Mataibo 16:18 - Northern Tepehuan Bible

¹⁸ Daiñi Ximuñi, aapi Piduru tïgidu ïpï, ix makïdï itïiya ïrhidi odai. Dai aanï aagai sai aapikïdï gin aaga iduñimu aanï ïmo gïdukami aaduindagai. Aapi ïpïan dukamika agai ïmo odai ix makïdï dasagi ïmo kïsadami baaki gï aga dasakai simientogadï ïmo baaka. Aapikïdï gin aaga iduñimu aanï ïmo aaduindagai soikïitai mui óídakami saidi gin buaboitudana. Dai ïgai ix makïdï gin buaboitudada agai ïr gin kiupaiga dukaika agai. Ïrana dakamu aanï ïgai kaxkïdï. Dai maitïmu ïgai buidïrï bïïtïkamigadï. Maitïmu ïgai asta go mukigami bui tudu— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹⁸ Dai aanʌ angʌaagidi sai aapi Piiduru aagiada agai oodami ansai aanʌ ʌrcʌʌgacʌrʌ vuviaadami dai muidutai giñvaavoituda agai dai ʌgai gia cʌʌgacʌrʌ vuvaidamu aanʌ, dai tomasi coiyagi vʌʌscʌrʌ ʌmo imidagai ʌpamu duduaacamu vʌʌscatai.

Mataibo 16:18 ပူးပေါင်းရင်းမြစ်များ

Jonas 2:6

ami go gïï sudagi uta, go gïgïrï tutubidaki soniri. **** Kaxi tïbaitadai aanï xako bipiïyi koidadï dai ka kupikatadai kuparadï bïïxkïrï bïïtarï. Dïï gia bïïxkïrï aapi Diuxi gin Tïanïdamiga, aapi gin busaitu abhiadïrï go yaasakaruañdïrï.

Mataibo 10:2

Tami aagai ix tïtïgidu go ojotosadï Suxi. Ïmoko Ximuñi tïgidu. Ïgai ïr ix makïdï Piduru tïïtï Suxi gokiïrï. Dai ïmai otosadï Suxi Andïrïxi tïgidu. Ïgai ïr sukurhidï go Ximuñi Piduru. Dai ïpï goka ix makïdï Santiago dai Juan tïtïgidu. Ïgai ïr maamaradï go Sebedeo.

Mataibo 11:23

—Dai bia aanï ïmo ñoki aapimï Kapernaumïrï óídakami gïn bïïtarï ïpï. Aapimï pobïnïrhidi sai tïtïidi agai tïbagiamu dïï aanï agai sai bhaiyoma surhigimu aapimï go gïï tukabakami dïgakïrï. Ami surhigimu aapimï xako Hades tïgidu ami xako maamaixapi koidadï tudu— itïtïdai Suxi. —Daiñi— itïtïdai. —Kïï maatï aapimï sai Diuxi bïï naato koi go Sodomïrï óídakami ïïki dai xia dodai kiikidї kabami soimaaxi ibuadamikatai ïgai. Dïï gia aanï aagai sai ix nïijadamudai ïgai bïïxi go naana maaxi maaxidaragai ix makïdï idui aanï aapimï gïn buitapi aidï gia kïïga ïmadukai gïn tïtïgitokamudai ïgai ïïki. Kia no gukakamudai kiikidї tudu. Dai aapimï gia nïidi bïïxi go naana maaxi maaxidaragai ix makïdï ibuadana aanï dai modukai mai ïma dukai gïn tïtïgito aapimï.

Mataibo 18:17

Dai xi modukai maiti ipïrhiadagi ïgai xi gïn ïïgiadagi abïr aagida bïïxkatai go buaboitudadami. Dai xi apia dukai maiti ipïrhiadagi ïgai xi ïma dukai gï tïgitoagi, aidï gia maiti abïr biaka urabaragai ïgai ïmadï. Ïmo mai buaboitudadami kabami soimaaxi ibuadami dukai abïr nïijada aidï. Ïmo taanïdami kuota ix makïdï mai sïïrhi aatabuayi podukai abïr nïijada tudu— itïtïdai Suxi.

Mataibo 4:18

Ïmo imidagai go gïï sudagi Galilea tïgidukïdï ugidana aimïraitadai Suxi dai tïï ïgai goka gïn xixïgïmï Ximuñi dai Andïrïxi tïtïgidukami. Go Ximuñi ïr gasukurhi. Dai gokadukatadai tïtiaragadï. Piduru tïgidukatadai ïgai ïpï. Sudaïrï surhigitadai ïgai redigadï dai gabubaidiña ïgai batopa. Podukai gaatabuadana ïgai tudu.

Mataibo 7:24

—Daiñi— itïtïdai. —Odami ix makïdï kaïkana gin ñoki dai ïïgidi, ïgai gia kïïgadu tïgibudadï. Ïpïan dukami ïgai ïmo kïsadami baaki ix makïdï ïmo aitiana kïkïïsai ïmo baki saidi kïïga kabakana simientogadï.

VUAANA 1:42

Dai otoma baidaja ïgai go Ximuñi sai nïidana go Suxi. Daidi Suxi mos tïïgakai go Ximuñi potïtïdai, —Aapi ïr Ximuñi dai gï oga Juan tïgidu dai aapi Cefas gï aagamu odami xibi bhaitiakoga— itïtïdai Suxi. Piduru busakïi go Cefas tïtiaradï tudu dai itïiya ïrhidi aiti.

Hechos 2:47

aatagaiña xïïxi kïï tuiga Diuxi. Bïïxi odami kïïgakïrï nïidiña go buaboitudadami aidï. Dai Diuxi maa tïgibudagai odami sai bïïx tasai jaa odami buaboitudaimi dai bhodïrï urabaiña ïgai go gaa ix makïdï ïr buaboitudadami ïpï.

