dai go sandadaru gubukadakïdï tïjai sai kusubana ïgai go kuruxi.

Markos 10:21

Dai Suxi oigïda tïï go kïïrhi daidi potïtïdai, —Aidï gia mosïkaxi biïga pïxi gaagaragi gï buxtuidaga dai óídagi go tuminxi go soi titiigami pai gï biidakagi aapi aïkai Diuxi ïmadï tïbagiïrï. Poduñi aapi dai gokiïrï dibia dai gin oijada— itïtïdai Suxi.

Markos 15:21

Kaiyañdïrï iimïi ïgai tai ayi ïmo kïïrhi Sireniañdïrï oidakami, Ximuñi tïgidukami. Alejandro ïmadï Rufo ogadï ïgai. Oidigañdïrï imïi ïgai tai go sandadaru gubukadakïdï gatïjai sai kusubaka ïgai go kuruxi.

Markos 8:34

Amaxi go Suxi báí mamaatïrdamigadï ïmadï go gaa odami ix makïdï ami darajatadai sai miadïrï gukakana daidi potïtïdai, —Xi ïmadutai gin oidatukuda ïrhiada gï agai xi mai ïïgiada ïgai ïïgi tïgibudadï dai gï agai xi bhai gï dukamikagi ïgai ix gï muatudagi jaa kuruxiabha gï xixakai. Ix makïdï bhai gï dukamikagi podukai gï agai xi gin oidatukuda.

Lukas 14:27

—Gï agai ïgai xi gin ïpïan buadagi dai bhai aagagi xi soimaaxi taatagi dai asta xi gï muatudagi ïgai gin oiditai. Gï agai xi bhai aagagi ïgai xi asta xixatudagi ïgai ïmo kuruxiana in oiditai tudu. Ïma dukai mai bhaiga ïgai xi ïr gin mamaatïrdamigakagi ïgai— itïtïdai.

Lukas 23:26

Dai aidïxi go sandadaru ka baidakatadai ïgai go Suxi dai ka kuruxiana xixa agai sai nobai kaiyana ayi ïgai ïmo Sireñiïrï oidakami Ximuñi tïgidukami. No xibhï dïjoañdïrï imïitadai go kïïrhi dai go sandadaru bhïiyi dai daama dáí go kuruxi sai kusukana dai aagidi sai oidana ïgai go Suxi.

VUAANA 19:17

Daidi bhodïrï go sandadaru bhïiyi go Suxi dai baidakai ïmo gidiïrï xako odami modïrï tïgidu. Dai ami Gólgota tïgidu Hebreokïdï ïpï. Daidi go Suxi ïïgi kusuba iimïi kuruxigadï.

VUAANA 21:19

Potïtïdai Suxi aagiditai ixdukatai gï agaitadai ix mukiagi go Piduru. Dai podukai mukukai go Piduru sai maaxituda agai xïïxi ïr gïdukami Diuxi. Dai bhodïrï Suxi itïtïdai, —Gï agai tudu ix apia gin urabakagi aapi— itïtïdai.

VUAANA 21:22

Daidi go Suxi itïtïdai, —Ix ipïrhiadagi aanï ix kia oidakagi gobai asta xïïxkadï ïpamu dibia aanï, gokïdï maiti gï agai ix buamï ïrhiada aapi. Aapi mos sai gin urabaka— itïtïdai.

Hechos 14:22

Dai dïgabunukai ïgai bïïxi go kiikiïrï ïgai gamaakaiña gubukadagai abhana go buaboitudadami daidi gaabïnakidiña xi kïïgakïrï buaboidaiña ïgai. Dai aagidimi ïgai sai gï agaitadai kia xi odami naana maaxi soi ïrhiaragai taatagi xi gokiïrï ayimu ixtuigako gatïanïda agai Diuxi.

Kolosenses 1:24

Gin aaduñi Diuxi amadïrï, aanï soimaaxi taatamai xibi ibuadatai ïmo aaduindagai ix makïdï ïr soiñi gïn bïïtarï. Dïï gia tomaxi soimaaxi taatakagi aanï bïïxkïrï bhai gin ïrhidiña aanï maatïkatai sai aapimï gïn bïïtarï soimaaxi taataimi aanï. Daiñi, Suxi Kristo soimaaxi taata go buaboitudadami bïïtarï baasïkioma dai xibi aanï in ajïga xi soimaaxi taatagi go buaboitudadami bïïtarï ïpï ïpïan dukai ïgai.

1Tesalonicenses 3:3

Kïï maatï aatïmï sai soi gïn buididiña jaa tudu. Dai maiti ipïrhidi aatïmï ix gokïdï ipïrhiadagi tomarhi ïmadutai aapimï ix dagitoagi gïn buaboidaraga. Kaxkïdï gïn otoxi aatïmï go Timoteo. Kïï maatï aapimï tudu sai podukai dáí Diuxi sai soimaaxi taatagi aatïmï soi gïr buididitai jaa.

2 Timoteo 3:12

Pomaaxkamu aatïmï gïr bïïtarï ix makïdï bïïna daraka Suxi Kristo dai ix makïdï kïïga xadutudaitai óídaka rïrhidi. Mai biïgaka agai xorai soi gïr buidadagi tudu.

1 Pedro 2:21

Kïïgakïrï gïn bubaitu Diuxi mïsai kïïga ibuada aapimï tudu. Dai ïgai ipïrhidi sai apia kïïga ibuada aapimï tomaxi soimaaxi gïn taataturhiadagi jaa kïïga ibuadatai aapimï. Suxi Kristo soimaaxi taata kïïga ibuadatai ïgai tudu dai gï agai sai kïïga gïn tïgito nïidagi ixdukatai ibuadana ïgai dai podukai ibuadagi aapimï ïpï.