Hechos 20:28

Kaxkïdï gïn nukadakabïrai ïïgi aapimï bhaitï gukakami daidi kïïga abïr nukada go buaboitudadami ïpï ix makïdï gïn nukaturhi Diuxi Ibhïadï. Ïgai tudu gïn darai saidi ïr nukadakamikana aapimï go buaboitudadami ix makïdï Diuxi sabïrhi ïïgi maradï ïradïkïdï. Go buaboitudadami ïpïan dukamikana kañiñiru. Diuxi sosoigadï gïn dukamikana ïgai dai gï aagaiña xorai nukadakagi ïgai.

Hechos 8:1

Daidi go Saulo ami dajatadai ïpï aidïxi gï muatu go Tibañi dai bhai aa mïx muagi. Dai gokiïrï dada kïkïïrhi kïïga xadutuadadami Diuxi dai yaasa tukugadï Tibañi. Kabami susuanïitadai ïgai soi gïn ïrhiditai. Dai aidï tasïrï aidïxi gï muatu go Tibañi go Jerusalenïrï óídakami bui surhi go gaa buaboitudadami ïpï dai soimaaxi taataturhimitadai. Dai go buaboitudadami aipako iji abhiadïrï. Jaa iji Judeamu dai jaa Samariamu. Mosïkaxi Suxi ojotosadï anaaxi bii Jerusalenïrï.

1 Korintios 15:55

¿Kaxkïdï dukatai gïr maitïna go mukigami xibi? ¡Diuxi ka maitï gobai di! Kaxkïdï ka mai bia gubukarhigai go mukigami gïr bui, ikaiti go ojai.

Efesios 3:10

Dïï gia xibi ipïrhidi Diuxi xi tïtïañikarudï maatïkana xïï saitudaga Diuxi tïgibudadï. Sai tïtïañikarudï ix makïdï ïr gupudagai bipiakami dukai tïbagiana maatïkana tudu. Kaxkïdï xibi aatïmï buaboitudadamikïdï aatabuayi Diuxi dai aatïmïkïdï gatïtïïgidimi ïgai xïï kabami saitudaga tïgibudadï.

Efesios 5:32

Go ñoki gobai ïr ïmo maaxidaragai ix makïdï Diuxi ïxtokikami biakana ïïki abhiadïrï. Go ñoki gobai aagai Suxi Kristo ïmadï aatïmï buaboitudadami.

Kolosenses 1:18

Aatïmï buaboitudadami ïr tukugadï duki Suxi Kristo dai ïgai ïr gïr moo. Ïgaiñdïrï tudu bhïjïi aatïmï gubukarhigai ixtukïdï óídaga aatïmï. Kaxkïdï tudu ïgai ïr Maradï Diuxi dai ïr ïpïgadï ix makïdï gï duakatu gokiïrï xi muu dai ka mai mukia agai ïpamu tomarhi ïmo imidagai. Ïgai tudu bïïxi adaama gatïanïda agai.

1 Tomoteo 3:15

xïduñada maiti ixtui aanï otoma imiagi. Gï ojidi aanï pai maatïkana ix dukatai gï agai ix óídakagi aatïmï buaboitudadami Diuxi. Buaboitudadami aatïmï Diuxi tudu ix makïdï tomarhi ïmo imidagai mai mumukui. Dai aatïmï ïr nukadakami Diuxi ñokidï ix makïdï kïïgakïrï ïr buaboi.

1 Tomoteo 3:5

Kaxkïdï tudu xi ïmo kïïrhi maiti ixtuidikïdagi xi kïïga tïanïdagi dai nukadakagi ïïgi maamaradï xadïrï ixtuidïna xi kïïga nukadakagi Diuxi maamaradï ïpï. Xadïrï ixtutuidïna xi kïïga nukadakagi go buaboitudadami tudu.

Hebreos 12:28

Gin aaduñi, gobai ix makïdï bïïxkïrï bïïtarï kabaka agai ïr go utudui oidakaragai ix makïdï gïr maa Diuxi. Ami gïr utudui oidakaragïrï gïr nukadai Diuxi dai gïr oigïdaitai gïr tïanïi ïgai. Dai bïï mai ugiti agai gobai tomarhi ïmo imidagai. Kaxkïdï gï agai sai kïïga bhai gïr ïrhiada aatïmï Diuxi ïmadï sai podukai kïïga ñokada aatïmï ïgai bïïtarï dai kïïga xadutuadagi ixdukai ïgai ipïrhidi. Aa gia gï agai xi kïïga xadutuada aatïmï mos ïxi namïakatai ïgai.

Apokalipsis 11:15

Dai bhodïrï tïïtïkiïrï dukai tïï aanï xi iba go kugatïrï tïañikarudï Diuxi trompetagadï. Taidi gïgïrï ñiño ixtumaxi tïbagiana daidi ikaiti, —Xibi gia ka ayi xi tami oidigi daama gatïanïdagi Diuxi Gïr Nukadakami ïmadï Kristo ix makïdï ïr Diuxi dasadï rey. Xibi ka bhïiyi ïgai sïïrhikami xi tïanïdagi bïïxkïrï bïïtarï— ikaiti.

Apokalipsis 21:14

Dai nïidi aanï simientogadï go kurarai ïpï dai bhaibuxtama dan goka ojodaikïdï duñixi. Dai ami ojodiana ojixi go bhaibuxtama dan goka tïtiaradï go Arhi Kañiru ojotosadï. Suxi Kristo ojotosadï tudu.